"ZPM chu party hrang hrang atanga lungawilo kalkhawm an nih miau avangin an party chhungah kalphung thar tia an sawi an kalpui duh dan a danglam nuai!," - ex - minister Zodintluanga

Aizawl | Sept 30, 2025: India ram puma Congress party committee peng pawimawh AIACC national executive member leh MPCC-a adviser ni bawk, Zodintluanga chuan Dampa bial by-election lo lawm turah Congress party vote a tha ber a, a him ber bawk tih a sawi.

Dampa biala Congress party tana campaign a thang mek Zodintluanga chuan by-election a ruling party vote kher hi mipuite bat a ni lo tih sawiin, Dampa bial mipuite hian ZPM candidate lo thlang tling pawh nise, tuna an sorkar, kum 2028 a tla zui ngei ngei tawh tur hi a nihna tur angin a thi beh pha chin an inrem khat vek tawh a, MLA thar tan dinhmun tha emaw dinhmun duhawm inpek tur an nei tawh lo. Chumi piah lamah MLA an neih belh leh chuan a inluling a, inti lal tur an tam phah mai mai tawh a ni, a ti.

Dampa biala INC official candidate atana puan John Rotluangliana tana campaign a fehchhuak Congress party adviser Zodintluanga hian Thawhtanni atang khan Dampa bial khaw hrang hrang a tlawh a, Reiek, Ailawng, Hruiduk, Kanghmun, Lungphun, Bawlte, Sabual, Darlung te bakah Lungdar leh Khawrihnim khuate a tlawh a ni. 

Zodintluanga chuan ZPM chu party hrang hrang atanga lungawilo kalkhawm an nih miau avangin an party chhungah kalphung thar tia an sawi an kalpui duh dan a danglam nuai a, hei hian an chhungkuaah hlawm hrang hrang a siam a, a thei zawk, a ti thei bik nih an inchuh mek a, chu chu Mizo mipuite hian kan tuar mek a ni, a ti.

“Dampa bial hi hnam hrang hrang inchenpawlhna a nih avangin bialtu MLA chak leh thothang tha, tawnhriat ngah tawh a mamawh a, chu mamawh chhanna chu Pu John Rotluangliana-ah hian a awm vek a ni,” Pu Zodintluanga chuan a ti.

Zodintluanga chuan Mizoramin sorkar kan hrawn mek chu sum enkawlna hlawhchham leilet der an ni tih a sawi a. “ZPM hi an hotu lu ber atangin sawi loh ang zela awm an ni a, Pathian thu nen thiam takin lei an bat ve ngai hauh loh tur thu an sawi a, mahse an han sorkar ve ta cheng a, Mizoram sorkar lo chelh tawh zinga leiba ngah ber an ni mek a, June 30, 2025 thleng khan an leiba chu Cheng Vaibelchhe 4311.45 a ni. Sorkar kumthar tum hnih ZPM hian an hawng ve tawh a, kum 2024 sorkar kumthar kha leiba Cheng Nuai 38,989 in bul an tan a, kum 2025 sorkar kumthar phei chu leiba Cheng Nuai hlir Nuai 1 leh Sing 4 (1,42,569) chuangin bul an tan a ni, leiba chungchang ka sawi hi titi na emaw, chumi khami chuan a sawi tih mai mai a ni lo, Mizoram Budget Document atanga lakchhuah a ni,” Zodintluanga chuan a ti. 

Dampa bial mipuite’n ngun taka by-election lo awm tur chu an thlir a tul thu sawiin Zodintluanga chuan ZPM sorkar chu a bilh atangin a tho lo laklawh tawh nia sawiin, “n pu berin a duh duh a sawi a, Assembly House ah ngei kan police te an thlamuanpui tlak loh, kut vung ber bur, ke vung ber bur tia a sawi ngei te kha opposition leader sawi te a ti leh vel mai mai a ni,” a ti.

“An pu ber opposition lama a thut laia dan hlauhawm tak tia huaisen taka a pau pui ul ul Forest Conservation Ammendment Act te chu dan hlauhawm a ni leh lo te a ti leh a, central-a BJP kaihhruai sorkar laka tlaktlum loh a hlauh luatah a che hi a fu hlei thei tawh lo a ni,” Zodintluanga chuan a ti.

Mizorama chanchinbu lian ber Vanglaini lah chuan an sum pukdan an chhuah ul ul reng bawk si, an dinhmun hi sorkar lai mah nise, an awhawm loh hle niin Pu Zodintluanga chuan a sawi.

Khaw hrang hranga a thusawinaah Congress Adviser Pu Zodintluanga chuan kawngpui tha, international standard kum 15 daih kan siam ang tia tiamtu ZPM in kawngpui an han siam a, ribbon chep chat meuhva kawngpui repair tur an hawn Bawngkawn to Chanmari road te chu kum 15 daih chu sawi loh, an siam chhe lutuka, a siamtute bawkin zuk hawlh khawk leh vek a. Prime minister a lokal dawn a, Chaltlang lam kawng an han chei thar ngawt pek a nih kha, tiin a sawi bawk. 

“Nepotism, laina leh mahni thurualpuite duhsakna kan titawp ang tiin an tlangau a, chutihrualin nangni pawhin whatsapp lamah te in lo hmu ve vek thovin ka ring, Kolasib bialtu MLA nupui chuan vaibelchhe tel tak meuh meuh hna a hmu a, ama ta tur nge pawh hriat ni suh, an Kamrula ve te pawh a niang,” Pu Zodintluanga chuan a ti.

“Dampa Bial tan hian Congress candidate vote mai hi a tha in a him ber a. Tuna kan candidate, kan vice president Pu John Rotluangliana hi mi chak, mi viak tha, mahni bial vei tlur chi a ni a. Kum 2028 a tla mai tawh tur lo vote tlin ai chuan kum 2028 Congress sorkar thara minister ni zui mai tur lo vote tlin kha a finthlak zawk tih Dampa bial mipuiten lo hria ula ka duh a, Congress candidate Pu John Rotluangliana lo vote turin ka ngen bawk che u a ni,” Pu Zodintluanga chuan a ti.

Dampa bial chuan chunga Congress campaign hian boruak a nei lian hle a, khawtinah inlawmluhna programme buatsaihin vawiin thlengin khaw hrang hrang atangin candidate atana puan Pou John Rotluangliana chuan mi thar 500 chuang a lawmlut a ni.

MPCC/Media/PR-2025/90

Dated: Aizawl the September 30, 2025

PRESS RELEASE

Dampa bial tan Congress candidate vote a tha ber: ex-minister Zodintluanga

India ram puma Congress party committee peng pawimawh AIACC national executive member leh MPCC-a adviser ni bawk, Pu Zodintluanga chuan Dampa bial by-election lo lawm turah Congress party vote a tha ber a, a him ber bawk tih a sawi.

Dampa biala Congress party tana campaign a thang mek Pu Zodintluanga chuan by-election a ruling party vote kher hi mipuite bat a ni lo tih sawiin, Dampa bial mipuite hian ZPM candidate lo thlang tling pawh nise, tuna an sorkar, kum 2028 a tla zui ngei ngei tawh tur hi a nihna tur angin a thi beh pha chin an inrem khat vek tawh a, MLA thar tan dinhmun tha emaw dinhmun duhawm inpek tur an nei tawh lo. Chumi piah lamah MLA an neih belh leh chuan a inluling a, inti lal tur an tam phah mai mai tawh a ni, a ti.

Dampa biala INC official candidate atana puan Pu John Rotluangliana tana campaign a fehchhuak Congress party adviser Pu Zodintluanga hian Thawhtanni atang khan Dampa bial khaw hrang hrang a tlawh a, Reiek, Ailawng, Hruiduk, Kanghmun, Lungphun, Bawlte, Sabual, Darlung tew bakah Lungdar leh Khawrihnim khuate a tlawh a ni. 

Pu Zodintluanga chuan ZPM chu party hrang hrang atanga lungawilo kalkhawm an nih miau avangin an party chhungah kalphung thar tia an sawi an kalpui duhdan a danglam nuai a, hei hian an chhungkuaah hlawm hrang hrang a siam a, a thei zawk, a ti thei bik nih an inchuh mek a, chu chu Mizo mipuite hian kan tuar mek a ni, a ti.

“Dampa bial hi hnam hrang hrang inchenpawlhna a nih avangin bialtu MLA chak leh thothang tha, tawnhriat ngah tawh a mamawh a, chu mamawh chhanna chu Pu John Rotluangliana-ah hian a awm vek a ni,” Pu Zodintluanga chuan a ti.

Pu Zodintluanga chuan Mizoramin sorkar kan hrawn mek chu sum enkawlna hlawhchham leilet der an ni tih a sawi a. “ZPM hi an hotu lu ber atangin sawi loh ang zela awm an ni a, Pathian thu nen thiam takin lei an bat ve ngai hauh loh tur thu an sawi a, mahse an han sorkar ve ta cheng a, Mizoram sorkar lo chelh tawh zinga leiba ngah ber an ni mek a, June 30, 2025 thleng khan an leiba chu Cheng Vaibelchhe 4311.45 a ni. Sorkar kumthar tum hnih ZPM hian an hawng ve tawh a, kum 2024 sorkar kumthar kha leiba Cheng Nuai 38,989 in bul an tan a, kum 2025 sorkar kumthar phei chu leiba Cheng Nuai hlir Nuai 1 leh Sing 4 (1,42,569) chuangin bul an tan a ni, leiba chungchang ka sawi hi titi na emaw, chumi khami chuan a sawi tih mai mai a ni lo, Mizoram Budget Document atanga lakchhuah a ni,” Pu Zodintluanga chuan a ti. 

Dampa bial mipuite’n ngun taka by-election lo awm tur chu an thlir a tul thu sawiin Pu Zodintluanga chuan ZPM sorkar chu a bilh atangin a tho lo laklawh tawh nia sawiin, “n pu berin a duh duh a sawi a, Assembly House ah ngei kan police te an thlamuanpui tlak loh, kut vung ber bur, ke vung ber bur tia a sawi ngei te kha opposition leader sawi te a ti leh vel mai mai a ni,” a ti.

“An pu ber opposition lama a thut laia dan hlauhawm tak tia huaisen taka a pau pui ul ul Forest Conservation Ammendment Act te chu dan hlauhawm a ni leh lo te a ti leh a, central-a BJP kaihhruai sorkar laka tlaktlum loh a hlauh luatah a che hi a fu hlei thei tawh lo a ni,” Zodintluanga chuan a ti.

Mizorama chanchinbu lian ber Vanglaini lah chuan an sum pukdan an chhuah ul ul reng bawk si, an dinhmun hi sorkar lai mah nise, an awhawm loh hle niin Pu Zodintluanga chuan a sawi.

Khaw hrang hranga a thusawinaah Congress Adviser Pu Zodintluanga chuan kawngpui tha, international standard kum 15 daih kan siam ang tia tiamtu ZPM in kawngpui an han siam a, ribbon chep chat meuhva kawngpui repair tur an hawn Bawngkawn to Chanmari road te chu kum 15 daih chu sawi loh, an siam chhe lutuka, a siamtute bawkin zuk hawlh khawk leh vek a. Prime minister a lokal dawn a, Chaltlang lam kawng an han chei thar ngawt pek a nih kha, tiin a sawi bawk. 

“Nepotism, laina leh mahni thurualpuite duhsakna kan titawp ang tiin an tlangau a, chutihrualin nangni pawhin whatsapp lamah te in lo hmu ve vek thovin ka ring, Kolasib bialtu MLA nupui chuan vaibelchhe tel tak meuh meuh hna a hmu a, ama ta tur nge pawh hriat ni suh, an Kamrula ve te pawh a niang,” Pu Zodintluanga chuan a ti.

“Dampa Bial tan hian Congress candidate vote mai hi a tha in a him ber a. Tuna kan candidate, kan vice president Pu John Rotluangliana hi mi chak, mi viak tha, mahni bial vei tlur chi a ni a. Kum 2028 a tla mai tawh tur lo vote tlin ai chuan kum 2028 Congress sorkar thara minister ni zui mai tur lo vote tlin kha a finthlak zawk tih Dampa bial mipuiten lo hria ula ka duh a, Congress candidate Pu John Rotluangliana lo vote turin ka ngen bawk che u a ni,” Pu Zodintluanga chuan a ti.

Dampa bial chuan chunga Congress campaign hian boruak a nei lian hle a, khawtinah inlawmluhna programme buatsaihin vawiin thlengin khaw hrang hrang atangin candidate atana puan Pou John Rotluangliana chuan mi thar 500 chuang a lawmlut a ni.

Sd/- 

LALREMRUATA

Secretary

Media Department