Rel tlan laia luh leh chhuah awih a ni lo

Kolasib | Sept 9, 2025: Kolasib bawrhsap Robert C Lalhmangaiha chuan, Bairabi - Sairang rel kawng hawn a nih tawh dawn avangin, KOlasib district huam chhung Bairabi atanga Mualkhang inkar rel kawng leh a vela awm zawm tur thu a chhuah.

Kan hriat angin Kolasib District huam chhunga Bairabi to Mualkhang Rel kawng chu hawn a lo ni dawn ta a, hemi atan hian mipuite kan him tlanna tur leh harsatna leh buaina kan tawh lohna turin khua leh tui te tih tur leh mawhphurhna tam tak a awm a. A hnuaia tarlan ang hi mipuiten zawm tlan ngei tur a ni.

1. Rel tlan laia luh leh chhuah, Rel chhunga buaina siam leh ruk ruk, hmeichhe zahawmna tihbawrhban leh mi dangte tana harsatna siamna lam chi reng reng awih a ni lo a. Hetiang dan pawisak lohna chi tilui kan awm a nih chuan dan angin an chungah action lak nghal zel a ni ang.

2. Rel tlan laia Rel kawng acquired area huam chhungah tawhsual tawh theihna chi reng reng leh Rel tlan tibuai thei lam chi bungrua emaw hnawmhnawk emaw eng hmanrua pawh dah phal a ni lo a. Harsatna siam lui an awm chuan an phu tawk hremna dan anga pek an ni ang.

3. Mumal taka Rel hi hunbi neia tlan a nih tawh dawn avangin mipuiten kan ran vulhte khuahkhirha, hetianga lo tibuai thei chi reng reng lakah chhung tinte inthiar fihlim tur a ni a. Ran chhuah khapna mumal tak District Magistrate-in a chhuah tawh angin kan ran vulh laite pawh harsatna siam lo turin khung fel vek tur a ni. Hemi dan zawm lotute chu dan angin an chungah action lak a ni ang.

4. Ni tin, Rel a lo tlan dawn tak avangin hnam leh hnam chi leh chi lam hawi thil buaina eng mah siam loh tur a ni a. He hi India danpui (Constitution) kalh tlat a nih avangin mipuite fimkhur turin kan inhriattir a. Rel kawng hnaiha lo awm te vantlang puipunna leh buaina lo siam te, naupang khuahkhirh loh thlengin mipuite fimkhur turin kan inchah a. Harsatna hrang hrang thleng thei laka kan him tlan theihna turin mipuite tha taka dan zawm vek turin kan inhriattir a, dan zawm lotute chu danin a phut angin na taka hrem an ni ang.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]