Lalnuntawma Fanai lehkhabu 'Krista Pasalṭha Zikkawia' tlangzarh

Aizawl | Oct 8, 2025: ZONET TV presenter lar, Lalnuntawma Fanai lehkhabu buatsaih 'Krista Pasalṭha Zikkawia' chu vawiin chawhnu dar 1:00 khân Presbyterian Church of India (PCI) Mizoram Synod Executive Secretary Rev Dr Rosiamliana Tochhawng-in Synod Conference Centre-ah a tlangzarh.

Lalnunṭawma Fanai Lehkhabu buatsaih 'Krista Pasalṭha Zikkawia' tlangzarh inkhawm hi Zonuni Pachuau-in a kaihruai a, PC Vanlalnghaki'n hunserh a hmang.

Pachhunga University College (PUC) Mizo Deptt. Head of Department Dr H Laldinmawia'n Lehkhabu thlirlawkna hun a hmang a, lehkhabu hlui leh Mizo kristianna chanchin chhui zau turte tan pawha rawn hlawh tak tur a ni.

'Krista Pasalth Zikkawia' lehkhabu hi Mizo kristian hmasa Zikkawia'n kum 1913 atanga 1957 chhunga Pathian rawng a bawlna chanchin tarlanna a ni a, a buatsaihtu hian kum 2020 atang khan a buaipui tan a, vawiinah tlangzarh a ni ta a ni.

Lalnuntawma Fanai hi hun rei tak 'MZP Chanchinbu' editor lo ni tawh niin, lehkhabu 'Thangchhuah Tlang' a lo chhuah tawh a, tunah hian, ZONET-ah Zoram Kalsiam programme kalpuiin, mi thlir hlawh, mi ngaihven a ni mek a ni.

'Krista Pasalṭha Zikkawia' Lehkhabu hi ₹ 200/- man a ni a, Lianchhungi Book Store, Zomi Book Agency, RL Nutei Book Store-ah leh CVL Bass-ah te lei theih a ni.