Aizawl | Sept 24, 2025: POCSO case-a a tuartu boxer te khelh ve phal loh chungchangah Mizoram State Sports Council (MSSC)-in Mizoram State Sports Council Golden jubilee 44th Mizoram State Boxing Championship titawp nghal turin hriattir!
Mizoram State Sports Council Secretary Henry C Lalrawnkima chuan vawiin khan Mizoram Boxing Association (MIZBA) lehkha thawnin, "he inpuhna hi thu dik lo a ni emaw, chhan tha tak avanga khelh tir phal lo in ni tih in insawifiah hma chu 44th Mizoram State Boxing Championship khelh mek hi titawp nghal tura hriattir in ni," a ti.
MSSC Secretary chuan, Mizoram Boxing Association-in in buatsaih, Mizoram State Sports Council (MSSC) Golden Jubilee 44th Mizoram State Boxing Championship, Lunglei a khelh mekah POCSO case-a a tuartu (victim) hmeichhe boxer te khelh ve in phal lo ni a puhna chungchangah Child Welfare Committee (CWC), Aizawl District atanga Mizoram State Sports Council-in hriattirna kan dawn bawhzuiin he inpuhna hi thu dik lo a ni emaw, chhan tha tak avanga khelh tir phal lo in ni tih in insawifiah hma chu 44th Mizoram State Boxing Championship khelh mek hi titawp nghal tura hriattir in ni e, a ti a ni.
Tarlan tawh angin Nimin khan Serchhip District Boxing Association (SDBA) chuan SDBA boxer tela hmeichhe boxer pathumte POCSO thubuai kal lai avanga khelh an phalsak loh chungchangah MIZBA hnenah hian heng hmeichhe boxer-te hi khelh an phalsak loh chuan SDBA-in boxer leh official an tirh zawng zawng hruai haw an tum thu MIZBA hnenah lehkha thawnin an hriattir tawh a, MIZBA lam hian khelh an phalsak thu an puan tak loh avangin vawiin khan SDBA chuan he championship-a tel tura boxer 31 leh official 2 an tirhte chu Serchhip lamah an hruai kir leh ta a ni.
"An autonomous and statutory organisation constituted by the Government of Mizoram"
D - 24, MG Road, Upper Khata, Aizawl - 796001
Sportscouncil76@gmail.com www.sportscouncil.mizoram.gov.in 0389 - 2322846
No.PP-4/BX/MSSC/2023/148 Aizawl, the 24th September 2025
To
The President / Secretary
Subject: Mizoram State Sports Council Golden jubilee 44th Mizoram State Boxing Championship titawp tura hriattirna.
Thawhpui du tak,
Mizoram Boxing Association-in in buatsaih, Mizoram State Sports Council (MSSC) Golden Jubilee 44th Mizoram State Boxing Championship, Lunglei a khelh mekah POCSO case-a a tuartu (victim) hmeichhe boxer te khelh ve in phal lo ni a puhna chungchangah Child Welfare Committee (CWC), Aizawl District atanga Mizoram State Sports Council-in hriattirna kan dawn bawhzuiin he inpuhna hi thu dik lo a ni emaw, chhan tha tak avanga khelh tir phal lo in ni tih in insawifiah hma chu 44th Mizoram State Boxing Championship khelh mek hi titawp nghal tura hriattir in ni e.
I thawhpui,
Secretary ,
Mizoram State Sports Council
Memo No. PP-4/BX/MSSC/2023/148 Aizawl, the 24th September 2025
Copy to:
1. P.S to Minister, SYS Dept. for kind information of Minister, SYS.
2. The Chairperson, Child Welfare Committee with reference to his letter No.C.31013/1/25-CWC(A)/28 dt.23.9.2025.
3. The Mizoram State Commission for Protection of Child Right.
4. District Child Protection Officer, Aizawl District.
Secretary Mizoram State Sports Council
#exploremizoram #mizoram #mizo #aizawl #news #india #indian #reports #report #journalism #MNF #manipur
Post a Comment
He post chungchanga i ngaihdan lo sawi ve rawh: