MUHCS hmang turin Sorkar leh PCI Mizoram Synod inrem; Nov 1 atangin Synod hnuaia damdawi in pahnihah hmang tan dawn!

Aizawl | Oct 28, 2025: MUHCS hmang turin Sorkar leh PCI Mizoram Synod inrem; Nov 1 atangin Synod hnuaia damdawi in pahnihah hmang tan dawn!

Health Minister Lalrinpuii kaihhruaiin vawiin khan a Office Chamber-ah Mizoram Sawrkar chuan November ni 1, 2025 atanga Synod Hospital, Durtlang leh John Williams Hospital, Lungleia Mizoram Universal Health Care Scheme (MUHCS) hman a nih theih nan Presbyterian Church of India Mizoram Synod chu thawhhona thuthlung ‘Memorandum of Agreement (MoA)’ a ziahpui.

Memorandum of Agreement (MoA) ah hian Health & Family Welfare Department aiawhin Dr. Lalhriatzuali Ralte, CEO, Mizoram State Healthcare Society leh Mizoram Presbyterian Church Synod aiawhin Rev. R.C. Lalnghakliana, Moderator-te'n an hming an ziak a ni.

He hunah hian Health & Family Welfare Department atangin Dr. Lalhriatzuali Ralte bakah Dr. R. Lalchhuanawma, Deputy CEO, Mizoram State Healthcare Society, Dr. C. Vanlalduhsaka, Medical Officer leh Pu Lalzirtira, Informatics Officer te an tel a. Mizoram Presbyterian Church Synod atangin Moderator bakah Rev. VL Luaia Hranleh, Senior Executive Secretary, Rev. Dr. K. Lallawmzuala, Executive Secretary i/c Hospital, Upa Vanlalsawma Siakeng, Secretary (Sr) leh Rev. B. Zohmangaiha, Synod Secretary (Jr) te an tel a ni.