LADC roll tichhuak; polling station voter tlemna ber-ah voter 1 a awm!

Lawngtlai, 30th September, 2025: Vawiin khan Deputy Commissioner Lawngtlai Conference Hall- ah kan hma lawka Lai Autonomous District Council (LADC) - a '12th General Election to Member of District Council ( MDC)' lo awm tura Draft Electoral Rolls 2023 tehfunga hmanga duan chu tlangzarhna neih a ni a.Pu Donny Lalruatsanga, Deputy Commissioner & District Election Officer, Lawngtlai ni bawk chuan 'Final Electoral Roll' hi tlangzarhin, Pu Collin Hlychho, Election Officer, chuan inkhawm hi a kaihruai.

Pu Donny Lalruatsanga chuan Final E/Rolls tlangzarh theih a ni chu lawmawm a tih thu tarlangin, Election Officials- te thawhrimna a fakawm hle a ti a. Inthlanna felfai leh thianghlim nei tura 'Electoral Rolls' dik leh thianghlim neih hmasak a tul thu sawiin vawiin a Final Electoral Roll kan tlangzararh hi tih dik lo palh awm thei a ni a, amaerawh chu tih dik san thei ber a buatsaih a ni. Inthlang ram kan nih ang in Indian Constitution a Electoral roll a awm thei tur dan mumal tak min duan sak, tehna chi hrang hrang min duan sak, a phak te roll ah kan thun thin a ni. LADC area ah phei chu foreigner leh refugee awm na anih avangin kan fimkhur a ngai hle a ni a ti. Briefing theih ang tawh a uluk leh fimkhur in kan ti a ni a ti bawk. AERO, ERO, Election branch staff ten chhunzan zawm a an thawh rah a ni a, vawiin ni a Roll tha tak kan nei thei hi a lawmwm hle a ni. Kan ram hi thil hrang hrang in min run a, Aids, ruihhlo, foreigner leh raltlan te chuvangin nang leh kei vawiin ah kan fimkhur loh chuan a va pawi em tih kan hmabak mai ang tih a hlauhawm a ni tiin nang leh kei kan fimkhur a, ram hmasawnna thlentu , ram hmasawnna atan mi tangkai kan ni theih na turin tan kan lak a ngai a ni a ti. Kan ram tan a hlu kan hriat a, ram tana pawi kan hriat a ngai a ni. Kan ram natna leh damlohna thlen thei tu tur roll ah foreigner leh raltlante kan thun tur a ni lo a ti. Political Party te pawh dik taka thawk a Ram leh hnam hruaia mipuite hamthatna tura thawk tur, mi tha leh fel, mi dik tak thlanchhuah an nih theih nan dik taka hnathawh a pawimawh hle tiin, Lawngtlai District- mipuite pawh theihtawp lo chhuahpui turin a sawm nghal bawk.

Vawiin Draft Electoral Rolls tlangzarh inkhawmah hian Political Party aiawh an telkim vek thei a, Party aiawh lo kalte hnenah 'Final Electoral Rolls' copy khat theuh a hlan nghal a ni.

Vawiina Final Electoral Rolls tlangzarh tak atanga a lan danin , LADC huamchhunga MDC inthlanpui lo awm turah hian vote nei mipa- 27,844 leh hmeichhia-29,013 awmin, a vaiin vote nei mi - 56,857 an awm a. Polling Station- a Vote awm tamna ber chu 1/1 Pangkhua ( vote- 1189) niin, Polling Station- a vote tlemna ber chu 23/ 8 Hmawngbuchhuah (vote- 1) a ni.

Final Electoral Roll tlangzarhnaah hian Pu H.Zonunmawia, ERO, Lawngtlai chuan thusawina tawi a nei a. Pi Margareth J. Vanlalremmawii, ERO leh BLO te an tel a, interaction neih nghal niin, Pu Collin Hlychho, Election Officer, lawmthu sawina in tlangzarhna hun khar a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]