Republic vengthlanga Kohhran pathum thalai pawl te'n joint service an hmang

Aizawl | Oct 27, 2025: Republic Vengthlanga Kohhran pathum-a thalai pawl - Kristian Thalai Pawl (KTP) Republic Vengthlang Branch, Salvation Army Youth Republic Corps leh Thalai Kristian Pawl (TKP) Republic Vengthlang Unit te chuan zanin khan Presbyterian Republic Vengthlang Kohhran Biak In-ah Joint Service an hmang.

Zanin Joint Service hi KTP Republic Vengthlang Branch leader PC Zosangliana'n a kaihruai a, SAY Republic Corps i/c Literature Laetitia Lalrinngheti chu tantu niin, TKP Republic Vengthlang Unit Executive Committee Member leh Aizawl Area TKP Co - Ordination Committee chairman, Rbt Lalhmunsiama Pautu chuan thuchah a sawi a. KTP, SAY leh TKP atangin zaipawl ngaihthlak a ni bawk.

Inkhawm ban hian, Kohhran Hall-ah fellowship hlimawm leh hlawkthlak tak an hmang a, KTP Assistant Secretary Lalchangliana'n a kaihruai a, Short Sermon SAY Republic Corps Leader Lalchhandama hnen atangin ngaihthlak a ni a. Host C Lalthanpuii'n kaihruai zuiin, TKP atangin Elocution, KTP atangin Live band leh SAY atangin Timbrel display an nei a, praise and worship a hun hman a ni bawk.

Zanin an hun hman hin, helai venga kohhran a din tirh atanga Joint Service hmasa ber a ni a, member ten an ngaihlu hle a, a hlut dan a dangdai bik hle niin an sawi.

Zanin hian KTP - 229, SAY - 58 leh TKP - 79 an vaiiin mi 366 an inkhawm a ni.