Ruth Khawlhring lehkhabu parukna 'The Prisoner' tlangzarh

Aizawl | Dec 12, 2025: Tuikual North Nula Ruth Lalrohlui (Ruth Khawlhring) lehkhabu parukna 'The Prisoner' chu vawiin khan Woodland Group CEO C Lalpekliana'n Woodland Hills, Zonuam-ah a tlangzarh.

The Prisoner-ah hian depression, mental illness, emotional trauma, leh feminism kan hmu a. Psychological fiction niin, a changtunu Ruby Kilgore hmang hian hmeichhia mental illness nei ten khawvel an hmachhawn dan kan hmu a ni.

The Prisoner lehkhabu hi chi hnih siam a ni a, Paperback hi phek 259 awmin cheng 350 man a ni a, Hardcover hi phek 229 niin, cheng 500 man a ni thung. Amazon ah lei theih in a awm a, Aizawl ah chuan Lehkhabuk leh Wheeling Books ten an kawl ang.

Ruth Khawlhring hian Lehkhabu panga - Novel 3, Poem 1 leh Diary 1 a tichhuak tawh a.

1. 2022: pawl 12 a zirlaiin, 'The Trouble Maker' a tichhuak a.

2. 2023 khan HSSLC (Arts) 2023 Mount Carmel School, atanga pass in 6-na a ni a, a novel pahnihna 'Shallow' a tichhuak.

3. Feb 13, 2024 khan 'Ignoria' a tlangzarh, Shallow chhunzawmna a ni.

4. Jengkha Diary - Jengkha-a rawngbawlna diary a ni a, Mizo a a ziah awm chhun a ni.

5. Kumin 2025 hian, Kum 21 mi niin, 'Akrasia' chu Feb 17, 2025 khan a tichhuak. He lehkhabu hi a lehkhabu pangana niin, peorty dahkhawmna niin, english a ziah a ni a, phek 127 a ni a, peotry 127 a awm.

Ruth Khawlhring hi Dr Lalchhuanmawii leh Dr Lalhmachhuana, Tuikual North te fa pathum zinga milai, hmeichhe awm chhun a ni a. December 8, 2003-ah piangin, Pachhunga University College (PUC) a BA English 5th Semester zirlai niin, kum 2024 - 2025 chhung PUC SU niin, Asst. Cultural Secretary nihna a lo chelh tawh.

Ziak mite chawimawi na award hi a dawng ve nual tawh a. Nakum February 2026 a hman tur 11th International Literary Carnival, Kolkata a hman turah hian Women Writer award leh Dickens Award for Literary Excellence ka dawng dawn a, award ceremony hi Gala Networking Dinner in a chhunzawm bawk dawn a ni.

Tin, Feb 2026 tho a hman tur Bangalore a Literary Honours Award semna-ah hian Best Reflective Novel Award ka dawng dawn bawk a ni.