Aizawl | Oct 24, 2025: Ex - Mizo National Army Association President H Rochungnunga chuan vawiin khan Aizawl Press Club-ah thuthar thehdarhtute kawmin "Mizo mipui zawng zawngte Total Band hi thlawp tur leh, Total Band neih a ṭulna chhan zir chiang a, Mizoram leh Hnam hum him nan Article 371 (G) min vawn him pui tlat turin kan sawm che u," tiin mipui a sawm.
Ex MNA President chuan, "MNF leh India sawrkar in kum 1986, June ni 30 ah inremna thuthlung ziah a nih khan, Article 37 (G) hmang in Mizoram chu in hum himna kulh chhungah him leh zalen tak a kan khawsak theih na turin min hung tlat a ni. Chu thuthlung chu a chhung a cheng te mai ni lovin, Mizo hnahthlak ram dang leh state dang a awm te nen a par kan tlan za a ni," a ti a.
"Tun a kan sawrkar na chelh mektu ZPM sawrkar in forest Ammendment Act (FCAA) 2023 adopt na tur official Resolution chu Assembly House in a pass ta mai hi kei ni EX- MNA Association chuan kan duh lova, Mizoram in humhimna bang sat chhe tu ah kan ngai, Article 371 (G) hi a lo pian theih nan thisen tam tak a luang a, mi tam takin nunna an hlan a, tawrhna sawi sen loh paltlang a ni. Chuvang chuan vai tlawn nan mai a hman hi kan phal lo a ni. He article hi kan theihna zawng zawngin kan hum him zel dawn," a ti bawk.
Joint Civil Society of Mizoram (JCSM) te September ni 11, 2025 ah he dan duh lovin, sut leh tur a an nawrna Rally an neih pawh ti hlawhtling duh lova, phatna zawng in hman a DAN SAKEI ti tu ngei in, "Kan zir chiang a DAN RANGKACHAK a lo ni zawk a, a lo hlauhawm love,"ti tu te hian, hnam phatsanna leh hnam hralhna tarmit bunin an zir chiang tih in hria se, Ram leh Hnam hmangaihna Tarmit bun a, an pass tawh hi sut leh ngei turin kan ngen a. An sut dawn lo a nih chuan, Remna thuthlung vawng him a hmang ngam tur kutah Sawrkarna hlan mai se tih hi Ex-MNA Association ngaih dan a ni.
Joint Civil Society of Mizoram-in tha thlah lovin theihtawpin Mizoram Sawrkar ngenin an bei a, vawiin chauh ngaihtuah lova naktuk lola thleng tur, kan tu leh fate tana chenna tlaka kan ram hi buatsaih a tul takmeuh a. Political Party zawng zawng leh Tlawmngai pawl zawng zawngte pawhin ngun taka ngaihtuahna seng a, kan ram leh hnam hmabak kan thlir a tulin, ataka kan chetchhuah ngam a tul ta takzet a ni. Joint Civil Society of Mizoram(JCSM)te ngenna an tih hlawh chham avangin MNF chuan October ni 29 ah TOTAL BAND nei turin a in buatsaih mek a, Total Band neih kher ngai lovin, hnuk kir leh mai turin Mizoram sawrkar hi kan ngen a ni. Chuti ni lova Total Band neih a ngai a nih chuan kan thlawp tlat dawn a ni.
PRESS STATEMENT of Ex - Mizo National Army Association President H Rochungnunga,
Dt. 24.10.2025
MNF leh India sawrkar in kum 1986, June ni 30 ah inremna thuthlung ziah a nih khan, Article 37 (G) hmang in Mizoram chu in hum himna kulh chhungah him leh zalen tak a kan khawsak theih na turin min hung tlat a ni. Chu thuthlung chu a chhung a cheng te mai ni lovin, Mizo hnahthlak ram dang leh state dang a awm te nen a par kan tlan za a ni.
Tun a kan sawrkar na chelh mektu ZPM sawrkar in forest Ammendment Act (FCAA) 2023 adopt na tur official Resolution chu Assembly House in a pass ta mai hi kei ni EX- MNA Association chuan kan duh lova, Mizoram in humhimna bang sat chhe tu ah kan ngai, Article 371 (G) hi a lo pian theih nan thisen tam tak a luang a, mi tam takin nunna an hlan a, tawrhna sawi sen loh paltlang a ni. Chuvang chuan vai tlawn nan mai a hman hi kan phal lo a ni. He article hi kan theihna zawng zawngin kan hum him zel dawn.
Joint Civil Society of Mizoram (JCSM) te September ni 11, 2025 ah he dan duh lovin, sut leh tur a an nawrna Rally an neih pawh ti hlawhtling duh lova, phatna zawng in, hmana DAN SAKEI ti tu ngei in, "Kan zir chiang a DAN RANGKACHAK a lo ni zawk a, a lo hlauhawm love,"ti tu te hian, hnam phatsanna leh hnam hralhna tarmit bunin an zir chiang tih in hria se, Ram leh Hnam hmangaihna Tarmit bun a, an pass tawh hi sut leh ngei turin kan ngen a. An sut dawn lo a nih chuan, Remna thuthlung vawng him a hmang ngam tur kutah Sawrkarna hlan mai se tih hi Ex-MNA Association ngaih dan a ni.
Joint Civil Society of Mizoramin tha thlah lovin theihtawpin Mizoram Sawrkar ngenin an bei a, vawiin chauh ngaihtuah lova naktuk lola thleng tur, kan tu leh fate tana chenna tlaka kan ram hi buatsaih a tul takmeuh a. Political Party zawng zawng leh Tlawmngai pawl zawng zawngte pawhin ngun taka ngaihtuahna seng a, kan ram leh hnam hmabak kan thlir a tulin, ataka kan chetchhuah ngam a tul ta takzet a ni. Joint Civil Society of Mizoram(JCSM)te ngenna an tih hlawh chham avangin MNF chuan October ni 29 ah TOTAL BAND nei turin a in buatsaih mek a, Total Band neih kher ngai lovin, hnuk kir leh mai turin Mizoram sawrkar hi kan ngen a ni. Chuti ni lova Total Band neih a ngai a nih chuan kan thlawp tlat dawn a ni.
Mizo mipui zawng zawngte Total Band hi thlawp tur leh, Total Band neih a ṭulna chhan zir chiang a, Mizoram leh Hnam hum him nan Article 371 (G) min vawn him pui tlat turin kan sawm che u a ni.
Issued by
Ex - Mizo National Army Association,
General Headquarters, Aizawl, Mizoram
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: