YMA Inkhawmpui lian-in 2025 - 2027 kumpuan atan 'Ruihhlo Do' pawm; Kum 2027 inkhawmpui lian Vairengte-ah nghat dawn

YMA Inkhawmpui lian-in 2025 - 2027 kumpuan atan 'Ruihhlo Do' pawm; Kum 2027 inkhawmpui lian Vairengte-ah nghat dawn!

Aizawl | Oct 22, 2025: Vawiin ni 22.10.2025(Nilaini) khan YMA rorelna sang ber, YMA Inkhawmpui Lian vawi 75-na Rorel chu Chengkawlawn Run, Sakawrdai ah neih a ni a, Pu Lalhmachhuana, President in a kaihruai. 

Thurelte: 

YMA Khawih: 

1. YMA inkaihhruaina leh nihphung leh hruaitute mawhphurhna rampumah inzirtira neih ni rawh se.

2. Mizoram chhunga hnamdang sumdawng, phalna nei lo tam ta lutuk hi titlem turin YMA-in hma la rawh se. 

3. Mizo hmeichhia ten namdang pasala an neih zel loh nan Central YMA hian inzirtirna nasa zawkin kalpui rawh se. 

4. Mizo Infiamna te chawisan a nih theih nan CYMA in hma la rawh se.

5. Zohnahthlak chi peng hrang hrang Mizoram a chengte zingah chi bil hmalakna a awm tawh loh nan Central YMA in hma la rawh se

Sawrkar khawih:

1. Inner Line Permit (ILP) hi tun aia khauh leh awmze nei zawka kalpui a nih theih nan YMA-in Sawrkar-ah thlen rawh se

2. Tui hnar humhalh dan siam ni rawh se. 

3. Mizoram chhunga inkalpawhna kawngpui hrang hrang a chhiat avanga mipuiten harsatna kan tawk nasa lutuk thin hi a lo ziaawm theihnan Mizoram Sawrkarin tun aia chak zawkin hma la rawh se.

Kum 2025-2027 Kumpuan atan “Ruihhlo Do” thlan a ni.

Central YMA Budget (2025-2026) atan Rs. 21,149,935/- pawm a ni. 

Kum 2027 a YMA Inkhawmpui Lian chu Vairengte Joint YMA thlen turin Vairengte-ah nghah a ni. 

Rorelnaah hian Palai  mi 1506 an kal.