Prime Minister lo kal huna mipui hriat tur pawimawh

Aizawl | September 9, 2025: Traffic Sr. Superintendent of Police Ruatsanga Ralte chuan Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act 1988-in thuneihna a pek angin; Prime Minister Narendra Modi-in Sept 13 (Inrinni) ah Mizoram a lo tlawh dawn avangin a hnuaia mi ang hian thupek a chhuah.

Sept 13, 2025 (Inrinni) zing Dar 06:00 atanga chawhnu Dar 01:00 inkarah Hon’ble Prime Minister of India chet velna tibahlah thei turin a hnuaia kawngpui dung tarlanahte hian lirthei, bungrua leh thildang engmah dah phal a ni lo.

Thuampui Helipad to Raj Bhavan (main road); Thuampui, Bawngkawn, Ramhlun North, Ramhlun Venglai, Ramhlun South, Chaltlang Lily Veng, Chaltlang, Chanmari, Zarkawt, Dawrpui, Venghlui huam chhung kawngpui dung.

Lengpui Airport to Raj Bhavan (contingency road); Lengpui, Sihhmui, Sairang Zero Point, Phunchawng, Rangvamual, Hunthar, Company Peng, Edenthar, Bawngkawn, Ramhlun North, Ramhlun South, Chaltlang Lily Veng, Chaltlang, Chanmari, Zarkawt, Dawrpui, Venghlui huam chhung kawngpui dung.

Lirirthei tian dan khuahkhirhna pawh a hnuaia mi ang hian ruahman a ni a, lirtheia veivakten hriatlohna avanga buaina kan tawh loh nan leh tul lova hun kan sen thlawn loh nan lo inhmakhua a, pumpelh dan kawng zawng turin kan inngen a ni.

Aizawl chhim lam atanga hmar lam pan lirthei te; City Bus tiam lovin, Temple atangin Vaivakawn lamah tlan vek tur a ni. Aizawl hmar lam Durtlang, Thuampui, Sairang Road atanga chhim lam pan tur lirtheite chu Ramhlun, Laldenga Road lamah kal vek tur a ni.

Ni 13.9.2 02 5 (Inrinni) zing dar 06:00 atanga chawhnu dar 01:00 inkarah Bawngkawn Hmar Veng kawngah Thuampui Helipad kaltlangin; Bawngkawn leh Thuampui kawn atangin lirthei eng chi mah tlan phal a ni lo.

Ni 12.9.2025 (Zirtawpni) zan dar 07:00 atanga ni 13.9.2025 (Inrinni) zan dar 07:00 thlengin HMV, MMV, 407 Truck leh a tlukpuite chu Aizawl khaw chhung luh leh tian tlang phal a nih dawn loh avangin a hnuaia tarlan hmun atangte hian an tlan theih hun lo nghah tur a ni ang:

a) Sairang, Kurung Lei

b) Durtlang

c) Zemabawk Berawlui, City Bus Terminal

d) Ngaizel

e) Falkland Chite Bridge

Traffic Sr. SP chuan, a chunga tarlan kawngpui dunga PM chet velna tibahlah thei awmte chu Traffic Control Room Ph:0389-2313061/9366553559-ah hrilh zel turin a ngen a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]