Aizawl | Oct 8, 2025: LPS Youth Icon 2024 Top 10-a hmeichhe awm chhun Lalremsiami (Remremi) chuan a music video hmasa ber a hla phuah 'Duhthusam' a ti chhuak.
Darlawn nula Remremi hi LPS buatsaih Youth Icon 2024-ah khan top 10 zingah telin, hmeichhe awm chhun a ni a. A aw a mawiin, zai a thiam hle a. Zai piahah rimawi hmanraw chi hrang hrang a tum thiam hle bawk. Icon star rualte chet tlatnaah pawh Tintang perh tu ber a ni thin a; Concert an neih pawhin a thian mipate zai rem sak tuah a tang thin.
Zirlai a ni a, zirna lamah a in sawr bing a ngaih thin avangin a thiante angin mipui hmaah in lan tam thei lo. Mahse rimawi khawvelah a theihna pho chhuah zel a tum a. Tuna a hla tih chhuah tak pawh hi amah phuah leh a thluk pawh a siam a ni.
Remremi music video hi Osiama Pictures kut chhuak a ni a, music & recording hi Tluanga Hnamte (Westend Studio) kut chhuak a ni a, wardrobe hi Aries Boutique an ni.
A video thar hi 'Lalremsiami Ralte' youtube channelah Nilaini zan dar 7 ah dah chhuah a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: