OPEN LETTER | Adviser to CM TBC Lalvenchhunga | DERNA AN KA LEH VAUNA AN KA!

OPEN LETTER TO TBC LALVENCHHUNGA MLA (Adviser to CM)

Ka pu,

Vawiinah ZPM office a i thusawi te ka lo hmu a, i thusawi hrang hrang zingah heng ho hi ka zawhna che leh ka rawn thai lang pah ve teh ang.

1. CSS ho in dah ngheh lohna chhan chu, DAN IN A REM TIH LOH VANG" tiin i sawi a.

(a) Dan in rem ti si lo chu, eng vangin nge Pu Lalduhoma khan election hma khan "CSS employee te an khawngaihthlak hle mai a, an tan hian special scheme kan siam ang" tiin a sawi a, special scheme chu eng vanga la siam lo nge in nih.

(b) Kum 2024 a CSS employee regularisation scheme ( CSS te dah nghehna tur scheme) in siam lai khan, dan in a rem tih loh thu hi in lo hre miah lo em ni?

(d) CSS dah nghehna tur scheme lem in siam a, a hnu lawkah an ngheh theih lohna dan tur office memorandum khirh lutuk hmang in umzui leh nghal zat na chhan hi? special scheme chu a va hla si ve.

(e) Dan lova lak hi CM atanga ZPM workers ho hian insawi fo mai a, dan lova lak an awm chuan, chhui a a mawhphurhtu hrem tur pawhin an ti fo che u a nih kha.

2. I thusawi zelna ah hian "Contract hna kan beisei ngawt tur a ni lo, contract a ei zawng duh chu Contractor ah in ziah luh mai tur" i tih kha.

(a) Dampa BY--ELECTION dawna he tiang a i rawn sawi chhuah chhan hi, ZPM official Candidate Pu Vanlalsailova in-direct taka i beihna niin a lang, ani kha contractor ni lo contract thawk hmasa ber zinga mi a nih kha.

3. NANG NI PAWHIN DAN IN ZAH BIK EM?

(a) Kum 2014 a PE/MR lak te, an mahni ngheh ve theihna scheme ah an la qualify loh avangin, CSS ni miah lo kha CSS employee regularisation scheme hmangin in ti nghet hmiah ti raw.

Hei hi dan dik a ni bik em? Dan i tan chhan hi in sawrkar hian a zawm bik lo tih hi i pawm em?

DERNA AN KA LEH VAUNA AN KA

CSS hnuai a thawk te, banah in vau thul, mipui hmuh dik loh theih turin dan lova lak te in ti thul, CSS employee te ngheh theih lohna turin dan khirhkhan lutukin in han vawm zui zel nen, he ti em em a insawp retheih CSS employee 1000 chuang te hian family leh laina nei vek an ni a, election kan la nei chho zel dawna a man hi an pe let ve ngei ang che u.

~ H. Lalrochunga

Aizawl

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]