Nikum leh kumin chhungin Two Wheeler (T) thar 901 ziaklut; Mizoram-ah 4,130 awm tawh!

Aizawl | October 1, 2025: Vahan atanga a lan danin, Kumin chhungin Mizoram-ah lirthei thar 22,182 ziahluh a ni tawh a, heng zinga tam ber hi two wheeler a ni. Kuminah Two Wheeler taxi thar 178 ziaklut tawh!

Kumin Lirthei thar 22,182 ziahluh zingah hian, 17,220 chu two wheeler a ni a. Heng zinga 17,042 hi mimal hman tur (Non Transport) a ziahluh a ni a, Two Wheeler (T)-ah 178 ziahluh a ni.

Heti hian Two Wheeler Taxi atana ziahluh thar hi 178 a awm tihna ni a, data atanga a lan danin August khan two wheeler taxi ziahluh tam berin 48 ziahluh a ni a, a dawt chu July thlaah 27, March thla-ah 23 leh June thla-ah 22 te a ni.

Thla tina Two Wheeler Taxi ziahluh dan data atanga a lan dan chuan, January khan 7, February 13, March 23, April 12, May 14, June 22, July 27, August 48 leh September 13 te a ni. (Vawiin hi October 1 a nih avangin September data hi a la danglam ve thut thei.)

Nikum khan Two Wheeler thar 22,745 ziahluh a ni a, heng zinga hian mimal hman tur Two Wheeler (NT) 22,022 leh Two Wheeler (T) 723 ziahluh a ni bawk.

Heti hian, nikum leh kumin chhungin Two Wheeler (T)-ah hian ziahluh thar 901 a awm tawh a ni. Nikumah Two Wheeler (T) 723 ziahluh a ni a, kumin 178 chu ziahluh a ni. Nikum leh kumin chhungin Two Wheeler taxi thar 901 ziaklut!

Kumin September thla thlenga Mizoram-a Two Wheeler (T) awm zat chu 4,130 a ni.

Two Wheeler Taxi in Aizawl

Pic: VelRem