PC Party leh AAP-in PWD Minister campaign thusawi an dem

byAdmin — 0
Aizawl | Oct 4, 2025: PC Party leh AAP-in PWD Minister campaign thusawi an dem.


PC Party chuan, "a thusawi ngaithlatute sorkar thiltihtheihna hmanga a vau hi a tha lo kan ti a. Kan dem hle a ni," an ti a.

AAP pawhin, "Dampa bial mipui vauna a chhak chhuak leh ta hi a pawi kan ti em em a, na takin kan dem a ni," an ti bawk.



PC Party chuan PWD Minister campaign thusawi kan dem
Aizawl October 4, 2025: PC Party chuan Phuldungsei Community Hall-a PWD Minister Vanlalhlana’n Vanlalsailova thlan tlin anih loha Pukzing leh Silsury inkar kawng laihna tur ngaituah nawn ngai tura a sawi hi tha kan ti lovin kan dem hle.

Phuldungsei Community Hall-a PWD Minister thusawi video darhah Minister hian Pukzing leh Silsury inkar kawng, truck kal theihna tur laihna tur, pawisa pawh NESIDS (North East Special Infrastructure Development Scheme) atanga a awm vek tawh thu sawi a, Dampa bial by-election-a ZPM candidate Vanlalsailova thlan tlin anih loh chuan ngaihtuah nawn a ngai mai thei niin a sawi a, a thusawi ngaithlatute sorkar thiltihtheihna hmanga a vau hi a tha lo kan ti a. Kan dem hle a ni.

Hemi chungchang hi kan zirchiang ang a, Thawhtanni lo awm tur October ni 6-ah kan ngaihtuah ang a, a tul angin hma kan la zui ang.

Alfred Zoremsanga Colney,
Information Secretary,
PC Party Gen. Hqrs.
Press Release No. 17 of 2024-26, Date: 5th Oct, 2025




PR.No.AAP.27/2024-25
Dated Aizawl : The 4th Oct 2025

Keini AAP,Mizoramte chuan kan hma lawka Dampa bial MLA inthlan (by-election) lo awm tur hi dan hnuai ah dik tak a kal tura kan beisei laiin tun hnaia Cabinet Minister Pu Vanlalhlanan Dampa bial mipui vauna a chhak chhuak leh ta hi a pawi kan ti em em a, na takin kan dem a ni. 

PWD Minister hian  Phuldungsei khuaa a thusawi naah North East Special Infrastructure Development Scheme (NESIDS) hnuaiahPukzing leh Silsury kawng, truck kal theihna a siam tura awm vek tawh , ZPM candidate Pu Vanlalsailova a tling lo a nih chuan ngaituah nawn a ngai leh tur anga sawi a Dampa bial mipui te rilru a ti chi ai a, hei hian The representation of the people act, 1951 leh The model code of conduct chiang takin a kalh a, tin, India Constitution hnuaia Article 19 (1) (a) hi a tiderthawng bawk a ni.

Minister hian mipui leh dan hma a thuphachawina a nei lo a nih chuan mipui thlavang hauh nan leh a dan bawhchhiatna a hrem ngei a ni theih nan hma kan la dawn a ni. 


Tin, PWD Minister hian hetia dan bawhchhia a hun khawhral lo hian Mizoram hmun hrang hranga kawng chhe em em mek hi siamtha vat zawk rawh se, tiin kan chah duh bawk a ni

Sd/-
Secretary,
Aam Aadmi Party Mizoram







Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post