Aizawl | Sept 3, 2025: Mizo Zirlai Pawl (MZP) chuan vawiin kahn Vanapa hall-ah Assembly leh Inthlan anneina, kum 2025 - 2027 chhunga MZP General Headquarers, Aizawl hruaitu tur an thlang.
MZP hian President atan Vice President ni lai Dr C Lalremruata thlan tlin a ni.
Ani bakah hian, Vice President atan Sanghmingthanga (Treasurer 2021 - 2023 / ECM nila), General Secretary atan C Lalhmingsanga (Asst. GS nilai), Asst. General Secretary atan Lalentlinga (ECM nilai), Treasurer atn Rothanliana (Fin. Secy nilai) leh Finance Secretary atan Nangsawmthanga (Secy. i/c organisation nilai) te thlan tlin an ni.
MZP inthlanah hian line-up pahnih awmin, post tinah mi 2 theuh, an vaiin mi 12-in nomination an thehlut a ni.
September ni 3, 2025-a MZP hruaitu thlanna turah hian - Dr C Lalremruata (Vice President nilai) leh Jacob Lalmuanpuia (GS 2021 - 2023 /ECM nilai) ten President post an inchuh a. Vice President - Sanghmingthanga (Treasurer 2021 - 2023 / ECM nilai) leh Zairemthanga (Treasurer nilai); General Secretary chuh - C. Lalhmingsanga (Asst. GS nilai) leh Chinkhanmang Thomte (GS nilai); Asst. General Secretary chuh - Lalentlinga (ECM nilai) leh PC Lalngaihawmi (Secy. i/c school education nilai); Treasurer chuh - Hmangaihhlima (MZP chanchinbu editor) leh Rothanliana (Fin. Secy nilai) leh, Finance Secretary chuh - Nangsawmthanga (Secy. i/c organisation nilai) leh C Lalrosanga (Secy. i/c information nilai) ten an inchuh bawk
MZP hruaitu term (2023-2025) a lo tawp dawn tak avangin Kumin July ni 25-a MZP General headquarters executive committee thukhawmin September ni 3, 2025-ah Vanapa Hall, Aizawl-ah MZP Assembly chu neih turin a rel a. Organising committee pawh din nghalin, hruaitu thar thlan kum a nih avangin election commission a din nghal a. Tuna MZP hruaitu (OB) nilai te hi September ni 21, 2023-a MZP Assembly vawi 67-na, Vanapa Hall, Aizawl-a neiah thlan niin, October ni 3, 2023 ah mawhphurhna an la tan a ni.
MZP General Assembly cum Election 2025 chu ni 3rd September 2025 hian Vanapa Hall, Aizawl-ah neih niin Assembly Rorel Inkhawm chuan heng a hnuaia thu hi lungrual
takin a pawm a ni.
1. Sairang thleng a rel a lo luh dawn avangin Mizoram chhunga rel tlan na kawng zawng zawngah ILP checkpoint siam a nih theih nan MZP in hma la rawh se.
2. NHIDCL hnathawh hi a that tawk loh thin avangin, MZP in a that zawk theih nan hma la rawh se.
3. Zofa hnam inkhawmpui lian “ZOFEST” hi 2026-ah neih leh ni rawh se.
4. Mizoram State University tha taka neih a nih theih nan Mizoram State University Act 2025 hi MZP in zirchianna neih a, a tul anga hmalak ni rawh se.
MZP General Headquarters Assembly cum Election 2025 chuan heng mite hi Kum 2025 - 2027 chhung a MZP General Headquarters hruaitu tura thlan chhuahte an ni.
MZP ELECTION VOTE TLA ZAWNG ZAWNG - 977
PRESIDENT
Dr. C. Lalremruata
VICE PRESIDENT
Sanghmingthanga
GENERAL SECRETARY
C.Lalhmingsanga
ASST. GEN. SECRETARY
Lalentlinga
TREASURER
Rothanliana
FINANCE SECRETARY
Nangsawmthanga
Issued By
MZP General Headquarters
MZP ELECTION (2025-2027)
VOTE - 977
President:
1. Dr C Lalremruata - 495
2. Jacob Lalmuanpuia - 467
Vote thi - 15
Vice President
1. Sanghmingthanga - 502
2. Zairemthanga - 466
Vote thi - 9
General Secretary
1. Chinkhanmanga Thomte - 473
2. C Lalhmingsanga - 494
Vote thi - 10
Asistant General Secretary
1. Lalenthnga - 511
2. PC Lalngaihawmi - 456
Vote thi - 10
Treasurer:
1. Rothanliana - 539
2. Hmangaihhlima - 429
Vote thi - 9
Finance Secretary
1. Nangsawmthanga-511
2. C Lalrosanga - 429
Vote thi - 8
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: