Lirthei tang hnukchhuaktu lirthei chetsualna avangin thi!

Aizawl | Oct 23, 2025: Lirthei tang hnukchhuaktu lirthei chetsualna avangin vawiin khan kum 36 mi, Dipankar Gogoi s/o Juren Gogoi, Guwahati a thi!

File Pic:

Chetsualna thlen hun hi dar 12 leh tlem velah niin, nunna chan hi hnam dang mi Dipankar Gogoi s/o Juren Gogoi kum 36, Guwahati lam mi a ni a. Ani hian cement phur ke 12 nei, Sairanga dah tur a khalh.

Kawng lakah a thianpa, ke 12 nei tho a ruak chhuk lam kawng khuara tang chu hmuin, a hnuk chhuak a, hetia a hmuh chhuah hnu hian, a hnuhna hrui phelh tuma motor leh motor inkara a awm laiin a motor hi rawn lir thutin a lu ah a chilh ta niin, a thian, a hnuhchhuah zawk MD Sariful Islam kum 29 inti hian a sawi.

Chhiat tawh thu hriat a nih vel leh Police lam te hriattirin, a hmunah H Lalhriathlua leh Zorammawia te nen tlan phei nghalin, motor leh ruang hi lo laksawn tawh a ni a. Mit a hmutu dang an awm loh avangin an lo dah sawnnaah hian police lo thlen hun nghah a ni. Police an lo thlen hnuin tih fel tur tul an neih ang te tifelin, Kawnpui lamah Lalneiha motor hmangin postmortem tura phurh phei nghal a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]