Hnahthial-ah Ruihhlo Do Debate Competition buatsaih

Hnahthial | Sept 10, 2025: Vawiin chawhma dar 11:00 khan BDO Conference Hall, Hnahthialah Bawrhsap Office leh MZP Headquarters Hnahthial huaihawtin 'Nasha Mukt Bharat Abhyaan, District Level Inter Higher Secondary School Ruihhlo Do Debate Competition' chu buatsaih a ni a. Thupuiah 'Mizorama ruihhlo kan do dan hi a tha tawk' tih hman a ni.

Zirlai naupang sawm leh pakua (19) inelin result hi September ni 12 zanah puan a ni ang. Pakhatna hian lawmmanah thuziak cheimawi leh cheng sang nga (Rs. 5000) a dawng a, pahnihna hian thuziak cheimawi leh cheng sang thum (Rs. 3000) dawngin pathumna in thuziak cheimawi leh cheng sang hnih (Rs. 2000) a dawng ang. Zirlai tel pathum hnenah consolation prize cheng sang khat (Rs. 1000) theuh leh thuziak cheimawi hlan an ni bawk ang.