"Tuirini SHP hi Congress sorkarin kum 2016-ah hma an la tan a. A bul tanna tur US dollar nuai 3 kha MNF sorkarin dawng nghal lovin a reh ta vang vang a, ZPM kan lo sorkar hnuah thahnemngai takin kan tinung leh a, tihtak zeta hnathawh duhna neih chuan thil tih chhung a rei lo thin, vawiinah a lung kan lo phum theih phah a ni," ~ CM Lalduhoma

Aizawl | Jan 19, 2026: Chief Minister  Lalduhoma chuan vawiin khan Tuirini Small Hydel Project tuikhuah tur chu a lung a phum.

He hun hi Sesawng khaw piah deuh atanga pengin km 12 vel a hla Tuirini luikamah neih a ni. Function hi P&E Minister F Rodingliana'n kaihruaiin, Khuallian Chief Minister bakah Home Minister K Sapdanga chu Khualzahawm niin, Supply Minister B Lalchhanzova leh MLA Lt Col Clement Lalhmingthanga leh Department hotu engemaw zatin an tawiawm.

Chief Minister Lalduhoma chuan thusawiin, Tuirini SHP hi Congress sorkarin kum 2016-ah hma an la tan a. A bul tanna tur US dollar nuai 3 kha MNF sorkarin dawng nghal lovin a reh ta vang vang a, ZPM kan lo sorkar hnuah thahnemngai takin kan tinung leh a, tihtak zeta hnathawh duhna neih chuan thil tih chhung a rei lo thin, vawiinah a lung kan lo phum theih phah a ni a ti. Tuna bank atanga kan pawisa puk tur phei hi chu a pung hi 100-ah chengkhat leh siki chauh a ni, kum 19 chhungin rulh tur a ni a, chu pawh 100-ah 20 chauh state chuan kan rulh tur a ni. Loan tha mi a nih angin hetiang ang loan hi a tam thei ang ber sorkar hian puk thei ila tih hi sorkar tha awm dan tur a ni, a ti. He project hi tluang takin kum 5 chhung chuan kan tihpuitlin theih a rinawm a, mipuite pawhin he project tipuitling hman tura hun tha min la pek belh zel ka beisei a ni, a ti.

Tunlai khawvelah kan power mamawh hi a pung tual tual a. Kan state-ah hian company lian investment rawn ti leh tur te tan tiam kan nei a, kawng leh tui leh power connection kan pe ang che u kan ti, chuvangin company lian te hian min bengvar sawt hle a ni. 

Chung an lo luh chuan kan power mamawh a sang zel dawn a, hand holding-ah hma an la sup sup bawk si a, keimahni ngeiin kan thar chhuah hi chu tunah hian 10 megawatt pawh a ni mumal lo. Chutiang chu U.T. atanga kum 50 pelhah pawh kan thar a nih laiin, keini chuan UT atanga sorkar kum 50 kal tawh te tharchhuah let aia tam hi ZPM sorkar chuan tharchhuah kan tum a ni, a ti.

Power chhit man kan sorkarah chuan a hun zelah kan pe thei zel a, pek tlai man kan chawi loh bakah a hun zela kan pek avangin min tlawm thin, nikum December thleng khan cheng nuai 657 lai a huna power chhit man kan pek avanga min tlawmna kan dawng tawh. Power lamah hmachhawp kan ngah mai a, P&E tunhma lam chuan sum thuni-nu ni thin department kha vawiinah chuan kan sum hmuhna department a lo ni ta hi a lawmawm hle, a ti.

Tuirini project survey & investigation hi Central Water Commission chuan NEC prog. atangin bul an tan a. Detailed Project Report hi March 2007 a peih a ni. Kum 2016 khan Mizoram sorkar chuan DPR revise turin M/s WAPCOS a ruai a, Externally aided project hnuaia thawh turin Department of Economics Affairs, Ministry of Finance-ah dilna a thehlut ta a. DEA hian EAP a thawh turin a pawm a, loan lakna turin New Development Bank, Shanghai chu ruat a ni. Bank pawh hian phur takin an lo dawngsawng a, project inbuatsaih nan US dollar 300,000/- a sanction nghe nghe. 

Hetih lai hian sorkar te lo inthlakin Tuirini project thawh tura inbuatsaih mek chu titawpin NDB in project support a sanction tawh pawh chu a dawng duh ta lo a ni.

ZPM sorkar thar kum 2023 a lo pian khan Kawlphetaa Mizoram a intodelh theih dan tur ngaihtuahin nasa takin ruahmanna a rawn siam chho ta a. Tuirini project lo mu tawh pawh kaitho leh turin tha a thawh ta a ni. Project cost te update lehin DEA ah Externally Aided project turin 17th September 2024 khan dilna Preliminary project report a theh lut leh a. CM Lalduhoma hmalakna leh Power minister, Pu F. Rodingliana te thawhrimna avangin beisei bo tawha ngaih Tuirini Project chu DEA screening committee chuan 28th February 2025 khan Externally Aided Project a thawh turin a pawm leh ta a. 

DEA hian loan hi NDB atanga lak turin a ruahman leh a. Power & Electricity department lam leh NDB lam hian loan sign a nih theih nan tunah hian a tul te an thawk char char a. NDB Mission Team hian kum 2025 khan Mizoram rawn tlawhin Tuirini project chungchang te leh Mizoram sorkar dinhmunte zir chiangin an rawn kal tawh a, an report hi NDB Board of Director pawmpui turin an inruahman mek a ni.

New Development Bank duh danin Tuirini project enkawltu bik tur Project monitoring Unit pawh Mizoram sorkar hian a din fel tawh a. Project management consultant rawihna tur tender pawh December 2025 khan tih chhuah a lo ni tawh nghe nghe a ni.

Externally Aided Project hnuaia Tuirini project kan thawk thei tur hi a lawmawm tak zet a. A project cost Rs.676.98 crore atang hian DEA in 541.58 crore (80% loan a la ang a, hemi bak Rs.135.4crore 20% hi state in a tum ve ang). DEA in loan a lak atanga 54.158 crore chin hi Mizoramin zawi muangin loan a rul ve ang a, a bak zawng hi Central in a rul thung dawn. 

Mizoram sorkar chuan Rs. 487.422 crore hi Tuirini project tihpuitlin nan support kan dawng dawn tihna a ni ta ber mai. Mizoram mipui tan hian a hlu em em a, pheichham man kan ni ber mai. Tuirini project hi 24 MW pe chhuak thei tura ruahman a ni a, kum khatah Kawlpheta 64.1 Gwh a siam chhuak thei dawn a ni, CM chuan a ti.

(ZPM General Headquarters, Aizawl)

PRESS RELEASE

CHIEF MINISTER PU LALDUHOMA'N TUIRINI SMALL HYDEL PROJECT LUNG A PHUM

Vawiin ni 19 (Thawhtanni) January, 2025 hian Chief Minister Pu Lalduhoma chuan Tuirini Small Hydel Project tuikhuah tur chu a lung a phum . 

He hun hi Sesawng khaw piah deuh atanga pengin km 12 vel a hla Tuirini luikamah neih a ni. Function hi P&E Minister Pu F. Rodingliana chuan kaihruaiin, Khuallian Chief Minister bakah Pu K. Sapdanga, Home Minister chu Khualzahawm niin, Supply Minister Pu B. Lalchhanzova leh MLA Lt.Col. Clement Lalhmingthanga leh Department hotu engemaw zatin an tawiawm.

Chief Minister Pu Lalduhoma chuan thusawiin, Tuirini SHP hi Congress sorkarin kum 2016-ah hma an la tan a. A bul tanna tur US dollar nuai 3 kha MNF sorkarin dawng nghal lovin a reh ta vang vang a, ZPM kan lo sorkar hnuah thahnemngai takin kan tinung leh a, tihtak zeta hnathawh duhna neih chuan thil tih chhung a rei lo thin, vawiinah a lung kan lo phum theih phah a ni a ti. Tuna bank atanga kan pawisa puk tur phei hi chu a pung hi 100-ah chengkhat leh siki chauh a ni, kum 19 chhungin rulh tur a ni a, chu pawh 100-ah 20 chauh state chuan kan rulh tur a ni. Loan tha mi a nih angin hetiang ang loan hi a tam thei ang ber sorkar hian puk thei ila tih hi sorkar tha awm dan tur a ni, a ti. He project hi tluang takin kum 5 chhung chuan kan tihpuitlin theih a rinawm a, mipuite pawhin he project tipuitling hman tura hun tha min la pek belh zel ka beisei a ni, a ti.

Tunlai khawvelah kan power mamawh hi a pung tual tual a. Kan state-ah hian company lian investment rawn ti leh tur te tan tiam kan nei a, kawng leh tui leh power connection kan pe ang che u kan ti, chuvangin company lian te hian min bengvar sawt hle a ni. 

Chung an lo luh chuan kan power mamawh a sang zel dawn a, hand holding-ah hma an la sup sup bawk si a, keimahni ngeiin kan thar chhuah hi chu tunah hian 10 megawatt pawh a ni mumal lo. Chutiang chu U.T. atanga kum 50 pelhah pawh kan thar a nih laiin, keini chuan UT atanga sorkar kum 50 kal tawh te tharchhuah let aia tam hi ZPM sorkar chuan tharchhuah kan tum a ni, a ti.

Power chhit man kan sorkarah chuan a hun zelah kan pe thei zel a, pek tlai man kan chawi loh bakah a hun zela kan pek avangin min tlawm thin, nikum December thleng khan cheng nuai 657 lai a huna power chhit man kan pek avanga min tlawmna kan dawng tawh. Power lamah hmachhawp kan ngah mai a, P&E tunhma lam chuan sum thuni-nu ni thin department kha vawiinah chuan kan sum hmuhna department a lo ni ta hi a lawmawm hle, a ti.

Tuirini project survey & investigation hi Central Water Commission chuan NEC prog. atangin bul an tan a. Detailed Project Report hi March 2007 a peih a ni. Kum 2016 khan Mizoram sorkar chuan DPR revise turin M/s WAPCOS a ruai a, Externally aided project hnuaia thawh turin Department of Economics Affairs, Ministry of Finance-ah dilna a thehlut ta a. DEA hian EAP a thawh turin a pawm a, loan lakna turin New Development Bank, Shanghai chu ruat a ni. Bank pawh hian phur takin an lo dawngsawng a, project inbuatsaih nan US dollar 300,000/- a sanction nghe nghe. 

Hetih lai hian sorkar te lo inthlakin Tuirini project thawh tura inbuatsaih mek chu titawpin NDB in project support a sanction tawh pawh chu a dawng duh ta lo a ni.

ZPM sorkar thar kum 2023 a lo pian khan Kawlphetaa Mizoram a intodelh theih dan tur ngaihtuahin nasa takin ruahmanna a rawn siam chho ta a. Tuirini project lo mu tawh pawh kaitho leh turin tha a thawh ta a ni. Project cost te update lehin DEA ah Externally Aided project turin 17th September 2024 khan dilna Preliminary project report a theh lut leh a. CM Pu Lalduhoma hmalakna leh Power minister, Pu F. Rodingliana te thawhrimna avangin beisei bo tawha ngaih Tuirini Project chu DEA screening committee chuan 28th February 2025 khan Externally Aided Project a thawh turin a pawm leh ta a. 

DEA hian loan hi NDB atanga lak turin a ruahman leh a. Power & Electricity department lam leh NDB lam hian loan sign a nih theih nan tunah hian a tul te an thawk char char a. NDB Mission Team hian kum 2025 khan Mizoram rawn tlawhin Tuirini project chungchang te leh Mizoram sorkar dinhmunte zir chiangin an rawn kal tawh a, an report hi NDB Board of Director pawmpui turin an inruahman mek a ni.

New Development Bank duh danin Tuirini project enkawltu bik tur Project monitoring Unit pawh Mizoram sorkar hian a din fel tawh a. Project management consultant rawihna tur tender pawh December 2025 khan tih chhuah a lo ni tawh nghe nghe a ni.

Externally Aided Project hnuaia Tuirini project kan thawk thei tur hi a lawmawm tak zet a. A project cost Rs.676.98 crore atang hian DEA in 541.58 crore (80% loan a la ang a, hemi bak Rs.135.4crore 20% hi state in a tum ve ang). DEA in loan a lak atanga 54.158 crore chin hi Mizoramin zawi muangin loan a rul ve ang a, a bak zawng hi Central in a rul thung dawn. 

Mizoram sorkar chuan Rs. 487.422 crore hi Tuirini project tihpuitlin nan support kan dawng dawn tihna a ni ta ber mai. Mizoram mipui tan hian a hlu em em a, pheichham man kan ni ber mai. Tuirini project hi 24 MW pe chhuak thei tura ruahman a ni a, kum khatah Kawlpheta 64.1 Gwh a siam chhuak thei dawn a ni, CM chuan a ti.

Sd/-

(LALHRUAITLUANGA KAWLNI)

Jt. Secretary

Media & Publicity Deptt.

ZPM Gen. Hqrs., Aizawl

PR No.ZPM 02/02A/2026/6

Dated 19th January, 2026