MUHCS rate ang ni lovin Synod Hospital rate anga zawm an remti bik; hleih nei taka rorel ZPM party kaihhruai sorkar hi na takin kan dem

Aizawl | October 1, 2025: APP chuan vawiin khan thuchhuah siamin, mipui hriselna turin theihtawp chhuah an inhuam reng thu sawin, chutih rualin, Synod Hospital chu MUHCS package rate ang ni lovin anmahni (Synod Hospital) rate ang zawka zawm an remti bik niin an sawi a, "MUHCS package rate ang ni lova anmahni (Synod Hospital) rate ang zawka zawm an remti bik hi tha lo kan ti hle a, hetiang anga keini Democracy rama hleih nei taka rorel ZPM party kaihhruai sorkar hi na takin kan dem a ni," an ti.

APP thuchhuah kimchang:
April Ni 1, 2025 atanga hman tan Mizoram Universal Health Care Scheme (MUHCS), man chawi lova damlo inenkawlna (cashless system) hi tha kan ti em em a, Mizoram mipui zawng zawng te'n kan hman tangkai vek theih nan leh damdawiin zawng zawng te'n an zawma scheme hlawhtling tak a lo nih theih nan April ni 30, 2025 pawh khan kan Governor chu a chenna inah hmu in kan lo sawipui tawh a, keini AAP te chu mipui hriselna turin theihtawp chhuah kan inhuam reng zel dawn a ni.

Mizoram chhunga damdawiin tam zawkin an zawm thei ta hi kan lawm tak zet zet a, a la zawm ve lo damdawiin te pawhin mipui hmakhua ngaia zawm turin kan ngen nawn leh vek bawk a ni.

Tin, September ni 25 & 26 Synod Executive Committee (SEC) thukhawm in MUHCS hnuaia Synod Hospital, Aizawl leh John Williams Hospital,Lunglei ten a zawm ve thei tawh tura thutlukna a siam leh ta zel pawh hi a lawmawm kan ti em em a, amaherawhchu, he an inremnaah hian MUHCS package rate ang ni lova Synod Hospital te rate ang zawka zawm an remti bik hi tha lo kan ti hle a, hetiang anga keini Democracy rama hleih nei taka rorel ZPM party kaihhruai sorkar hi na takin kan dem a ni.

Sorkar hian MUHCS zawm ve dang damdawiin te anga a package rate pangngai a hmang dawn lo a nih chuan Synod Damdawiinte pawh hi an package rate hmang sak bik suh se tih hi kan duh dan a ni a, rualkhai taka rorel tur in ZPM kaihhruai sorkar hi kal tawh se kan ti em em bawk a ni.

Tin, 2023 inthlanpui a ZPM manifesto bu Sustainable Development and Reform Policy (SDRP) , chapter VII, point (f) a an intiam ang a, MUHCS inziahluh theih hun hi engtiklai pawha hawng reng turin kan ngen nawn leh bawk a ni.

PR.No.AAP.26/2024-25

Dated Aizawl : The 1st Oct 2025

April Ni 1, 2025 atanga hman tan Mizoram Universal Health Care Scheme (MUHCS), man chawi lova damlo inenkawlna (cashless system) hi tha kan ti em em a, Mizoram mipui zawng zawng te'n kan hman tangkai vek theih nan leh damdawiin zawng zawng te'n an zawma scheme hlawhtling tak a lo nih theih nan April ni 30, 2025 pawh khan kan Governor chu a chenna inah hmu in kan lo sawipui tawh a, keini AAP te chu mipui hriselna turin theihtawp chhuah kan inhuam reng zel dawn a ni.

Mizoram chhunga damdawiin tam zawkin an zawm thei ta hi kan lawm tak zet zet a, a la zawm ve lo damdawiin te pawhin mipui hmakhua ngaia zawm turin kan ngen nawn leh vek bawk a ni.

Tin, 2023 inthlanpui a ZPM manifesto bu Sustainable Development and Reform Policy (SDRP) , chapter VII, point (f) a an intiam ang a , MUHCS inziahluh theih hun hi engtiklai pawha hawng reng turin kan ngen nawn leh bawk a ni.

Sd/-

Secretary,

Aam Aadmi Party Mizoram

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]