"kan party mi leh sa contract hnathawk ten an thawk chhe tur a ni lo," - CM Lalduhoma

Aizawl | Oct 23, 2025: Zoram People's Movement (ZPM), Aizawl East II Block te chuan vawiin khan Dawrpui Multipurpose Hall-ah Block Conference an hmang a, Chief Minister Lalduhoma'n Khuallian niin a hmanpui a, Bialtu MLA leh Minister ni bawk B Lalchhanzova chu khualzahawm a ni bawk.

 

Kalkhawm mipuite hnenah Khuallian Chief Minister chuan thusawiin, "Kohhran thiltihnaah chuan hun kan vawng dik em em a, pawl angah te hian hun kan vawng dik hleithei lova, hei hi kan inzirna tur a ni. Mihring hun vawng dik reng reng chu anmahni an invawng a, an thiltih an la thutak a, inthlahdah leh zawmthaw takin hun an hmang ngai lo. ZPM te hian party dang entawn tlak turin hma hruai ila, bulṭantu i ni ang u. Pathian chuan mihring mit hmuah pawh a mawi zawng turin min ti a, ZPM kalkhawmna chu kan felfai tur a ni, Zu rui nena inchawmpawlh lutuka function hman te hi thil mawi a nih loh bakah a zahawm loh. Kan party pawh kan fihlim chho sawt hle a, a lawmawm tak zet a ni. Chutiang bawkin kan party mi leh sa contract hnathawk ten an thawk chhe tur a ni lo, mi pahnih khat lek hna tha lo, lo ti zeuh an awm hian a lar duh hle a ni. Kan sorkar hnua hnathawhte a tha tlangpui tawh niin ka hria a, State Project Monitoring Committee te an thawkrim bawk a, hma kan sawn chho hle a ni. Vawiin ni thlenga kan Minister leh MLA te zingah eiruknaa hming hliau kan la awm lo hi ka lawmna em em a ni a, kan ram hruaituten hriselna tha leh finna te, rinawmnate an neih zel theihna turin party mite pawhin i tawngtaipui thin ang u. Kan hmalakna leh kan hmachhawp hrang hrangte tun maiah kan hmu hman dawn lo, Kum 5 chhung hian tam tak hmuh hman loh tur kan nei a ni. Chuvang chuan a hlawhtlinna hmel hmu tur chuan Kum 10 aia rei rorelna fawng kan chelh a ngai a, chutiang tur chuan party mite i ṭang sauh sauh ang u," a ti.

Khualzahawm Revenue Minister B Lalchhanzova pawhin thusawiin, "Tun hnaiah eptu party ten sum lengvak a tlem tiin thu an ti thang chiam a, Kalphung remdik chhoh zel a nih avang hian Pawisain a hlutna tak tak a rawn lanchhuah tir ta a ni. Tun hmaa Ram leh In hmun lem hralh vak vak thin kha a rem chho ta a, Smuggler te an tawmim chho a, Buhfai kawng bo te pawh a tlem chho sawt tawh hle a, Dan lova thiltih avang sum lakluhna kua a pin tak zel avang hian ho mai maia sum thehthang a tlem ta a, hei hian sum lengvak tlem angin a tilang a ni. ZPM sorkar hian Kuthathawktute account ah cheng

Vaibelchhe 120 chuang Sawhthing man a thun tawh a, a sum faia hmu lovin an account ah a awm a, an ipte ah ni lovin an bank account ah a awm avang hian Kuthnathawktuten an thawhchhuah ngei hi an hlut tawh hle a ni. Ration Buhfai pawh thla tin sem hma kan tum a, tum angin thil a kal tluan theih lohna chhan chu NIC atangin signal kan hmu that loh vang a ni a, India ram pumpui a nih avang hian State mala lo tih theih a ni lo. Tunah hian Buhfai chhekkhawl sa Thla 2 chhung sem tur a awm a, Buhfai bukna Digital Weighing Scale pawh Mizoram hmun hrang hrang 112 ah dah a ni dawn," a ti.

Vawiin hun hi Pu Zarzokima, President, Aizawl East II ZPM chuan a kaihruai a; Pro Pastor C Zokunga'n hunserh hmangin, AMC Ward VIII Corporator Christina Roluahpuii Sailo leh ZPM General Headquarters-a General Secretary  R Lalhmunsiama te pawhin thu an sawi a. East II Constituency huam chhunga ZPM zawm thar mi 704 te  Lalduhoma'n ZPM party-ah a lawmlut bawk a ni.

AIZAWL EAST II ZPM CONSTITUENCY BLOCK CONFERENCE HMAN A NI : CHIEF MINISTER IN A HMANPUI

Dated Aizawl, 23rd October 2025; Vawiin khan Zoram People's Movement, Aizawl East II Block te chuan Dawrpui Multipurpose Hall-ah Block Conference an hmang a, Chief Minister Pu Lalduhoma chuan Khuallian niin a hmanpui a, Bialtu MLA leh Minister ni bawk Pu B Lalchhanzova chu Khualzahawm a ni bawk.

 

Kalkhawm mipuite hnenah Khuallian Chief Minister chuan thusawiin, "Kohhran thiltihnaah chuan hun kan vawng dik em em a, pawl angah te hian hun kan vawng dik hleithei lova, hei hi kan inzirna tur a ni. Mihring hun vawng dik reng reng chu anmahni an invawng a, an thiltih an la thutak a, inthlahdah leh zawmthaw takin hun an hmang ngai lo. ZPM te hian party dang entawn tlak turin hma hruai ila, bulṭantu i ni ang u. Pathian chuan mihring mit hmuah pawh a mawi zawng turin min ti a, ZPM kalkhawmna chu kan felfai tur a ni, Zu rui nena inchawmpawlh lutuka function hman te hi thil mawi a nih loh bakah a zahawm loh. Kan party pawh kan fihlim chho sawt hle a, a lawmawm tak zet a ni. Chutiang bawkin kan party mi leh sa contract hnathawk ten an thawk chhe tur a ni lo, mi pahnih khat lek hna tha lo, lo ti zeuh an awm hian a lar duh hle a ni. Kan sorkar hnua hnathawhte a tha tlangpui tawh niin ka hria a, State Project Monitoring Committee te an thawkrim bawk a, hma kan sawn chho hle a ni. Vawiin ni thlenga kan Minister leh MLA te zingah eiruknaa hming hliau kan la awm lo hi ka lawmna em em a ni a, kan ram hruaituten hriselna tha leh finna te, rinawmnate an neih zel theihna turin party mite pawhin i tawngtaipui thin ang u. Kan hmalakna leh kan hmachhawp hrang hrangte tun maiah kan hmu hman dawn lo, Kum 5 chhung hian tam tak hmuh hman loh tur kan nei a ni. Chuvang chuan a hlawhtlinna hmel hmu tur chuan Kum 10 aia rei rorelna fawng kan chelh a ngai a, chutiang tur chuan party mite i ṭang sauh sauh ang u," a ti.

Khualzahawm Pu B Lalchhanzova, Revenue Minister pawhin thusawiin, "Tun hnaiah eptu party ten sum lengvak a tlem tiin thu an ti thang chiam a, Kalphung remdik chhoh zel a nih avang hian Pawisain a hlutna tak tak a rawn lanchhuah tir ta a ni. Tun hmaa Ram leh In hmun lem hralh vak vak thin kha a rem chho ta a, Smuggler te an tawmim chho a, Buhfai kawng bo te pawh a tlem chho sawt tawh hle a, Dan lova thiltih avang sum lakluhna kua a pin tak zel avang hian ho mai maia sum thehthang a tlem ta a, hei hian sum lengvak tlem angin a tilang a ni. ZPM sorkar hian Kuthathawktute account ah cheng

Vaibelchhe 120 chuang Sawhthing man a thun tawh a, a sum faia hmu lovin an account ah a awm a, an ipte ah ni lovin an bank account ah a awm avang hian Kuthnathawktuten an thawhchhuah ngei hi an hlut tawh hle a ni. Ration Buhfai pawh thla tin sem hma kan tum a, tum angin thil a kal tluan theih lohna chhan chu NIC atangin signal kan hmu that loh vang a ni a, India ram pumpui a nih avang hian State mala lo tih theih a ni lo. Tunah hian Buhfai chhekkhawl sa Thla 2 chhung sem tur a awm a, Buhfai bukna Digital Weighing Scale pawh Mizoram hmun hrang hrang 112 ah dah a ni dawn," a ti.

Vawiin hun hi Pu Zarzokima, President, Aizawl East II ZPM chuan a kaihruai a; Pro Pastor C Zokunga'n hunserh hmangin; Nl Christina Roluahpuii Sailo, Corporator, AMC Ward VIII leh ZPM General Headquarters-a General Secretary Pu R Lalhmunsiama te pawhin thu an sawi a. East II Constituency huam chhunga ZPM zawm thar mi 704 te Pu Lalduhoma'n ZPM party-ah a lawmlut bawk a ni.

Issued by

Media & Publicity Department 

ZPM General Headquarters, Aizawl 

Issue No. 221 of 2025

Dated 23rd, October, 2025