Sept 20-ah 'Namo Yuva Run' buatsaih dawn, thalai tlante an vannei dawn!

Aizawl | Sept 16, 2025: BJP Mizoram State Yuva Morcha President Robinson Malsawmtluanga Hmar chuan vawiin khan thuthar thehdarhtute kawmin, PM Narendra Modi piancham pualin, Sept 20 hian 'Namo Yuva Run' an buatsaih tur thu a sawi a, heta tel tur hian Mizo thalaite an sawm a, lawmman pawh a that tur thu a sawi bawk.

"He hunah hian lawmman ṭha tâwk tak buatsaih a ni dawn a, a tlan zawng zawngte hian certificate an dawng vek dawn a, T-shirt an dawng vek dawn bawk a ni," a ti bawk.

Lawmman turte:

1. Rs. 10,000/- + Medal + Certificate

2-na : Rs. 7,000/- + Medal + Certificate

3-na : Rs. 5000/- + Medal + Certificate a ni dawn a ni.

BJP ṭhalai (Yuva Morcha) chuan ram pum huapin Marathon Race a buatsaih dawn a

PRESS STATEMENT

- Robinson Malsawmtluanga Hmar

State Yuva Morcha President

BJP Mizoram.

Dated the 16th September, 2025 (Tuesday) on 1:00 pm, at the Aizawl Press Club.

Mizoram chhunga Railway Service hmasa ber, "Bairabi aṭanga Sairang Railway" thar min hawnsaktu Kan Prime Minister zahawm tak Pu Narendra Modi-a piancham (September ni 17) lawm nan BJP ṭhalai (Yuva Morcha) chuan ram pum huapin Marathon Race a buatsaih dawn a. BJP-in he hun hi kan ngaih pawimawh êm êm na chhan chu, Pu Modi-a kaihhruaina hnuaiah mi retheite leh hnam hnuaihnung zawkte dinhmun ṭhaa chawikan an nih vang a ni.

Kum danga kan lo tih tawh ṭhin angin, Pu Modi-a piancham (September ni 17) leh Pu Gandhi-a piancham (October ni 2) inkar ah hian "Seva Pakhwada" Midang tana luanchhuahna hun kan buatsaih leh dawn a, he programme hi BJP chuan kan ngai pawimawh êm êm a, ram intodelh leh ram changkang kan nih theih nan ṭhalaite hian hriselna kan ngaih pawimawh a ṭulzia inzirtir kan duh a, mi harsa zawk ṭanpuina kawngah pawh a kawhhmuhtu kan nih theih nan hma kan la ṭhin a ni. Kan ram leh hnam hmangaihna rilru leh ram hmasawnna tura ke pên duhna thinlung kan neih hi, BJP chuan a ngai pawimawh hle bawk a ni.

Independence Day vawi 79-na lawmna ah Prime Minister zahawm tak Pu Narendra Modi-a chuan ram humhimna, ram intodelhna, technology thiamna lama hmahruaina, khua leh tuite chanvo dik tak pek te chu 2047-a “Developed India” kan nih theih nan a pawimawh thu a lo sawi tawh a, "Vocal for Local" Ram chhung themthiamna te chawisan tih thupui bawhzuiin Ram Changkang kan ni thei dawn a ni, tiin Pu Modi-a chuan a lo sawi tawh bawk a ni. He a thusawi bawhzui hian BJP National President Pu JP Nadda chuan ṭhalaite chu India 'future' kan ni tih hriaiin taksa hriselna lama kan intihhmuh theih nan, Bharatiya Janata Yuva Morcha (BJP Ṭhalai Pawl) hnenah "Modi Yuva Marathon" / "Namo Yuva Run" buatsaih turin a ngen ta a ni. BJP Ṭhalai Pawl chuan bawhzui nghalin, he Marathon-ah hian India ram puma ṭhalai nuai chuangte tlan tura ruahman a ni ta a ni. He 'event' hi ram pumah September ni 21, 2025-a buatsaih tum a ni a, he ni hi 'Chawlhni' a nih avangin Mizoram ah chuan September ni 20 (Inrinni) ah buatsaih tum a ni.

He marathon race-ah hian Mizoram ah pawh ṭhalai ka la ni in ti tawh phawt tan tel a thiang vek dawn a, a tam thei ang ber kan tlan theih nan ṭhalai zawng zawng kan sawm a ni. BJP Mizoram State Ṭhalai Pawl (Yuva Morcha) chuan Aizawl khawpuiah buatsaih a tum a, Bawngkawn aṭangin Ramhlun veng lam kawngah tlanin Lammual thleng tlan turin ruahmanna a siam a ni. He hunah hian lawmman ṭha tâwk tak buatsaih a ni dawn a, a tlan zawng zawngte hian certificate an dawng vek dawn a, T-shirt an dawng vek dawn bawk a ni.

Lawmman dawn dan turte:

1-na : Rs. 10,000/- + Medal + Certificate

2-na : Rs. 7,000/- + Medal + Certificate

3-na : Rs. 5000/- + Medal + Certificate a ni dawn a ni.

Heng bakah hian top 10-a lang pha te chuan 'Consolation Prize' an dawng vek dawn bawk a ni. Kan tlan chhung hian 'Media covervage' neih tum a ni bawk a, medical duty an awm dawn bawk a ni.

Ṭhalaite hi nakina ram hruaitu tur kan ni tih hre ṭheuh ila, ruihtheihthil lam reng reng khawih lova Pathian ṭihna nen taksa hriselna kan ngaih pawimawh tlan hi kan intihhmuh a ngai takzet a, chumi atan chuan he 'marathon race' hi buatsaih tum a ni.

Hma lam hun duhawm tak kan neih theih nan 'fitness' ngai pawimawh tlang ila, mi 'fit' tak leh hrisel tak ṭhalaite hi kan nih vek theih chuan "Developed India" kan la nih theih ngei pawh a rinawm a ni. Kan ram chhungah hian ṭhalaite fit tak tak kan awm a ni tih kan lantîr theih nan ṭhalai a duh apiang he "Modi Yuva Marathon" ah hian rawn tel tûrin kan sawm che u a ni e.

Ka lawm e.

Issued By IT & Media Department, BJP Mizoram Headquarters: Aizawl, Mizoram.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]