PMUY hnuaiah Mizorama khawsak harsa hmeichhia 36,031 hnenah a thlawnin Gas connection pechhuak tawh

Aizawl | Dec 5, 2025: Sawrkar laipui hmalakna Pradhan Mantri Ujjwala Yojana (PMUY) hnuaiah Mizorama chhungkaw khawsak harsa hmeichhiate hnenah a thlawna Gas connection 36,031 pekchhuah a ni tawh.

PMUY hmalakna hi sawrkar laipui chuan kum 2016 May thla khan bulṭanin ramchhunga chhungkaw khawsak harsa hmeichhiate hnenah a thlawnin Gas connection pekchhuah thin a ni a, PMUY beihpui thlakna ramchhungah Gas connection vaibelchhe 10.33 pekchhuah tawh niin Sawrkar laipui chuan tunhnaiah connection nuai 25 a pe chhuak leh dawn a ni.

PMUY hi Mizoramah connection 36031 pekchhuah tawh a ni a, heng zingah hian Mamit District ah tam berin connection 7462 pekchhuah a ni tawh a, Aizawl in dawtin 6818 connection pek a ni a, Lunglei ah 4358 leh Kolasib ah 4524 pekchhuah niin Lawngtlai District ah connection 3850 pekchhuah a ni a, Champhai ah 2187 pekchhuah niin Serchhip ah 1891 leh Hnahthial ah 1825 pekchhuah a ni a, Saitual ah 1225 pekchhuah niin Khawzawl ah connection 1051 pekchhuah a ni tawh bawk.

PMUY hnuaiah hian chhungkaw khawsak harsa LPG connection la nei ve lo te hnenah chhungkuaa hmeichhe kum tling hmingin a thlawna Gas connection pekchhuah ṭhin a ni a, dil tur chuan LPG Distributor ah emaw pmuy website emaw Common Service Centre hnai berah ngaihven theih a ni ang.