FEATURE | Govt T Romana College (GTRC) Miss 2025 Ruatmawii

Govt T Romana College Miss 2025 Ruatmawii

@ AI Generated Image

📌 Hming: Lalruatmawii

📌 Koh dan: Mawimawii / Ruatmawii

📌 Pianni: July 3, 2006

📌 Nu Hming: Lalthlenkimi

📌 Pa Hming: Lalkhawngaiha

📌 Khua: Rulpuihlim, Mamit District

📌 Tuna awmna: Republic Vengthlang, Aizawl

📌 Unau zat: Hmeichhia vek panga zinga a upa ber a ni.

📌 Lawina kohhran: Mizo Kohhran

📌 San Zawng: 5'5 ft

📌 Zirna lam: Pawl 10 hi Rulpuihlim High School atangin a pass a, pawl 12 hi Modern English Higher Secondary School atanga pass lehin, tunah hian Govt T Romana College (GTRC) -ah BA (Public Administration) 3rd semester a zir mek a ni.

📌 Hobby: Sewing, Shopping

📌 Duhzawng leh ngainat zawng hrang hrangte?

• Lehkhabu duh: Aizawlah Aizawler

• Actor/Actress: Kim Go Eun

• Model: Isabella Hadid

• Zaithiam: Lana Del Rey

• Chawhmeh: Thlai hrim hrim, a bikin Antam eng chi pawh.

• Hla: Heather - Conan gray

• Hmun: Ram (Forest) hi ka ngaina a, thing tam tawk awm na hrim hrim

• Rawng: Brown

• Ziaktu: Lalhruaitluanga Chawngte

• Quote i duh ber: 'They will judge you anyway, so keep going'

📌 Mize ngainat zawng:

Ruatmawii: Hlim thei deuh, mi dang rel aia fiamthu ngaina.

📌 Mize ngainat loh zawng:

Ruatmawii: Mahni insawithei deuh leh mi dang chanchin mawi lo lai sawi reng.

📌 Kawppui tura duhzawng?

Ruatmawii: Pathian trih mi, mi zaidam tak leh caring deuh.

📌 Relationship Status: Single

📌 Aim In Life: IPS

# College Lady / Miss chungchang:

📌 Govt T Romana College Miss 2025 nih hi i inring reng em?

Ruatmawii: Aw ring e, a chhan chu kei aia senior tel teuh mahse keimah ah college miss nih theihna a awm vein ka hria a, ni thei turin ka theihtawp ka chhuah bawk a ni.

📌 Govt T Romana College Miss 2025 in i nuna nghawng a neih?

Ruatmawii: Mahni invawn kawngah te, chet fel kawngah te a hma aiin hma min sawn tir.

📌 Govt T Romana College Miss 2025 thlannaa tel chhan?

Ruatmawii: Ka tel chhan chu kan department aiawh a tel ve tura kan H.O.D te meuhin min tih vang a ni.

📌 Modelling lam i tui em?

Ruatmawii: Aw tui e, model ho te hi ka ngaisang a, international model ho te phei hi chu an lifestyle te hi ka lo awtin ka lo chak ve ngawih ngawih zel.

# Zawhna dang:::

1. A tel lova i awm theih loh:

Ruatmawii: A tel lo a awm theih loh chu ka ngah anga, mahse, a langsar ber ah chuan mobile phone hi a ni mai awm e.

2. I nun kaihruaitu:

Ruatmawii: Ka nun kaihruaitu chu Bible chang tha tak tak te leh naktukah enge thleng dawn tih kan hre lawk theilo a chuvang chuan vawinah tun hun ah Pathian tawk tur a in rin reng a tul zia hriat reng na hian ka nun nasa takin a kaihruai a ni.

3. Hringnuna i hlauh ber:

Ruatmawii: Ka nu leh ka pa,ka chhungte ti beidawng a,rilru hah tak a siam a mi hlawhchham nih ka hlau ber.

4. I tih ngai miah loh tur:

Ruatmawii: Nu leh pa te hmusit zawng leh zah lo tak a biak te tunlai thalai te nun a hluar tak drugs leh $ex hman sual te a ni.

5. Hloh i hlauh ber:

Ruatmawii: Min hmangaiha engkima min support tlattu ka chhungte hi hloh ka hlau ber.

6. Ngaihsan tur dik nia i hriat:

Ruatmawii: Mahni invawng tak, mi dik leh an nuna Pathian neitu an nihzia lan chhuahna te hi an ni.

7. Hlawhtlinna tura pawimawh:

Ruatmawii: Hlawhtling tur chuan tuarchhel te a ngai a chu mai bakah taimakna, tih hram hram peihna te hi hlawhtlinna atan a pawimawh a ni.

8. Mizo Tualzal nuna ṭha i tih:

Ruatmawii: Mizo tualzal nuna tha ka tih chu tlawmngaihna te, thenawm khawveng kan in pawh na te, kan inngaihsak liam liamna te, kan induhsakna te hi a ni.

9. Mizoram leh Mizo tualzal nuna Mizo hmeichhiate dinhmun:

Ruatmawii: Hmeichhia ten kan role te kan hriatchian a inchhungkhur te kan uap that a tul a, rik rum thil ah chhiat ni that ni ah te Mizo hmeichhia te chu a sul su tu kan ni ngai lo a, a awm nem zawk kan nih hria in mipa te hian min chhawk in min hmakhalh thiam em em a, a tam zawkah mipa te hi eizawngtu ber an ni a, hmeichhiate chu mipa te zah thiam a lo tawiawmtu tur kan ni.

10. Hnam ziarang chawinun kawnga Hmeichhiate mawhphurna:

Ruatmawii: Mizo hmeichhia te hi inchhungkhur ah nu dinhmun luahtu kan nih a vang in, kan fate naupang te an nih lai atang a hnam ziarang te kan hrilh hriat a, Mizo tawng dik hman kan zir tir a tul a, inchhungkhura kan inhrilhna hian khawlai a kan va hriat ngawt ai chuan kan rilru leh thinlungah hna a thawk zawk a,hnam dang pasal a neih loh tluk a awm lo a, mahse, hmeichhia ten hnam dang pasalah lo nei ta se inchhungkhurah Mizotawng leh Mizo hnam zia rang a chawi nun a a tih lan tlat chuan a fate pawn Mizo hnam zia leh chin than te an lo hre ve dawn a, Mizo hmeichhia te rilru suk thlekin a zir a ngai a chu tiang anih chuan Mizo hnam ziarang chu kan lo chawinung thei dawn a ni.

11. Mizote tan 'Fa neih tlem' inzirtir hi a ṭulin i hria em?

Ruatmawii: 'Fa neih tlem' inzirtir lovin fa neih tam zawk inzirtir kan ngai zawk. amaherawhchu, enkawl thei lo tan chuan neih tam chu retheihna tizualtu a ni a, enkawl thei tan chuan a tam thei ang ber neih tha ka ti. kan hnam kan la tlem em mai.

12. Mizo hnam ṭhanmawh bawk nia i hriat?

Ruatmawii: Mizote hian kan nunah tum felfai tak (aims & objectives in life) kan nei lo thinin ka hria a, chu chu kan thanmawh bawk lian tak a niin ka hria. Kan ngaihhlut zawng (value system) kan thlak a ngai bawk. Lar thut te, hausak thut te kan chak a, mahni hma kan sial em em a ei ruk pawisak loh na atam em em bawk.

13. Zirna, Khawtlang leh Kohhran hi?

Ruatmawii: Kan phak tawka inhman a tha, Zirna tibuai khawpa inhman erawh tha ka ti lo. Theih tawpin zir ila, khawtlang leh kohhran tan kan tangkai zual thei zawk dawn a ni.

14. Khawtlang, Kohhran leh nangmah:

Ruatmawii: A chunga ka chhanna ang khi a ni mai. Career first an tih ang khan. Mahse, khawtlang leh kohhran hlamchhiah vek erawh ka tum tihna a ni lo.

15. Social Media leh Nangmah:

Ruatmawii: Social Media hi hman sual theih a ni a chu mi avang chuan ka fimkhur in a lutuk a hman ka hlau em em a, hun khawhralna a nih ve theih avangin a zawng zawngin social media hi ka hmang ve lo.

16. Mizoram ṭhalai tam tak tlakchham:

Ruatmawii: Hman tlak khawp thiamna leh finna. Jack of all trade, master of none ang kha.

17. Mizo ṭhalaite hian ngaihsan tur dik an ngaisangin i hria em?

Ruatmawii: Hre chiah lo. Mi lar kan ngaihsan dan te, kan chawimawi dan te, Hmanni lawk, August thlaa Mizo tlangval Andrew-a, Indian Information Service (IIS) a tling kha, Mizo celeb tam tak ai hian ngaisang in dah pawimawh zawk ta ila,mi ropui lehkhathiam te hi ngaisangin entawn ila thalaite tan pawh hmasawnna a ni dawn bawk a ni.

18. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?:

Ruatmawii: Ring tehreng mai. A thleng tur alawm, hnam khat kan ni a. kan la hrethiam chiang lo mai mai alawm. Chumi thleng tur chuan, Mizo hnam peng hrang hrangte hian unau kan ni tih hi pawm phawt a ngai a. Mizo tih hi a len ber avangin hemi-ah hian kan lungawi theih hun hunah Zo hnam inpumkhatna chu a thleng a ni nghal mai. Mahse, a la rei deuh ang ka ring

19. Hnam dang nupui pasal neih hi:

Ruatmawii:- Hmeichhe tan a pawi zual bik a. A chhan chu Mipa fa, mipa zawk hnam a chhawm a nih dawn avangin Mizo a ni dawn lo. Mipa tan chuan an fate kha Mizo hnam a nih dawn tho avangin a ziaawm deuh. Mahni hnam ngei chu duhthusam a ni

20. Nupui pasal neih hmaa mipat hmeichhiatna hman hi:

Ruatmawii: Nupui pasal neih hma a mipat hmeichhiatna hman hi tisa leh thlarau ah thil tha lo leh pawi tak a ni a, hmeichhe tan ngat phei chuan kan hlut na ti hniam vek thei thil a ni, chu mai ni lo in natna hlauhawm tak tak inkaichhawn theihna a ni a, Bible-ah pawh Pathian duh loh ber te zing ami a ni a chu vang chuan a hlauhawmin tih loh tawp tur thil a ni.

#EXPLOREMIZORAM.COM i hmuh dan:

Ruatmawii: Hetiang ang a website tha leh bengvarthlak Mizoramin kan nei hi kan vannei hlein ka hria a, news te kan lo hriat ve zung zung phah a, mi hlawhtling leh ngaihsanawm te in dah sang thiam em em bawk a, hei hian in website a ti hluin ngaihven lo thei loin min siamin ka hria.