Aizawl | Dec 17, 2025: Kum 2024 Jan - 2025 Sept chhungin ruihhlo kaihhnawih-ah mi 12,469 man an nia, heng zinga 100 hi ram dang mi an nih thu Excise & Narcotics Minister Lalnghinglova Hmar chuan vawiin chhun dar 12:30 khan a pisa-ah thuthar thehdarhtute kawmin a sawi.
.jpg)
Excise Minister hian, kum hnih chhunga Excise & Narcotics Deptt hmalakna leh hamsawnna te a sawi.
Minister hian, January 2024 atanga September 2025 chhunga hmalakanleh hamsawnna te a tarlang a, ruihhlo kaihhnawiha man tawh zat tarlangin, Zu kaihhnawih-ah (MLP Act, 2025) mi 10,906 man an nih thu leh, damdawi kaihhnawih-ah (NDPS Act. '85) mi 1,563 man an nih thu a sawi.
Heng an mi mante belhkhawm hi mi 12,469 an ni a, heng zingah hian ram dang mi 100 an awm thu a tarlang bawk.
Excise & Narcotics Minister Lalnghinglova Hmar Press Statement
Dec 17, 2025, Nilaini
1. Department thuam chakna:
i) Excise Station thar hawn:
Zu leh ruihhlo do kawnga chak lehzuala hmalak a nih theih nan District thar pathumah December, 2024 chhung khan hetiangin Excise & Narcotics Station hawn a ni:
Saitual - December 11, 2024 (by Pu Lalduhoma, Hon'ble CM)
Khawzawl - December 11, 2024 (by Pu Lalduhoma, Hon'ble CM)
Hnahthial - December 13, 2024 (by Pu Lalnghinglova Hmar, Excise Minister)
Tin, Sairang leh Bairabi a Excise Station hawn phalna pawh October 22, 2025 khan hmuh a ni tawh bawk.
ii) Motor thar:
March ni 14, 2025 khan ruihhlo do kawnga pawimawh tak motor thar 18 (LMV - 14 leh Two-wheeler - 4) te chu department hnuaia station hrang hranga hman turin sem chhuah a ni.
Heng motorte hi Mahindra Bolero camper pali, Mahindra Scorpio pakhat, Maruti Eco Van panga, Mahindra Bolero pali leh two-wheeler (YAMAHA FZ) pali te a ni.
Tin, June 4, 2025 khan motor indaih Io zual phuhruk nan LMV hman mek pathum chu Mizoram sawrkar atangin dawn a ni bawk.
iii) Post creation & recruitment: Department chak lehzual nan Sawrkar chuan hetiangin post thar 12 a siam tawh:
Assistant Commissioner-4
Inspector-3
Asst. Sub-Inspector-3
Head Constable - 3
Group D - 3
Thawktu indaih lohna phuhru turin direct recruitment hmangin mi 28 lak an ni tawh a, midang 39 lakna tur a kal mek bawk.
Lak fel tawh: Inspector - 3, Sub-Inspector -13, Constable - 9, Group D - 3
Hna lak kal mek: Asst. Sub-Inspector -1, UDC - 3, Driver - 5, Constable - 30
2. The Mizoram Liquor (Prohibition) Amendment Act, 2025:
He dan siamthat hnuaiah hian Grape mai bakah Mizorama thlai leh theirah thlanchhuahte hmangin local beer leh wine Siam theih a ni dawn a ni. Tin, a siamchhuah leh zawrhchhuah dan pawh mumal leh tha zawka kalpui tum a ni.
The Mizoram Liquor (Prohibition) Amendment Rules, 2025 pawh October 1, 2025 khan Gazette-ah chhuah a ni tawh bawk.
3. KHAWTLANG THENFAI HNA:
Aizawl luhka, Vaivakawn huam chhung, Sairang road-a "A senchi Lane" an tih mai thina addict awm khawm leh zu zuar thinte chu June 8, 2024 atang khan Excise & Narcotics Department leh Vaivakawn khawtlangin thutchilhin an thianfai viau tawh a. Hetiang hian hmun dang pawh beih zel tum a ni.
Vaivakawn bakah Aizawl khawpui lun lai-a addict awm khawm thinte pawh thianfai turin theihtawp chhuah mek zel a ni.
January 30, 2025 khan Police nen joint operation neiin, dan phal lohva zu siamna hmunpui Rangvamual leh Phunchawng chhehvela a ruka zu siamna hmun te luhchhuah a ni.
May 2025-a Tawngtai Bethel Camping Centre (TBCC) atanga a nawlpuia ruihhlo ngai an chhuah avangin, Aizawl khawpui ralmuan zawk nan zanlamah ngawrh takin mobile duty neih thin a ni. Excise & Narcotics Department hnuaia thawkte team hrang hrangah inthenin tun thlengin Aizawl khawpui an tuam thin a ni.
September 1, 2025 atangin Mizoram Police, CYMA hnuaia branch hrang hrang leh khawtlang hruaitute nen tangkawpin Ruihhlo Do beihpui thlak kalpui a ni. Mizoram Police leh ramri hrula awm khuate'n ramri atanga ruihhlo Io lut tur dona theihtawpa an kalpui laiin, Excise & Narcotics Department pawhin Mizoram khawpui hrang hrangah patrolling/mobile duty ngawrh takin an nei thin a ni.
June 2025 atanga neih tan, Mizoram Sawrkar, Mizoram Presbyterian Church leh tlawmngai pawl dangte thawkhovin an buatsaih ruihhlo ngaite chhanchhuahna, 'Hulhliap Short Stay Centre-ah' Excise & Narcotics Department chu camper tur sengkhawm, venhim leh enkawl chungchangah sulsutu ber zinga mi niin, camp batch paruk neih tawhah tha leh zung thahnem tak a seng tawh a ni.
4. Ruihhlo Do meeting:
District hrang hrangah Excise Minister hovin Ruihhlo Do meeting neih thin a ni. Heng meeting-ah hian Deputy Commissioner hovin sawrkar hnathawk bakah khawtlang leh kohhran aiawh, zirtirtu leh zirlai pawl aiawhte telin, awmze nei zawka ruihhlo do dan tur sawiho a hmalak thin a ni. Lunglei, Hnahthial, Khawzawl, Saitual, Champhai, Mamit district te bakah Aizawl District-a Darlawn ah te meeting neih tawh a ni.
5. District Drugs Control and Awareness Centre, Serchhip:
SASCI hnuaia cheng vaibelchhe hnih senga sak tur, Serchhip-a 'District Drugs Control and Awareness Centre' chu thawh tan tawh a ni.
6. Drug Destruction (Ruihhlo halral):
Excise & Narcotics Department chuan ruihhlo man, court-in a chinfel tawhte a halral thin a. Tun Sawrkar chhungin tumthum halral tawh a ni a, heng ruihhlo halralte hlutna (local market rate) chu cheng vaibelchhe 71.64 a tling.
International Day Against Drug Abuse and Illicit Trafficking, 2025 (June 26, 2025) ah cheng vaibelchhe 20.25-man halral a ni.
November 29, 2024 ah cheng vaibelchhe 11.53 man halral a ni.
Khawvel pum huapa ruihhlo dona ni, International Day Against Drug Abuse and Illicit Trafficking, 2024 (June 26, 2024) ah cheng vaibelchhe 39.86 man halral a ni.
7. Awareness Campaign/Seminar etc.
Tun sawrkarah District zawng zawngah zirlaite - a bikin Middle School leh High School naupang - tan ruihhlo that loh zia inzirtirna 'Awareness campaign/seminar' vawi 67 buatsaih tawh a ni a, mi 10,068 chuang an tel a ni.
Tun sawrkar chhungin Excise Minister in ruihhlo ngaite enkawlna leh an puala camping buatsaihte turn 20 chuang tlawh tawhin, tanpuina sumfai leh bungrua engemawzat a hlan tawh a ni.
Excise & Narcotics Department officer te'n kohhran, khawtlang leh tlawmngai pawl buatsaih programme hrang hrangah theihtawp chhuahin zirtirna an pe thin bawk a ni.
8. Tun sawrkarin (January 2024 atanga September 2025) zu, ruihhlo, vehicle leh dan bawhchhia man report chu a hnuaiah tarlan a ni:
1. REVENUE COLLECTION UNDER - 0039 - STATE EXCISE - Rs. 4,53,22,875/-
2. Liquor Seized:
a) Zu/Country Liquor (in litre.) - 1,10,277.400
b) Zu bilhlai/Fermented Rice (in tin) - 2,12,653
c) Dawidim/Yeast (in kilogram) - 470.400
d) IMFL (in bottles) - 46,409
(e) Beer man zat (in bottles and cans) - 45,174
(f) Foreign (imported)Liquor (in bottles and cans) - 16,364
(g) BEDC (in litre) - 6,205
(h) Fruit wine (in litre) - 56,028.43
3. Utensil
a) Pot (in number) - 1278
4. Vehicles seized
a) Two Wheeler (in number) - 118
b) Three Wheeler (in number) - 6
c) LMV (in number) - 166
d) MMV (in number) - 3
e) HMV (in number) - 5
5. DRUGS SEIZED
a) Heroin (in kilogram) - 80.594
b) Ganja (in kilogram) - 801.067
c) Methamphetamine (in kilogram) - 425.144
d) Opium (in kilogram) - 1.193
e) Pseudoephedrine (in kilogram) - 7.420
f) Cough Syrup (in kilogram) - 822.365
g) Tramadol/Diazepam/Nitrazepam (in kilogram) - 7.966
6. No. of persons arrested under NDPS Act. '85 - 1,563
7. No. of cases registered under NDPS Act. '85 - 1,016
8. No. of persons arrested under MLP Act, 2025 - 10,906
9. No. of case registered under MLP Act, 2025 - 12,047
10. No. of persons arrested under ME Act, '73 - 787
11. No. of Case registered under ME Act, '73 - 826
12. No. of foreigners arrested under ND&PS & MLP Act - 100
NDPS Act = Narcotics Drugs & Psychotropics Substances Act, 1985
MLP Act = Mizoram Liquor (Prohibition) Act, 2025
ME Act = Mizoram Excise Act, 1973 (For Autonomous District Council area only)
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: