MNF leh Manipur-a din MNF-IM in inzawmna an nei lo tih MNF-in an puang

Aizawl | Sept 24, 2025: Mizo National Front (MNF) General Headquarters chuan, Manipur-a din MNF-IM a hriatpui lo. " Mizo Mipuite hriat atan Manipur MNF-IM leh Mizo National Front, General Headquarters, Aizawl, Mizoram hi inzawmna engmah a awmlo tih kan puangzar a ni," an ti.

 He thu hi vawiin khan thuchhuah siamin an tarlang a, "Manipur a Mizo National Front - Integration Movement(MNF-IM) inti ten ni 15.9.2025-a pawl din a, Mizoram nena inzawm emaw, Union Territory a awm emaw beiseia an hmalakna thu ni 16, September 2025-a an puanzar chungchangah MNF General Headquarters chuan engmah hriatpui a nei lova, MNF hming an lo inphuah ve chungchangah pawh inzawmna Pakhat mah kan neilo a ni tih kan puang a ni," an ti.

MNF chuan, "Manipura Zofate inpumkhatna kawnga harsatna an tawh chungchang leh hemi kawnga inpumkhat lehzualna tura hma lak an tumna chungchangah pawh inrawn tawnna leh inbiakpawhna engmah MNF chuan a nei lova, MNF Member zawng zawngte pawhin he pawl Manipur a MNF-IM din chungchangah buaina emaw inkungkaihna emaw, engmah kan neilo a ni tih lo hre turin kan inhriattir a, Mizo Mipuite hriat atan Manipur MNF-IM leh Mizo National Front, General Headquarters, Aizawl, Mizoram hi inzawmna engmah a awmlo tih kan puangzar a ni," anti bawk.

MNF - IM thuchhuah

Mizo National Front

General Headquarters

Aizawl, Mizoram

Press Release

MANIPUR A MNF-IM DIN MNF IN HRIATPUILO

Manipur a Mizo National Front - Integration Movement(MNF-IM) inti ten ni 15.9.2025-a pawl din a, Mizoram nena inzawm emaw, Union Territory a awm emaw beiseia an hmalakna thu ni 16, September 2025-a an puanzar chungchangah MNF General Headquarters chuan engmah hriatpui a nei lova, MNF hming an lo inphuah ve chungchangah pawh inzawmna Pakhat mah kan neilo a ni tih kan puang a ni.

Manipura Zofate inpumkhatna kawnga harsatna an tawh chungchang leh hemi kawnga inpumkhat lehzualna tura hma lak an tumna chungchangah pawh inrawn tawnna leh inbiakpawhna engmah MNF chuan a nei lova, MNF Member zawng zawngte pawhin he pawl Manipur a MNF-IM din chungchangah buaina emaw inkungkaihna emaw, engmah kan neilo a ni tih lo hre turin kan inhriattir a, Mizo Mipuite hriat atan Manipur MNF-IM leh Mizo National Front, General Headquarters, Aizawl, Mizoram hi inzawmna engmah a awmlo tih kan puangzar a ni.

Sd/-

(B. LALHMANGAIHZUALA)

Secretary,

Mizo National Front,

General Headquarters,

Memo No. 335/2025

Dt. 24.09.2025