Ramhlun Sports Complex mipuiin Lalnuniangi thlavang hauh, pawikhawihtua puh an vengchhung rap tawh lo turin an hriattir

Aizawl | Feb 19, 2026: Ramhlun Sports Complex All NGO huaihawtin vawiin chawhma dar 10 vel khan an veng nu, Lalnuniangi thlavang hauhin an pungkhawm.

Ramhlun Sports Complex mipuite hi Aizawl district court tualah an pungkhawm a, "Ramhlun Sports Complex mipui chuan Pi Lalnuniangi Case kal lai hi a tawp thlengin kan thlir zui reng dawn a. Rorelna dik leh fel tak a awm theih nan hma kan la zel ang," an ti a, "Lalmawia Kaipeng hi Ramhlun Sports Complex vengchhung rawn rap tawh lo turin kan hriattir a. A rawn rap leh a nih chuan a chungah eng pawh thleng se kan mawh a ni lovang." an ti bawk.

ALL NGO COMMITTEE RAMHLUN SPORTS COMPLEX THUCHHUAK 

1. Ni 22/01/2026 a kan veng nu Pi Lalnuniangi - 46, rawng taka thattu a puh, a Pasal Lalmawia Kaipeng hi dan hnuaiah a na thei ang bera hrem kan phut a. A chungchang rel a nih lai hian Bail a chhuah lo turin thuneitute kan ngen a ni.

2. Lalmawia Kaipeng hi Ramhlun Sports Complex vengchhung rawn rap tawh lo turin kan hriattir a. A rawn rap leh a nih chuan a chungah eng pawh thleng se kan mawh a ni lovang.

3. Pi Lalnuniangi'n rorelna dik tak a hmuh ngei theih nan theihtawp kan chhuah zel dawn a. Thuneitu leh hma latute tha tihchak kawngah tih theih kan neih chuan kan inhawng reng a ni.

4. Ramhlun Sports Complex mipui chuan Pi Lalnuniangi Case kal lai hi a tawp thlengin kan thlir zui reng dawn a. Rorelna dik leh fel tak a awm theih nan hma kan la zel ang.

(LALBIAKTHUAMA)

Chairman, Local Council 

(VANLALKULHA)

President, Branch YMA

(C LALBIAKMAWIA)

President, Branch MUP

(RAMDINTHARI)

President, Branch MHIP

RAMHLUN SPORTS COMPLEX:AIZAWL

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[ For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ