MPCC-in FCAA 2023 adopt pawi ti: Special Session koha sut leh tura nawrna leh Kawngzawh huaihawt tum an thlawp

Aizawl | Sept 9, 2025: Mizoram Pradesh Congress Committee (MPCC) chuan vawiin khan thuchhuah siamin, "Mizoram Legislative Aseembly Session Dt 27.8.2025 a Forest Conservation Amendment Act adopt-na Resolution Forest Minister Pu Lalthansanga'n a put luh pass a ni hi keini Congress party chuan ram leh hnam tan a pawi thei a nih avangin a pawi kan ti a. Pawl hrang hrang intelkhawm, Joint Civil Society in Special Session koha sut leh tura an nawrna leh Kawngzawh huaihawt an tum pawh keini Congress party chuan kan thlawp tlat a ni," an ti.

Forest Conservation Amendment Act hi mithiam leh hre ril zawk ten a ngial a ngana hman an duh lova, he thil hi kan tu leh fa, chhuan lo kal leh zel tur nghawng thei thil a ni a, sum leh pai leh hmasawnna nen a thleng chi ah kan ngai lo a ni.

He Act an pass dawn khan opposition MLA te Act, rules leh guidelines copy te pek tlai an ni a, hemi chungchang hi nimin khan Mizoram Legislative Assembly Speaker khan a rawn sawifiah a, download tur a awm thu a sawi a. FCA Act download tur chu a awm ngei a, mahse rules leh guidelines erawh chu a awm lo a ni. Rules leh Guidelines an hmuh hnu a kan Chief Minister-in kan tan a hlauhawm lo tura Assembly House-a a sawi te kha mipui ah sawifiah ngei rawh se.

FCAA duh lohna hi kum 2023 khan Assembly ah hian passed a lo ni tawh a, chumi chu sawrkar hmasa khan an bawhzuina lamah a fel tawklo a awm a, an bawhzui tawk lo anih pawn tun sawrkar hian a bawhzui thei a ni. Sawrkar hmasa hunlai a duhlohna an pass tawh revoke lova adopt-na an pass hnan leh te hian he sawrkar kalphung mumal loh zia a tarlang in kan hria a ni. Kum hnih kalta a dodal nasa em em tu, sawrkar hmalakna duh khawp lo em em tu ten hetia an pass leh mai hi a mumal loh thlakin a ngaihtuahna hman loh thlak hle a ni.

FCAA an pass chhan hi an opposition te duhdan ni lovin ZPM kaihhruai sawrkar duh dan a ni tih hi Mizoram mipuiin an chiang a, chuvangin midang hmer tel talh tum lova, midang mawhpuh kual tur zawng lovin Assembly House ah Majority an neih anga Special Session koh a, a sut lehna resolution siam thuai turin kan ngen a ni.

MPCC/Media/PR-2025/82

Dated: Aizawl the September 9, 2025

PRESS RELEASE

Mizoram Legislative Aseembly Session Dt 27.8.2025 a Forest Conservation Amendment Act adopt-na Resolution Forest Minister Pu Lalthansanga'n a put luh pass ani hi keini Congress party chuan ram leh hnam tan a pawi thei a nih avangin a pawi kan ti a. Pawl hrang hrang intelkhawm, Joint Civil Society in Special Session koha sut leh tura an nawrna leh Kawngzawh huaihawt an tum pawh keini Congress party chuan kan thlawp tlat a ni.

Sd/-

LALREMRUATA

Secretary

Media Department

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]