Aizawl | Jan 19, 2026: Ex Minister leh MNF PAC member R Lalzirliana chuan, "Hmanhmawh eltianga Lengpui Airport chhehvel ram Sorkarin a lak dan leh hemi behbawma sum kawngbo chingchivetah pawh hian, kan Airport neihchhun hralh tumtute bawk an inrawlh ngei a ni tih a chiang hle," a ti.
.jpg)
Zira chuan, "ZPM Sorkar hmalakna leh kalphung thar an tih chungchangah mipuiin zawhna an ngah hle," a ti a.
"ZPM mite tan chauhva Chief Minister special package hi hmantur anih dawn chuan, Lalduhoma special package, tiin thlak mai rawh se. Hetianga an thutiam an bawhchhiatna langsar taka an tlangaupui ta mai hi, Pathian leh mipui pawikhawihna a ni a. Val Upa Council an tihte inrawlhna awm tak anih laiin, an ngawi thap lawi si a ni," a ti.
"Mau hriak her chungchanga MoU an sawi kha an sign ta em? Rihdil aia lian Tuikhuah turah hmalakna a awm tawh em? Darzo tlanga Solar hmanga tui pump chhoh tura CM in a sawiah, Solar Plant bunna tur buh ṭin za tam tak hmun a awm reng em? tihte pawh a chhanna hriat a chakawm hle a ni."
Mizo National Front
General Headquarters
Mizoram : Aizawl
*Press Release*
CM SPECIAL PACKAGE HI LALDUHOMA SPECIAL PACKAGE, TIIN THLAK MAI RAWH SE.
_R. Lalzirliana, Ex. Minister
Pawlkut thla vawiin ni 19, 2026 (Thawhtanni) chawhma dar 11:00 hian Mizo Hnamrun chhung inkhawm neih a ni a. He hunah hian Pu R. Lalzirliana, Ex. Minister, PAC, MNF Gen. Hqrs chuan thusawiin, "ZPM mite tan chauhva Chief Minister special package hi hmantur anih dawn chuan, Lalduhoma special package, tiin thlak mai rawh se. Hetianga an thutiam an bawhchhiatna langsar taka an tlangaupui ta mai hi, Pathian leh mipui pawikhawihna a ni a. Val Upa Council an tihte inrawlhna awm tak anih laiin, an ngawi thap lawi si a ni," a ti.
Pu Zira chuan, kohhran hruaitu leh hotu engemaw zat awmna ZPM party hi a nghetlo hle, an sorkar hnua inthlan apianga an chaklo zel hian hei hi a ti chiang a ni. Israel faten ringlo mite nen puanzar an inzawm hnua Pathian pawi an khawih ang khan, an thutiam an bawhchhiatna hi Pathian pawi an khawihna a ni a. Anmahni thusawi hi anmahni vekin an hnial leh thin.
Policy & program chik peih leh zir peih an tam tial tial a. Chuvangin, thu belhchian dawllo leh dawtthu sawi hi miten an chhinchhiah a, a hun leh hmun nen an vawngtha khiau thin. Thu chauha ZPM ten an sawi, kalphung thar, an tih hi a takah hmuhtur a awm lova, an danglamna hriattur a awm heklo. CM, Minister leh an MLA ten sorkar hmasa leh midangte demna leh sawiselna tellovin thu an sawi hleithei lo a ni, a ti.
P&E minister lo ni tawh, Pu Zira chuan, ZPM ten hma an lak ve na lianthiam deuh chu MNF sorkar hunlaia bul lo tan tawh, engkim lo ruahmansa vek tawh a ni zel a. Thenzawl solar plant, Sumsuih solar plant leh Tuirini khuah tura hmalak mekte pawh MNF ruahmansa leh thui tak a lo kalpui tawhsa a ni. Tuirial hydel project chungchanga sorkar hmasa leh engineer te an demna pawh thil an hriatfuh tawkloh vang leh siamthat theih anih hunlaia hma an lakloh vang a ni a. Hmanhmawh eltianga Lengpui airport chhehvel ram sorkarin a lak dan leh hemi behbawma sum kawngbo chingchivet ah pawh hian, kan airport neihchhun hralh tumtute bawk an inrawlh ngei a ni tih a chiang hle, a ti bawk.
Pu Zira chuan, ZPM sorkar hmalakna leh kalphungthar an tih chungchangah mipuiin zawhna an ngah hle. Mau hriak her chungchanga MOU an sawi kha an sign ta em? Rihdil aia lian tuikhuah turah hmalakna a awm tawh em? Darzo tlanga solar hmanga tui pump chhoh tura CM in a sawiah, solar plant bunna tur buh tin za tamtak hmun a awm reng em? Tihte pawh a chhanna hriat a chakawm hle a ni, a ti.
Er. Lalrinawma, Ex. Minister, Gen. Secy. MNF Gen. Hqrs. chuan inkhawm hi kaihruaiin, Upa Denghmingthanga, Adviser, MNF Gen. Hqrs. chuan hunserh a hmang.
Sd/-
(PETER CHHANGTE)
Secretary
Media & Publicity Department
Mizo National Front
Memo No. 424/2026
Dt. 19.01.2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: