Aizawl | Oct 27, 2025: Mizoram-ah a hmasa ber atan Territorial Army (Home & Hearth)-a ṭang turte lakna chu November ni 15, 2025 leh November ni 25, 2025 inkar hian Rajiv Gandhi Stadium, Aizawl-ah neih a ni dawn a. He hna lakna hi Mizoram Sorkar leh 166 INF BN (TA) (H&H) Assam-te ṭangkawp chuan an buaipui dawn a, a vawikhatna atan hmeichhia-te tan Territorial Army (Home & Hearth)-a an luh theihna tur a ni.
Mizo thalai hmeichhia leh mipate'n a ram leilung fate kan nihna anga hna zahawm, chhuanawm leh hmabak duhawm kan ram tana thawk theihna hun remchang tak hawnsak kan ni dawn a ni.
Territorial Army hnalak runpui hi MLA Pu Clement Lalhmingthanga kaihhruaina hnuaiah State Level Committee on Territorial Army Coordination and Establishment chuan buaipuiin Territorial Army leh Mizoram Sorkar ṭangkawpin hma an lakna rahchhuah a ni a. Langtlang tak leh mumal taka a, Territorial Army-a ṭang tur te lak an nihna tur hian Mizoram Sorkar hnuaia Home Department, Health Department, DIPR leh District thuneitute chuan ṭhahnemngai takin hma an laho a. A vawikhatna leh a hmasa ber atan Mizo nulate Territorial Army-a an luh theihna tur kawng hawn a ni a. India Sorkar chuan hmechhiate Armed Forces-a luhna tura hmalakna kalzelah tun ṭuma Territorial Army lak turah pawh hian post 144 General Duty lak turah post 9 chu hmechhiate tana hauhsak a ni a. Hetianga hmeichhiate Territorial Army-a an luhna tur atana bulṭanna hian hmeichhiate ram tana hna an thawhna te, mahni an inthununna te leh hruaitu nihna thinlung an neih te lanchhuahtirna tura ruahman a nih bakah Mizote kan khawtlanga hmeichhia dinhmun pawihmawhna leh hnam inlungrualna leh chakna atana hmeichhiate hnathawh lantirna tur atana ruahman a ni.
Territorial Army (Home & Hearth) hian ṭhalai zamṭha tak tak te, Indian Army uniform ha chunga an hmalam hun atana an inbuatsaih zel theihna tår hun remchang a siamsak a. Territorial Army atana lakte chuan Indian Army uniform nen chhuanawm taka ram tana hnathawkin, India Army te angin hlawh leh hamṭhatna bakah damdawia inenkawlna te an dawng a. An hnathawh ṭhat dan leh mawmawh dana zirin Territorial Army te hi hun rei zawk atana chhawr theih leh hamṭhatna hrang hrang Sorkar ruahman anga pekzui zel tur an ni.
Tunah hian India Sorkar chuan 8th Central Pay Commissionhmangturin a inbuatsaih mek a, hei hian Territorial Army te hlawh leh hamṭhatna pawh a belhchhah dawn a ni.
Territorial Army Mizoram-a dinna pawimawhzia hriain Empowered State Level Committee on Territorial Army Coordination and Establishment chuan Mizoram pum huapin awareness campaign neiin, he awareness campaign hi ni 27 October 2025-a kalpui tura hmalak a ni a. (Thawhṭanni) aṭang hian DIPR, Doordarshan Aizawl, All India Radio, District Territorial Army chungchanga hmalakna leh Information Offices te chuan ruahmanna-te puanzar hna chu social leh digital media kaltlangin an thawk ṭan dawn a. Mizo ṭhalai, hmeichhia leh mipa Territorial Army dil thei zawng zawng te fuih a, ram tana hna ṭha leh zahawm tak hi dil a, chumi atana tling ngei tura inbuatsaih a, Territorial Army-a an luh ngei theihna tura atan awareness campaign hi kalpui a ni dawn a ni.
Pu Lt. Col. (Retd) Clement Lalhmingthanga, MLA, Chairman, State Level Committee on Territorial Army Coordination and Establishment chuan kan ṭhalai te kutah Mizoram hmasawnna tur meichher chu awmin chu chuan India Hmarchhak Mizoram dinhmun tisangtu tur a nih thu a sawi a. Chumi atan chuan Territorial Army-a kan luh theihna huntha hi bawhpelh lo a, kan ram tana hna thawh theihna hna zahawm hi ngaihven turin Mizo thalaite a ngen a ni. Territorial Army (Home & Hearth) Assam Mizoram ngeia din hian kan ram venhimna atan a ṭangkai dawn bakah ram venghimtute leh Mizo mipuite inkarah inkungkaihna ti ṭhatu tur a nih dawn thu a sawi bawk a. Pu Lt. Col. (Retd) Clement Lalhmingthanga, MLA, chuan Mizo Territorial Army Companies chu Aizawlah din tawh niin anni hian District thuneitute nen ṭangkawpin Mizo ṭhalaite tan a thlawnin he hna laktur atana inbuatsaihna hi an kalpui a. Mizo ṭhalaite he hun remchang hi chhawr ṭanglai turin a ngen a, Territorial Army-a an luh ngei theihna tura inpuahchah turin a ngen bawk a ni.
Mizoram Sorkarin theitawpin Territorial Army lakna tur hi a thlawpin hma a lakna hian Mizoram leh Mizo ṭhalaite tan rah duhawm tak a chhuah ngei a beisei a ni. 166 Infantry Battalion (TA) (H&H) Assam chuan Mizoram Sorkarin theihtawp chhuaha a thlawpna leh ṭanpuina zarah Territorial Army lakna hi langtlang, dik leh felfai taka kapui a, Mizo ṭhalaite tan hna tha leh zahawm ram tana huaisen leh zahawm taka hna an thawh theihna tur hi zawmtir ngei hi a tum tlat a ni.
PRESS STATEMENT
Date: 27th October, 2025
A VAWIKHATNA ATAN MIZORAM SORKAR LEH TA HMALAKNAIN AIZAWLAH TERRITORIAL ARMY LÂK A NI DAWN TA
Mizo ṭhalaite he hun remchang hi chhawr ṭangkai turin ka ngên:
~ Lt. Col. (Retd.) Clement Lalhmingthanga, MLA
Mizoram-ah a hmasa ber atan Territorial Army (Home & Hearth)-a ṭang turte lakna chu November ni 15, 2025 leh November ni 25, 2025 inkar hian Rajiv Gandhi Stadium, Aizawl-ah neih a ni dawn a. He hna lakna hi Mizoram Sorkar leh 166 INF BN (TA) (H&H) Assam-te ṭangkawp chuan an buaipui dawn a, a vawikhatna atan hmeichhia-te tan Territorial Army (Home & Hearth)-a an luh theihna tur a ni.
Mizo thalai hmeichhia leh mipate'n a ram leilung fate kan nihna anga hna zahawm, chhuanawm leh hmabak duhawm kan ram tana thawk theihna hun remchang tak hawnsak kan ni dawn a ni.
Territorial Army hnalak runpui hi MLA Pu Clement Lalhmingthanga kaihhruaina hnuaiah State Level Committee on Territorial Army Coordination and Establishment chuan buaipuiin Territorial Army leh Mizoram Sorkar ṭangkawpin hma an lakna rahchhuah a ni a. Langtlang tak leh mumal taka a, Territorial Army-a ṭang tur te lak an nihna tur hian Mizoram Sorkar hnuaia Home Department, Health Department, DIPR leh District thuneitute chuan ṭhahnemngai takin hma an laho a. A vawikhatna leh a hmasa ber atan Mizo nulate Territorial Army-a an luh theihna tur kawng hawn a ni a. India Sorkar chuan hmechhiate Armed Forces-a luhna tura hmalakna kalzelah tun ṭuma Territorial Army lak turah pawh hian post 144 General Duty lak turah post 9 chu hmechhiate tana hauhsak a ni a. Hetianga hmeichhiate Territorial Army-a an luhna tur atana bulṭanna hian hmeichhiate ram tana hna an thawhna te, mahni an inthununna te leh hruaitu nihna thinlung an neih te lanchhuahtirna tura ruahman a nih bakah Mizote kan khawtlanga hmeichhia dinhmun pawihmawhna leh hnam inlungrualna leh chakna atana hmeichhiate hnathawh lantirna tur atana ruahman a ni.
Territorial Army (Home & Hearth) hian ṭhalai zamṭha tak tak te, Indian Army uniform ha chunga an hmalam hun atana an inbuatsaih zel theihna tår hun remchang a siamsak a. Territorial Army atana lakte chuan Indian Army uniform nen chhuanawm taka ram tana hnathawkin, India Army te angin hlawh leh hamṭhatna bakah damdawia inenkawlna te an dawng a. An hnathawh ṭhat dan leh mawmawh dana zirin Territorial Army te hi hun rei zawk atana chhawr theih leh hamṭhatna hrang hrang Sorkar ruahman anga pekzui zel tur an ni.
Tunah hian India Sorkar chuan 8th Central Pay Commissionhmangturin a inbuatsaih mek a, hei hian Territorial Army te hlawh leh hamṭhatna pawh a belhchhah dawn a ni.
Territorial Army Mizoram-a dinna pawimawhzia hriain Empowered State Level Committee on Territorial Army Coordination and Establishment chuan Mizoram pum huapin awareness campaign neiin, he awareness campaign hi ni 27 October 2025-a kalpui tura hmalak a ni a. (Thawhṭanni) aṭang hian DIPR, Doordarshan Aizawl, All India Radio, District Territorial Army chungchanga hmalakna leh Information Offices te chuan ruahmanna-te puanzar hna chu social leh digital media kaltlangin an thawk ṭan dawn a. Mizo ṭhalai, hmeichhia leh mipa Territorial Army dil thei zawng zawng te fuih a, ram tana hna ṭha leh zahawm tak hi dil a, chumi atana tling ngei tura inbuatsaih a, Territorial Army-a an luh ngei theihna tura atan awareness campaign hi kalpui a ni dawn a ni.
Pu Lt. Col. (Retd) Clement Lalhmingthanga, MLA, Chairman, State Level Committee on Territorial Army Coordination and Establishment chuan kan ṭhalai te kutah Mizoram hmasawnna tur meichher chu awmin chu chuan India Hmarchhak Mizoram dinhmun tisangtu tur a nih thu a sawi a. Chumi atan chuan Territorial Army-a kan luh theihna huntha hi bawhpelh lo a, kan ram tana hna thawh theihna hna zahawm hi ngaihven turin Mizo thalaite a ngen a ni. Territorial Army (Home & Hearth) Assam Mizoram ngeia din hian kan ram venhimna atan a ṭangkai dawn bakah ram venghimtute leh Mizo mipuite inkarah inkungkaihna ti ṭhatu tur a nih dawn thu a sawi bawk a. Pu Lt. Col. (Retd) Clement Lalhmingthanga, MLA, chuan Mizo Territorial Army Companies chu Aizawlah din tawh niin anni hian District thuneitute nen ṭangkawpin Mizo ṭhalaite tan a thlawnin he hna laktur atana inbuatsaihna hi an kalpui a. Mizo ṭhalaite he hun remchang hi chhawr ṭanglai turin a ngen a, Territorial Army-a an luh ngei theihna tura inpuahchah turin a ngen bawk a ni.
Mizoram Sorkarin theitawpin Territorial Army lakna tur hi a thlawpin hma a lakna hian Mizoram leh Mizo ṭhalaite tan rah duhawm tak a chhuah ngei a beisei a ni. 166 Infantry Battalion (TA) (H&H) Assam chuan Mizoram Sorkarin theihtawp chhuaha a thlawpna leh ṭanpuina zarah Territorial Army lakna hi langtlang, dik leh felfai taka kapui a, Mizo ṭhalaite tan hna tha leh zahawm ram tana huaisen leh zahawm taka hna an thawh theihna tur hi zawmtir ngei hi a tum tlat a ni.
Post a Comment
He post chungchanga i ngaihdan lo sawi ve rawh: