"ZPM sorkar kal fawrna karah MNF-in hmalam a pan zel!"

Aizawl | Sept 30, 2025: Mizo National Front (MNF) chuan vawiin khan thuchhuah siamin, "Uchuak taka ZPM in zoram mipui te rapbet a, sawrfu leh tur chuang awm tawh lo, mipuite hnen atangin chiah chi tinreng an lakna chuan mipuite phur tiritin, zoram mipuiten an kalsan mek zel a. Chief minister in a thlang tlingtu mipuite laka a inhrosak kuk kukna chuan duhsak taka thlangtute rilru a tihliam chho zel a, an hliam thawidam aiin a punlun zawngin vauna leh tawngkam chhe tak tak leh thudikhlel an dawng zui zel bawk a. Heng hi Zoram mipuiten an ning takzet tawh a ni," an ti.

Kum hnih pawh la hmang tlinglo ZPM sawrkar chu thlakna tur rilru mipuiten an ngaihtuah a, ei leh bara hnianghnarna leh mipui mamawh tinreng ngaipawimawha theihtawp chhuah thin, mite ber pawhin kan mamawh kawngpui tha siam a, tuaihnum thintu MNF sawrkar thlakhlelh letna an pu chho tan mek a ni. Tun hnai mai ni 25, September 2025 a, Phunchawng Local Council By electionah mipui kutthlakna alo lang a. Seat 5 awmah MNF chuan hneh taka sawrkarna la in, Seat 4 a la a ni.

Heng MNF ticket-a thlantlinte hi MNF General Headquarters chuan ni 29.9.2025 khan Mizo Hnamrunah lawmpuina hun hmangin Pu Zoramthanga, Former Chief Minister & President, MNF chuan thilpek a hlan a ni. Pu Rama chuan thlantlinte chu theihtawp chhuaha phunchawng khawtlang mipui leh Ram tana thawk a, thleibik awm hauh lova hna thahnem ngai taka thawk turin a fuih bawk a ni.

Mizo Hnam leh Ram himna aia an pumpuarna leh lan ropui tumna dah hmasa a, Mahni ram neihchhun pawh dahkham hrehlo tu ZPM sawrkar chuan hniam lam panin, an thusawi pawhin mi nuih a tiza chho zel a. MNF MLA ropui tak Pu Lalrintluanga(L) seat kalsan tak hnawhkhahna tura By Election inbuatsaihna kal mekah pawh Dampa bial mipui sukthlek tur thui takin vawiina ZPM sawrkar kal dan, mipui hmangaihna aia anmahni inhaivurna lam hlir hmuh tur awm chuan a hril ngei dawn a ni tih MNF chuan a ring tlat a ni.

He ram hi kan ta, kan pi leh puten, luchhim ban chhum huama an lo zah zau, 'thih leh ruam khatah, Dam leh tlang khatah' tia theih tawpa an lo humhim a nih angin, kan ram himna sadai thiat mektu ZPM sawrkar kalphung hi hnawl a nih thuaina turin MNF chuan theihtawp a chhuah zel dawn a ni.

Mizo National Front

General Headquarters

Aizawl, Mizoram

Press Release

ZPM SAWRKAR KAL FAWRNA KARAH MNF IN HMALAM PAN ZEL

Uchuak taka ZPM in zoram mipui te rapbet a, sawrfu leh tur chuang awm tawh lo, mipuite hnen atangin chiah chi tinreng an lakna chuan mipuite phur tiritin, zoram mipuiten an kalsan mek zel a. Chief minister in a thlang tlingtu mipuite laka a inhrosak kuk kukna chuan duhsak taka thlangtute rilru a tihliam chho zel a, an hliam thawidam aiin a punlun zawngin vauna leh tawngkam chhe tak tak leh thudikhlel an dawng zui zel bawk a. Heng hi Zoram mipuiten an ning takzet tawh a ni.