Tualpui-ah CM hovin lo zawhpui hmang dawn, cheng 200 chawiin chhim theih dawn

Aizawl | September 10, 2025: Tourism Department, Agriculture and Farmers’ Welfare Department leh AssociaƟon of Tour Operators (ATOM) tangkawp chuan Lo Zawh Pui Tek Den Zau, Tualpui khua, Khawzawl District ah a vawikhat na atan buatsaih a tum a, he thu hi thawhtanni Sept 8 khan Tourism Minister Lalnghinglova Hmar hovin a office chamber ah sawihona neih a ni.

Lo Zawh Pui hi Sept 16, 2025 hian hman tur a ni a, inpuahchahna hi ATOM leh Tualpui khawtlangin ngawrh takin an kalpui mek a ni.

Tourism Minister chuan agro tourism chawikan nan lo zawh pui neih turah hian Tualpui khua leh a chhehvel lo neitu ten an thlai thar a tam thei ang ber pho chhuak a, a hlawkna an tel a pawimawh thu a sawi a, loneitute thawhrim zia a chhimtuten an hriaƩhiam theih nan a chhimtute hian hlo thlo ve ngeiin a huhova lo zawhna neih a that tur thu a sawi bawk. Ruai tuihnai tak a kal apiang tan buatsaih a ni ang a, zaithiam te sawm an ni bawk ang.

Tualpui khua hi Chief Minister Lalduhoma pian leh murna khua niin telpui ngei a tum a, Tualpui khua a Lo Zawh Pui hi a duh apiang tan cheng 200 chawiin chhim theih a ni bawk ang. Kar kalta Zirtawpni khan hlawhtling takin Hmuntha khua Hlumpui Zau, Serchhip District ah Lo Zawh Pui hi Tourism Department, Agriculture and Farmers’ Welfare Department leh Association of Tour Operators (ATOM) te buaisaihin hlawhtling taka hman a lo ni tawh a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]