Aizawl FC leh MPL Club dangte'n MPL round 10 khel turin Lawngtlai an thleng

Aizawl | Sept 30, 2025: Mizoram Premiere League 12-naa Round 10-na khel turin Aizawl FC chuan nimin khan Lawngtlai an thleng a. An zin tur thlahna hun tawi RG Stadium kawta neihah Club Neitu Robert Romawia Royte in fuihna thusawiin Aizawl FC in chapo an phalloh thu leh inrintawkna erawh neih a tul thu Players te hrilhin duhsakna a hlan.He hunah hian Club Chaplain Dr Maj ST Dula pawhin fuihna leh duhsakna hlanin tluang taka an zin theihnan tawngtaiin Pathian hnenah Team te a hlan bawk. AFC bus pahnih-in Lawngtlai an pan a ni.

Aizawl FC hi I-League a club awm mek zingah tlahniam lova I-League a awm reiber niin kum 10 chawl lovin I-League an khel tawh a,vawi 1 an champion tawh.Asia Champions League Playoff leh AFC Cup Group League pawh khel tawh an ni a.MPL awmtirh atangin tlahniam lovin an la khel ziah a,vawi 5 champion tawhin champion ngun ber an ni.Tun season hian a vawi 6 nan champion thei dinhmunah awmin Round 9 khelh tawhah hnehloh neilovin point 25 an nei tawh a.Anmahni dawttu I-League Club kaithar Chanmari FC in point 17 an nei thung.

Lawngtlai khawpuiah hian MPL Club 8 te an thleng kim tawh a,Lawngtlai khawpui chhungah Phullem Field 3 lai a awm avangin MPL club te hian Aizawl aiin trainingna hmun an nei tha zawk a ni.

Vawiin atangin club hrang hrangin Phullem Field 3 ah training an nei hlawm a,Aizawl FC pawhin CYLA Football Ground-ah training an nei a ni.