Zaninah Mizo Idol top 50 intihsiakna zo dawn, result puang nghal dawn!

Aizawl | Oct 4, 2025: LESDE Mizo Idol Season 8 top 50 intihsiakna chu zaninah zawh a ni dawn a, result puan nghal a ni ang.

Zonet buatsaih LESDE Mizo Idol Season 8 intihsiakna neih mekah Ninga zan atang khan top 50 intihsiakna hi tan a ni a, Ninga zan leh nizan khan mi 18 ve ve an inlan a, zanin bikah mi 14 an inlan leh dawn a, intihsiakna zawhfel hnuah result puan nghal a ni ang.

LESDE Mizo Idol intihsiakna hi zan dar 8-ah Zonet Zawlbuk, Zonet Youtube Channel leh Zonet Application Empai-ahte Live-a pek chhuah thin a ni a. Top 50 intihsiakna atang hian top 20 thlan chhuah tur a ni a, top 20 a tlingte tan kar leh Ningani, October ni 9 zan atangin intihsiakna chhunzawm a ni dawn a, top 20 intihsiaknaah hian Contestant-te hman turin Acaustic Guitar, Keyboard leh Cajon chhawp a ni leh dawn a, top 20 atang hian a tha zual 10 thlan chhuah tur niin, top 10 intihsiakna chu Mualpui-a R. Dengthuam Hall-ah neih a ni tawh dawn a, top 10 intihsiakna chu Sound Track hmanga neih tur niin, top 5 atangin Live Music hmanga intihsiakna hi neih tura ruahman a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]