Aizawl | Jan 10, 2026: Central YMA General Secretary, Prof. Malsawmliana, leh hruaitu dang ten Vawiin ni 10.01.2026(Inrinni) chhun khan Phaikhou, Damcherra, Tripura-ah Young Chorei Association (YCA) buatsaih Khambar Kut an hman pui.
.jpg)
Khambar Kut hi kumtinin January 9-11,2026 ah YCA hian an hmang thin a. Vawiin chhuna Kut hmannaah hian Prof. Malsawmliana, General Secretary, Central YMA chuan thusawiin “ Zofate hian Kut chi hrang hrang kan nei a, chung zingah chuan pawimawh bik leh pawimawh lo bik a awm lo a. Mipuiin kan hlut bik leh mipui nawlpui huap lo Kut te erawh a awm thung. Heng Kut te hi hnam inpumkhatna atan te, nunphung leh tihdan hlui chhawm nun zelna atan te, nihna ( identity) humhalhnan te an tangkai a. I hmang uar zel ang u tiin a sawi.
Chorei tawng leh nunphung te pawh a dal zel lohna turin theihtawp chhuah zel tur leh inchimralna laka inveng zel turin a chah.
Chorei mipui ten harsatna an tawh leh thil danga puih ngaihna a awm chuan Central YMA a inhawng reng a ti bawk.
Khambar Kut hmannaah hian Central YMA General Secretary bakah CEC 7 te, Taitesena Group YMA President leh Secretary te an tel bawk.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: