College Vengah Upa-te ni lawm; Nokungi Kum

Aizawl | October 1, 2025: Mizoram Upa Pawl (MUP) College Veng chuan vawiin khan YMA Committee Room, College vengah Upa-te ni lawmna hun an hmang a, an veng nu Nokungi Kum - 107 lawmpuina hun an hmang bawk.

He hun hi Aizawl Municipal Corporation (AMC) Ward-16 Corporator leh ZPM Zonu Headquarters President ni bawk R Lalawmpuii'n a hmanpui a, Nokungi hnenah lawmpuina leh chawimawina thil pek a hlan nghal.

Khuallian RLalawmpuii chuan thu sawiin, 'Upa-te tawnhriat hi ro hlu a ni a, khawvel ṭhang chho zelah ṭhangtharte'n nghet tak leh mahni inring tawk taka khawsak nan upa-te tawnhriat hi kan hman phah a ni,' tiin, Upa-te tawnhriat chu ṭhangtharte'n an hriat nawn fo a ngaih thu a sawiin, kum upa-te chawimawina leh zahna lantir kawngah pawh ṭhang tharte'n ṭan an lak a ngaih lehzual thu a sawi bawk.

Maawmi chuan, 'Kum upa-te hlimna bakah, thlamuang taka an khawsakna turte, ei leh in hrisel zawk ngaihtuahsak kawngahte Mizo pawhin ngaihtuahna kan sen-ve a hun tawh hle a ni', a ti.

College Veng Branch MUP hian YMA Committee Room-ah Upa-te Ni lawmna hun hi hmangin, he hunah hian Nokungi kum 107 tlin lawmna hun hman nghal a ni a, R Lalawmpuii hian Nokungi hnenah chawimawina thil pek a hlan nghal a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]