“Kan CM hian hre reng chungin thil a tisual hnem hle - International boundary atanga KM 100 tih pawh KM 10 tilui duh a ni a,"
Aizawl | Oct 27, 2025: Mizo Hnam Run inkhawm vawiin-a neih-a Political session-a thusawitu MNF Vice President Lalchhandama Ralte, MLA & Leader of Opposition leh Chairman, Action Committee chuan thusawiin, "kan ram leh hnam chhan turin theihtawp kan chhuah zel dawn," a ti.
“Kan hman pasalthaten kan ram leh hnam himna turin India constitution (khawvela constitution ropui beran tih pawh) ziah that ngaiin an nawrthlu thei a. Article 371G hnuaiah kan ram, kan hnam, sakhua kal zel himna tur sa lu an rawn hawn a. Hei hi MNF tan a ni lova, kan ram leh hnam tan a ni,” tiin, “Theihtawpin kan chhuah chhunzawm zel dawn a ni,”a ti.
“Vawiinah chuan ZPM sorkarin Central duh dan leh mipuite rawn lova FCAA 2023 a pawm avangin Article 371G hnuaia ram neitu kan nihna a sut buai avangin Mizo mipuite thlavang hauh total kan nei dawn a ni.
“FCAA 2023 hi kan hotute nen do tul kan ti a, sut leh a nih theihna turin Sept 3, 2025 khan Assembly Speaker hnenah special session kova ennawn leh turin kan lo thlen tawh a. Hun engemzaw chen kan ngaihchan hnuah kan ram leh hnam humhim turin Mizoram pum huap total bandh neih hi kan titlu ta a ni,” a ti.
Buh lu chuh laia total bandh siam thu inthlahrun awm thusawiin Action Committee Chairman chuan, “Kan ram humhalh a, mipuite thlavang hauh a tulna avangin hreh tak chungin kan kaltlang a ngai a ni,” a ti a. Ram chhan turin Zoram mipuite thlawpna a dil bawk a ni.
Chhantea chuan tunhnaia chief minister FCAA leh 371G a sawi chungchangah thudik lo leh zirtirna him lo a sawite a tarlang a - Kum 2023-ah Parliament-in FCAA a pawm a, Aug 4, 2023-a gazette-a a chhuah khan MNF sorkar khan NGO, Kohhran, political party leh environment pawlte rawnin an ngaihdan lakkhawm a ni a. Aug 22, 2023 khan Pu Zoramthanga kaihhruai sorkar leh opposition-ten lungrual takin a dodalna kan pass ta a nih kha. Khatih laia phur ber leh sawi huai ber kha vawiina kan CM hi a ni a. Sawi loh ang zela awm thiam chief minister a ni, a ti.
“ZPM sorkar chuan Aug 27, 2025-ah FCAA adopt tur an chhawp chhuak a, a hma zan dar 12 velah list of business kan dawng. Pdf file erawh chuan a hmain kan dawng ngei a. Amaherawhchu, official-a paper kan dawn chu zan lai leh a tuk zingah chauh a ni. Opposition MLA-te khan nasa takin kan duh loh dan zawng zawng kan sawi a, kan dodal a ni. Aug 22, 2023-ah pawh khan kan lo sawi tawh a, vawiina kan house leader hi a duh rum leh sorkar pawh pawnfen feng tlaka min chhuahtu kha a ni.
“MNF sorkar khan bawhzui lo anga min puhnaah kan han hriat chian meuh chuan 371G hmanga FCAA kan dodalna kha Secretary-General Lok Sabha kan lo thawn thlap kha a nia. ZPM Sorkarah chuan kan sawi tur pawh hre hman lovin chhawp chhuah a ni a. Tin, rules leh guidelines an tih pawh FCAA an pass hnu khan thla hnih hnu Oct 16, 2025 khan forest minister-in min pe chauh a ni. A introduce dawn atangin a ruk thei ang berin an ti a, an pass-naah pawh khan remti kan tihpui reng reng lo,” a ti.
Chhantea chuan, “Kan CM hian hre reng chungin thil a tisual hnem hle,” a ti a. “Tunhnaiah Mizorama pawl thianghlim - YMA Inkhawmpuiah Oct 22, 2025 zan khan thu a sawi a. India rama kan hnam a him DAN (point 10) a sawi kha a pawi hle. International boundary atanga KM 100 tih pawh KM 10 tilui duh a ni a. Inremna thuthlung ziah laite pawhin contribution nei tam ber anga a insawi duh a ni.
“Kan hnam rohlu 371G ti dup dup thin khan YMA khawmpuiah chuan a sawi nep ta hle a. Kum 152 liamtaah Bengal Eastern Frontier Regulation, 1873 hnuaia Govt of India Act 1935-in a adopt zel a. India independence hnuah Adaptation of Laws 1950 hnuaiah British sorkar dan siam kha India-in a chhawm zel a. Mizoram pawhin State kan nih khan Section 43 of the Mizoram State Act, 1986 hi kan hmang chho ve zel,” tiin, ILP leh ownership and transfer of land chungchang a sawi kha Article 371G awm lo mah se, kan hnam him angin a sawi duh a ni.
State List Entry 45 (land revenue), Section 3 The Mizo District (Transfer of Land) Act, 1963 (tribal ram humhalhna), Section 98 (2) of the Mizoram Land Revenue Act, 2013 tuna kan hman mek ram transfer phal lohna te chu 371G awm mah se inhumhim nan a tling tih tlukin a sawi, a ti bawk.
“CM-in kan inhumhimna dan a sawi zawng zawngte hi Parliament-in a repeal thei vek a ni. Mizoten special constitutional protection kan neih that ber chu Article 371G hi a ni a. Article 371G hnuaiah kan customary law leh land ownership chungchangah Parliament dan pass-te chuan Mizoram Assembly remtihna tel lovin min barh hlui thei lo tih hi kan humhimna chanvo sang ber kan neih a ni.”
“FCAA hnuaiah chuan sixth schedule hnuaia district council thuneihna pawh a tiderthawng ta vek a, an hnuk kir lo a nih chuan theihtawpin hma kan la zel dawn,” Pu Lalchhandama Ralte chuan a ti a ni.
Chhung inkhawm hi MNF GHQ GS David R Lalsawmtluanga chuan kaihruaiin, Upa Dr. Lalmuanawma Sailo, Secretary MNF GHQ chuan hunserh a hmang a ni.
Mizo National Front
General Headquarters
Mizoram : Aizawl
Press Release
RAM LEH HNAM CHHAN TURIN THEIHTAWP KAN CHHUAH ZEL DAWN
Total bandh kan buatsaih tur hi MNF tan a ni lo, kan ram leh hnam tan a ni: MNF Vice President
Vawiin ni 27.10.2025 Thawhtanni hian Mizo Hnam Run inkhawm neih a ni a. Political session-a thusawitu MNF Vice President Pu Lalchhandama Ralte, MLA & Leader of Opposition leh Chairman, Action Committee chuan thusawiin, kan ram leh hnam chhan turin theihtawp kan chhuah zel dawn a ti.
“Kan hman pasalthaten kan ram leh hnam himna turin India constitution (khawvela constitution ropui beran tih pawh) ziah that ngaiin an nawrthlu thei a. Article 371G hnuaiah kan ram, kan hnam, sakhua kal zel himna tur sa lu an rawn hawn a. Hei hi MNF tan a ni lova, kan ram leh hnam tan a ni,” tiin, “Theihtawpin kan chhuah chhunzawm zel dawn a ni,”a ti.
“Vawiinah chuan ZPM sorkarin Central duh dan leh mipuite rawn lova FCAA 2023 a pawm avangin Article 371G hnuaia ram neitu kan nihna a sut buai avangin Mizo mipuite thlavang hauh total kan nei dawn a ni.
“FCAA 2023 hi kan hotute nen do tul kan ti a, sut leh a nih theihna turin Sept 3, 2025 khan Assembly Speaker hnenah special session kova ennawn leh turin kan lo thlen tawh a. Hun engemzaw chen kan ngaihchan hnuah kan ram leh hnam humhim turin Mizoram pum huap total bandh neih hi kan titlu ta a ni,” a ti.
Buh lu chuh laia total bandh siam thu inthlahrun awm thusawiin Action Committee Chairman chuan, “Kan ram humhalh a, mipuite thlavang hauh a tulna avangin hreh tak chungin kan kaltlang a ngai a ni,” a ti a. Ram chhan turin Zoram mipuite thlawpna a dil bawk a ni.
Pu Chhantea chuan tunhnaia chief minister FCAA leh 371G a sawi chungchangah thudik lo leh zirtirna him lo a sawite a tarlang a - Kum 2023-ah Parliament-in FCAA a pawm a, Aug 4, 2023-a gazette-a a chhuah khan MNF sorkar khan NGO, Kohhran, political party leh environment pawlte rawnin an ngaihdan lakkhawm a ni a. Aug 22, 2023 khan Pu Zoramthanga kaihhruai sorkar leh opposition-ten lungrual takin a dodalna kan pass ta a nih kha. Khatih laia phur ber leh sawi huai ber kha vawiina kan CM hi a ni a. Sawi loh ang zela awm thiam chief minister a ni, a ti.
“ZPM sorkar chuan Aug 27, 2025-ah FCAA adopt tur an chhawp chhuak a, a hma zan dar 12 velah list of business kan dawng. Pdf file erawh chuan a hmain kan dawng ngei a. Amaherawhchu, official-a paper kan dawn chu zan lai leh a tuk zingah chauh a ni. Opposition MLA-te khan nasa takin kan duh loh dan zawng zawng kan sawi a, kan dodal a ni. Aug 22, 2023-ah pawh khan kan lo sawi tawh a, vawiina kan house leader hi a duh rum leh sorkar pawh pawnfen feng tlaka min chhuahtu kha a ni.
“MNF sorkar khan bawhzui lo anga min puhnaah kan han hriat chian meuh chuan 371G hmanga FCAA kan dodalna kha Secretary-General Lok Sabha kan lo thawn thlap kha a nia. ZPM Sorkarah chuan kan sawi tur pawh hre hman lovin chhawp chhuah a ni a. Tin, rules leh guidelines an tih pawh FCAA an pass hnu khan thla hnih hnu Oct 16, 2025 khan forest minister-in min pe chauh a ni. A introduce dawn atangin a ruk thei ang berin an ti a, an pass-naah pawh khan remti kan tihpui reng reng lo,” a ti.
Pu Chhantea chuan, “Kan CM hian hre reng chungin thil a tisual hnem hle,” a ti a. “Tunhnaiah Mizorama pawl thianghlim - YMA Inkhawmpuiah Oct 22, 2025 zan khan thu a sawi a. India rama kan hnam a him DAN (point 10) a sawi kha a pawi hle. International boundary atanga KM100 tih pawh KM10 tilui duh a ni a. Inremna thuthlung ziah laite pawhin contribution nei tam ber anga a insawi duh a ni.
“Kan hnam rohlu 371G ti dup dup thin khan YMA khawmpuiah chuan a sawi nep ta hle a. Kum 152 liamtaah Bengal Eastern Frontier Regulation, 1873 hnuaia Govt of India Act 1935-in a adopt zel a. India independence hnuah Adaptation of Laws 1950 hnuaiah British sorkar dan siam kha India-in a chhawm zel a. Mizoram pawhin State kan nih khan Section 43 of the Mizoram State Act, 1986 hi kan hmang chho ve zel,” tiin, ILP leh ownership and transfer of land chungchang a sawi kha Article 371G awm lo mah se, kan hnam him angin a sawi duh a ni.
State List Entry 45 (land revenue), Section 3 The Mizo District (Transfer of Land) Act, 1963 (tribal ram humhalhna), Section 98 (2) of the Mizoram Land Revenue Act, 2013 tuna kan hman mek ram transfer phal lohna te chu 371G awm mah se inhumhim nan a tling tih tlukin a sawi, a ti bawk.
“CM-in kan inhumhimna dan a sawi zawng zawngte hi Parliament-in a repeal thei vek a ni. Mizoten special constitutional protection kan neih that ber chu Article 371G hi a ni a. Article 371G hnuaiah kan customary law leh land ownership chungchangah Parliament dan pass-te chuan Mizoram Assembly remtihna tel lovin min barh hlui thei lo tih hi kan humhimna chanvo sang ber kan neih a ni.”
“FCAA hnuaiah chuan sixth schedule hnuaia district council thuneihna pawh a tiderthawng ta vek a, an hnuk kir lo a nih chuan theihtawpin hma kan la zel dawn,” Pu Lalchhandama Ralte chuan a ti a ni.
Chhung inkhawm hi Pu David R. Lalsawmtluanga GS MNF GHQ chuan kaihruaiin, Upa Dr. Lalmuanawma Sailo, Secretary MNF GHQ chuan hunserh a hmang a ni.
Sd/-
(LALTHAKIMA)
Joint Secretary
Media & Publicity Deptt
Mizo National Front
No. 361/2025
Dt.27.10.2025
Post a Comment
He post chungchanga i ngaihdan lo sawi ve rawh: