"Driver bill kha pass chu sawi loh driver man khawmtu sorkar an ni ta a nih hi maw! Bumtu mai an lo ni e!" ~ Krista Roluahpuia

"Bumtu mai an lo ni e! Rilru hi chu a na ve thlawt a ni!" ~ Krista Roluahpuia

Aizawl | Oct 23, 2025: Mizo scientist Krista Roluahpuia chuan, ZPM sorkar chu, "Bumtu mai an lo ni e," tiin vawiin khan Facebook-ah status a update.

"tuna sorkar mek hi an sorkar hma khan hnehchhiah zawk te, pawimawhna nei lo te, hmasawnna hmu lo zawk te chhanchhuaktu tur angin an inzuar a ni. Keini pawhin kan ngaihzawn phah em em! Driver bill an sawite kha ka taxi chuanna driver zawng zawng deuh thaw kha ka hrilh ve a ni," a ti a.

"Mahse, kha bill (driver bill) kha pass chu sawi loh driver man khawmtu sorkar an ni ta a nih hi maw! Bumtu mai an lo ni e! Rilru hi chu a na ve thlawt a ni!" a ti bawk.

Krista Roluahpuia status Full:

Mualbu (L), Chawngte bul-a awm tan chuan Chawngte kawng hi kan tana kawng pawimawh em em a ni. Mahse, kan naupan ve lai atang tawhin kawng tha kan neih lai hmel hi ka la hmu meuh lo. Kawng chhia neih hreawmzia leh pawi zia hi hrechiangtu em em tu ka ni ve takzet. Bungraw phurh atanga dam mawh hritlan avanga hmun pui pan tumna avang thleng hian lam lian chhia serious zia hi ka hre thiam.

Kawng tha neih nan a nih chuan Tripper driver-te hi han duty pui ve pawh ka duh hial zawk a ni. Hmasawnna hmel kan hmu dawn a nih chuan kawng dangtu nih ve pawh a chakawm tawh hial zawk e.

Tin, tuna sorkar mek hi an sorkar hma khan hnehchhiah zawk te, pawimawhna nei lo te, hmasawnna hmu lo zawk te chhanchhuaktu tur angin an inzuar a ni. Keini pawhin kan ngaihzawn phah em em! Driver bill an sawite kha ka taxi chuanna driver zawng zawng deuh thaw kha ka hrilh ve a ni. A chhan chu harsatna nei thei, mipui rawngbawltu (sorkar hnathawkte ang) dangte anga chhungkaw chawmtu ve tho an ni. Mahse, kha bill kha pass chu sawi loh driver man khawmtu sorkar an ni ta a nih hi maw! Bumtu mai an lo ni e! Rilru hi chu a na ve thlawt a ni!