MSACS hnuaiah damdawi inchiu thin - 13,680, mipat mipatna hmang - 1105 leh hmeichhe inzuar

Aizawl | Jan 9, 2026: MSACS hnuaia Targeted Intervention (TI) kalpui mekah, damdawi inchiu thin (PWID) - 13,680, mipat mipatna hmang (MSM) - 1105 leh hmeichhe inzuar (FSW) 1,260 enkawl mek!

National AIDS Control Organisation (NACO) chhut danin, Tun dinhmunah, Mizoramah HIV hrik kai dam lai mi 26,321 an awm mek nia ngaih a ni.

Mizoram State AIDS Control Society (MSACS) hnuaia Targeted Intervention (TI) programme Mizoram hmun hrang hrang 36-a kalpui mekah People who Injecting Drug (PWID) - 13,680, Man having Sex with Men (MSM) - 1105 leh Female Sex Worker (FSW) 1,260 enkawl mek an ni.

Mizoram-ah HIV hrik pai enkawlna (ART Centre) 14 awm mekin, HIV hrik pai 18,355 enkawl mek.

October 1990 aṭanga Nov 2025 chyunga HIV hrik pai hmuhchhuah tawh hi mi 33,781 an ni a. April 2024 - November 2025 chhunga hrik pai hmuhchhuah hi 3,257 an ni a, mipa 2,125 niin, hmeichhia hi 1022 niin heng atang hian 953 hi hmeichhia hrim hrim, 179 chu rai an ni.

April 2024 - November 2025 chhung hian test - mipa 69,552 aṭangin 2,125 (3.10%) in an kai a, hmeichhia 41,562 aṭangin 953 (2.30%) in an kai a, rai lai (ANC) 34,411 aṭangin 179 (0.58%) in an kai bawk.

April 2024 - November 2025 chhunga HIV hrik pai (ANC - rai tel lo) zingah hian mipat hmeichhiatna aṭanga kai hi 70.4% (2167 - mipa 1299, hmeichhia 868) an ni a, Syringe aṭanga kai 27% (831 - mipa 774 leh hmeichhia 57), nu leh pa aṭanga kai 1.8% (56) leh chin hriat loh 0.8% (24) an ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]