# Oct 9 - 10 - Class kal loh!
# Oct 14 - kawngzawh
Aizawl | Oct 7, 2025: Mizoram sorkar-in tuialhthei atang Cess a lak atanga sum dawng tura college telh phut-in Aizawl City College Joint Students’ Union (ACCJSU)-in College kal loh, nawrh leh kawng zawh an tintuah!
ACCJSU chuan Cess sum dawng tur zinga College telh phut hian, October 9 leh October 10, 2025 hian Mizoram College zawng zawnga Zirlaite tumah College kal lo turin zirlaite an ngen a. Hemi hnuah sorkar atang thu lawmawm an dawn loh chuan, October 14, 2025 atang hian lungawi lohna lantirin, kawng zawh leh nawrh huaihawt turin thu an rel thlu a ni.
Aizawl City College Joint Students’ Union (ACCJSU) chuan nimin tlai dar 6:30 pm khan committee neiin, Sept 27-a CESS chungchanga Sawrkar hnena an thu thlen chu ni 7 chhung kan ngaihchan hun chu a lo pel ta a. Sawrkar lam atanga engmah chhanna kan dawn loh avangin hetiang hian ACCJSU chuan na taka hma la turin thuthlukna a siam fel ta a ni.
ACCJSU te chuan, "he CESS chungchangah hian kan lo intiam tawh ang ngeiin hetiang hian hma lak nise tih a rel a, October 9 leh October 10, 2025 hian Mizoram College zawng zawnga Zirlaite tumah College kal lo turin zirlai te a ngen a. Hemi ni 2 chhunga Zirlaite College kal loh hi Sawrkar-in engah mah a ngai lova kan dilna leh kan ngenna te engah mah a ngai lo a nih chuan, Ni 14th October, 2025 atang hian lungawi lohna lantirin, Kawng Zawh leh Nawrh huaihawt turin thu a rel thlu a ni. Hei hi Mizoram chhunga College awm zawng zawng ten mahni District theuhah a theih ang ang a min support turin kan inngenin kan inhriattir nghal a ni," tiin nimin khan thuchhuah siamin an tarlang.
AIZAWL CITY COLLEGE JOINT STUDENTS’ UNION (ACCJSU)
AIZAWL, MIZORAM
ESTD:2000
Dated:6th October 2025
PRESS RELEASE
‘MIZORAM SAWRKARIN CESS AH COLLEGE A TELH VE LO’
Vawiin 6th October 2025 (Thawhtanni) tlai dar 6:30 pm khan, Aizawl City College Joint Students’ Union (ACCJSU) te chuan Committee neiin, Ni 27/09/2025 a CESS chungchang a Sawrkar hnena kan thu thlen chu ni 7 chhung kan ngaihchan hun chu a lo pel ta a. Sawrkar lam atanga engmah chhanna kan dawn loh avangin hetiang hian ACCJSU chuan natak a hma la turin thuthlukna a siam fel ta a ni.
ACCJSU te chuan he CESS chungchangah hian kan lo intiam tawh ang ngeiin hetiang hian hma lak nise tih a rel a, Ni 9th October, 2025 leh Ni 10th October, 2025 hian Mizoram College zawng zawnga Zirlaite tumah College kal lo turin zirlai te a ngen a. Hemi ni 2 chhunga Zirlaite College kalloh hi Sawrkar-in engah mah a ngai lova kan dilna leh kan ngenna te engah mah a ngai lo a nih chuan, Ni 14th October, 2025 atang hian lungawi lohna lantirin , Kawng Zawh leh Nawrh huaihawt turin thu a rel thlu a ni. Hei hi Mizoram chhunga College awm zawng zawng ten mahni District theuhah a theih ang ang a min support turin kan inngenin kan inhriattir nghal a ni e.
(LALTLANHLUA)
General Secretary, ACCJSU
Contact:7005249170
(LALREMTLUANGA)
President, ACCJSU
Contact:9362297655
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: