SAY Congress vawi 27-na Darlawnah nei mek; Palai sang li chuang tawh!

• SAY Congress vawi 27-na Darlawnah nei mek!

Aizawl | October 4, 2025: Salvation Army Youth (SAY) Congress hi October ni 3, 2025 Zirtawpni zan, Welcome Meeting-ah Chief Secretary Lt Col. Masilamani Stalin chuan Pathian hnenah a hlan a, Welcome Meeting-ah hian Chief Secretary chuan Pathian thuchah sawi nghal in thupui chu - Krista ang tura tihdanglam - amah hriat chiannah tih a ni.

Vawiin October Ni 4, 2025 chawhma leh chawhnu khan Praise Meeting neih a ni a. Chawhma lamah hian Lt. Col Vanlaltluanga, Secretary for Personnel Administration chu Speaker niin Thupui atan Krista ang tura tihdanglam - Thil tinrengah tih a ni a. Chawhnu lam Praise Meeting-ah hian Lt. Col Vanlalsawmthanga, Secretary for Business Administation chu Speaker niin thupui atan Krista ang tura tih danglam - thutiama rinawmnaah tih a ni bawk a ni.

October Ni 4, inrinni zan lam hi Tawngtaina inkhawm leh Variety Program- a hman chhunzawm tur niin, Major Richard Vanlalnghaka Territorial Youth Secretary chuan Speaker niin hun a hmang dawn a ni.

SAY Congress-ah hian vawiin thleng khan palai in-report 4700 vel awm tawhin, he IET SAY Congress hian hmarchhak pum a huam avangin kawng chhia avang leh harsatna hrang hrang avangin zirtawpni palai thlen huna thleng hman lo eng emaw zat an awm a. An kal belh zel bawk a ni.

SAY Congress hi October Ni 5, 2025 Pathianni Zan, Chhandamna Inkhawmah a tiak ang.