Vikshit Bharat Yuva Connect - National youth Icon atan Grace Hauzel thlang

Aizawl | September 30, 2025: Ministry of Youth affiars & Sports-in India ram puma thalai mithiam a thlan bik Viksit Bharat Yuva Connect - National youth Icon atan Mizo Nula Grace Hauzel thlan a ni.

Pic: AI

India Independence Day 2025 lawmnaa President At-Home Reception at Rashtrapati Bhavan-a sawm zinga tel tawh, Aizawl Khatla veng nula Grace Lalrinpari Hauzel hi Pachhunga University College-ah kal mekin, kumin January khan Viksit Bharat Young Leaders Dialogue 2025 New Delhi a neihah Youth representative of India thlan zingah a tel tawh a, SOUL Global Conclave-ah Indian Youth Delegate niin a lo tel tawh bawk.

Thusawi thiam, thuziak thiam, lam thiam, zai thiam, prog kaihhruai (host) thiam leh lemchan pawh ti thei tak mai, thiamna leh theihna hrang hrangin a tuam vel - Grace Hauzel hi Mizoram district 11 atanga State level National Youth Parliament 2024 intihsiakah lawmman pakhatna la tawhin, Winner of State Youth Parliament Festival 2024 ah leh youth MP, National Youth Parliament Festival 2024-ah Mizoram aiawhin Parliament and thu a sawi tawh bawk a ni. North-East NSS Festival 2024 Agartala-ah Best Volunteer lawmman la tawhin heng bakah hian ramchhung leh rampawn lama College leh thilziah leh debate hrang hrang ah telin lawmman a la tawh bawk a ni.

Sorkar laipuiin thalaite inkara inpawh zawka hna a thawhna leh sorkar scheme-te mipui, a hre tur leh hmangtu turten an hriatna tura thalai mithiamte hmanga hmalakna Vikshit Bharat YUVA connect kaltlanga a thlan National Youth Icon Grace Lalrinpari Hauzel chuan thalaite tih hmasawnna tura sorkar laipuiin ruahmanna a siamte midang zirtirna kawnga a mawhphurhna chu theihtawpa hlen chhuah a tum thu a sawi.

- Source: DD News Mizoram