FCAA 2023 hi Central sorkarin a hmansual hma hauhvin, ZPM sorkarin a hmangsual nghal mek a, ram leh hnam a him si loh chuan development hi awmze nei lo a ni - J Sawma

Aizawl | Sept 12, 2025: Vawiin ni12.09.2025(Zirtawpni) hian Mizo National Front chuan Mizo Hnam Runah Chhung Inkhawm neiin, thusawitu MNF GHQ General Secretary & MNF Publicity Board Vice Chairman J Malsawmzuala Vanchhawng chuan, FCAA 2023 in a ken tel, Forest tihin a huam tawh loh turte zingah international border atanga boruak mela km 100 huam chin tih chuan Mizoram pum a huam deuh vek avangte, ram venhimna kaihhnawih thil engpawh sakna tur emaw bunna tur emawah Central sorkarin awlsam taka hma a lak theih dawn avang te, Central sorkarin tul a tihna apiangah paramilitary forces ho camp a dinna tur emaw, vantlang hman tur project engpawh a siam theihna tur kawng zau taka a hawn tak avangtein, FCAA 2023 hmang hian Central sorkar chuan Forest Clearance buaipui ngai tawh lovin, kan ram khawilaiah pawh, ram venhimna kaihhnawihah chuan a duh duh a rawn bunin a rawn sa thei tawh dawn tihna a ni a. Hei bakah hian Central sorkar chuan FCAA 2023 hmang hian leilung leh leihnuai hausakna, rare earth kan tih ang chi hote tiamin, chutiang hai chhuahna lama hma a lak duhnaah te forest clearance ngai lovin hma a la thei dawn ta bawk a. Aug 21, 2025-a Times of India chanchinbu chuan ‘Leilung hausakna, rare earth haichhuak turin Mizoram leh Assam-ah te beihpui thlak chhoh mek a ni a, hmarchhak bialah Dan tesep tam tak a awm avangin, State sorkarte nen indawr tawna beihpui thlak tum a ni’ tih - Union Coal and Mines Minister G Kishan Reddy-a’n a sawi thu a ziak a. Rare earth zawn beihpui thlakna hi chak zawka kalpuina tur OM chu 8th Sept. 2025 khan MoEF&CC chuan a ti chhuak nghal bawk a ni, a ti. 

J Sawma Vanchhawng chuan, FCAA 2023, Section 3C dahluh tharah chiang takin ‘He FCAA 2023 kenkawh leh kalpuina kawngah Central sorkar chuan tha leh tul a tih angin, State sorkar te leh eng pawl pawh, thu a pe thei ang' tih a chuang thar leh bawk tih sawiin, he dan hian central sorkar thuneihna sang tak a pe a, State sorkar remchanna tur thlira siam a ni lo a. Central sorkar thuneihna zau tak pek belhna liau liau a ni, a ti.

Mi thenkhatin FCAA leh sorkar ram lak thin dan Land Acquisition an sawi pawlh thin tih sawiin, Central sorkar hian ram venhimna changchawiin eng pawh rawn bun dawn se, ram neitute hnenah compensation chu an pe em em dawn a, ram venhimna, National Importance tih chang chawiin, an duhna hmun apiang, ramngaw emaw, ramngaw lo emaw, tiamin awlsam tein an rawn acquire thei tawh dawn a. Kan ram hi ramri atanga km 100 huamah a awm deuh vek si avangin kan resource neih chhun, kan ram hi a ti chhe dawn, a ti zim dawn, Pathianin chenna tur Ram min pek chhun hi kan chan zel dawn a, hei hi pawm theih chi a ni lo a ni, a ti.

MNF Publicity Vice Chairman Pu J. Sawma chuan, FCAA 2023 hi mi thahnemngaiten Supreme Court ah Writ Petition No. 1164/2023 hmangin an khinglet mek tih pawh sawiin, kumin March ni 5-a Supreme Court thupek dinglaiah chuan ‘Godavarman Case-a Forest hrilhfiahna dinglai chu la zawm zel tur’ tih anih bakah, rorelna kalpui zel dan tur hriltu tur, thil pawimawh tak, FCA Rules, 2023-a Rule 16 (1) anga ramngaw enfel leh chhinchhiah fel hna chu thla 6 chhunga zofel phawt turin State sorkarte chu a hriattir a ni, a ti a. Supreme Court ah pawh thu inchiah mek, Interim Order dinglai awm a nih mek lai hian, Mipui nawlpui chu sawi loh, kan rama tlawmngai pawl te, a kaihhnawih Environment NGO te nena sawiho lawkna engmah pawh awm lovin, kum hnih liamta maia Dan Sakei tia sawitute ngeiin tuna FCAA 2023 an duh leh tak thut chhan chu Defence sum hmanga hmasawnna sum hnuhluh theih beisei vang liau liau a ni, tih Chief Minister thusawi atangin a lo lang nghal a, Mizorama kawngpui 7 te chu National Importance-a puantir a nih tur thu leh a dangte pawh Defence kuta hlan zel an tum thu Assembly House-ah Chief Minister in a sawi a ni, a ti.

Ram leh hnam himna aiin, sum hmuh theihna tur apiang ZPM sorkar hnuaiah a pawimawh zawk a, FCAA 2023 hmanga min rawn nawr hma hauhvin, keimahni zawkin sum hailuh theihna remchangah ngaiin, huhimna kan neih chhun kan thiat a, he Dan hi central in a rawn hman sual luih hmasak pawh ngai lovin, keimahni zawkin kan hmangsual nghal mek a. ZPM sorkar hnuaiah hian kan ram a him lo tak zet a. Mipui thlim zawng zel, a ruk a ral ang zela rorelna kalpui hi ‘Mipui sorkar’ zia a ni lo a, a democratic lo tak zet a ni, a ti bawk. 

Mahni kutthlakna ngei, mahni hmalakna ngeiah pawh midang puhtel tur dap ngar ngar mai chu thil zahthlak tak a ni, tih Pu J Sawma Vanchhawng chuan sawiin, mahni thiltih leh kutthlaknaah chuan mawhphurhna (Responsibility) lak ngam hi sorkar pangngai zia a ni. Opposition ten 'remti lo pawh an ti lo' tih mai maite sawi sawi hi a zahthlak  a, 'Remti' pawh an tihpui chuang hek lo a. Sorkar ve riang ruang, mahni hmalakna ngeiah pawh midang puh tel tur dap zel mai Zoram mipuiten kan hrawn mek hi a vanduaithlak a ni, a ti.

J Sawma Vanchhawng chuan, Mizoramah Mihring kan la tlem a, thiamna lamah te, sumdawnna lamah te, kawng tinrengah kan la chak tawk lo em em a, keini aia tam zawk, chak zawk, thil ti thei zawkten min hual khup a, Mizoram lo ram dang kan neih loh avangin kan ram leh kan hnam himna ti derthawng theiah kan fimkhur hle a la ngai tih a sawi a. Vanduaithlak takin FCAA 2023 hmangin ZPM sorkar hian tunah hian Central sorkar tan remchanna kawng zau tak a hawn sak ta a. Development sum beiseina avang chauhin Mizoram sorkar zawkin a hmang sual nghal ta mek a ni, a ti a. FCAA 2023 hman hma pawhin development tam tak Mizoramin a lo nei tawh a. Railways pawhin Forest Clearance dan dinglai zawmin heti chena thui lei te verhin rel kawng an siam zo vek a, NHIDCL kawngpui laih te, Tripura leh Mizoram inkar gas pipeline te leh Development dang tam tak sorkar hmasaten an lo thawk tawh a ni a ti a. Kan ram neih chhun venghim chung siin, Development hi a kal thei a, tam tak a kal tawh a, a kal mek bawk. Enganga development nasa pawh nei thut ila, ram a him loh a, a chhunga cheng te kan him si loh chuan chu Development chu awmze nei lo a ni, a ti.

Kan pi leh pute atangin kan ram kan humhalh tha em em thin tih Pu J Sawma Vanchhawng hian a sawi a. Kan ram chin rawn nektute beiletin kan pi leh puten Vai an run a, Lalnu Ropuiliani te, Khuanghera ten kan ram an humalh vangin nunna an chan a. 1960 chhovah Mizo Hnam Movement lo thlengin, hnam pasaltha tam takin nunna hlu tak leh an thatlai hunte ram humhalh vangin an hlan a, 2021 July 26-a Assam Police tam tak kan kah hlum chhan pawh kan ram humhalh vang a ni a. Vawiin thlenga mizo hlang deuh thawin kan ram neih chhun, Zoram kan la luah theih chhan chu huaisen taka kan ram kan humhalh thin vang a ni a. ZPM sorkar hnuaiah chuan humhalh a hnekin, sum hmuh theihna ni dawna an hriatah chuan, ram leh hnam himna an ti derthawng ta zel zawk a. Zoram hian ram leh hnam himna dah pawimawhtu, Ram neitu thinlungpu sorkar a mamawh a ni a ti.

Mizo Hnam Run Chhung Inkhawm hi Pu Lalchamliana, Ex-Minister & NCC, MNF GHQ chuan a kaihruai a, MNF Adviser K Remthangi'n hunserh a hmang a ni.

Mizo National Front

General Headquarters

Mizoram : Aizawl

Press Release

FCAA 2023 hi Central sorkarin a hmansual hma hauhvin, ZPM sorkarin a a hmangsual nghal mek a, ram leh hnam a him si loh chuan development hi awmze nei lo a ni.

- J. Malsawmzuala Vanchhawng, 

General Secretary, MNF GHQ

&

Vice Chairman, MNF Publicity Board.

Vawiin ni12.09.2025(Zirtawpni) hian Mizo National Front chuan Mizo Hnam Runah Chhung Inkhawm neiin, thusawitu Pu J. Malsawmzuala Vanchhawng, General Secretary, MNF GHQ & Vice Chairman, MNF Publicity Board chuan, FCAA 2023 in a ken tel, Forest tihin a huam tawh loh turte zingah international border atanga boruak mela km 100 huam chin tih chuan Mizoram pum a huam deuh vek avangte, ram venhimna kaihhnawih thil engpawh sakna tur emaw bunna tur emawah Central sorkarin awlsam taka hma a lak theih dawn avang te, Central sorkarin tul a tihna apiangah paramilitary forces ho camp a dinna tur emaw, vantlang hman tur project engpawh a siam theihna tur kawng zau taka a hawn tak avangtein, FCAA 2023 hmang hian Central sorkar chuan Forest Clearance buaipui ngai tawh lovin, kan ram khawilaiah pawh, ram venhimna kaihhnawihah chuan a duh duh a rawn bunin a rawn sa thei tawh dawn tihna a ni a. Hei bakah hian Central sorkar chuan FCAA 2023 hmang hian leilung leh leihnuai hausakna, rare earth kan tih ang chi hote tiamin, chutiang hai chhuahna lama hma a lak duhnaah te forest clearance ngai lovin hma a la thei dawn ta bawk a. Aug 21, 2025-a Times of India chanchinbu chuan ‘Leilung hausakna, rare earth haichhuak turin Mizoram leh Assam-ah te beihpui thlak chhoh mek a ni a, hmarchhak bialah Dan tesep tam tak a awm avangin, State sorkarte nen indawr tawna beihpui thlak tum a ni’ tih - Union Coal and Mines Minister G Kishan Reddy-a’n a sawi thu a ziak a. Rare earth zawn beihpui thlakna hi chak zawka kalpuina tur OM chu 8th Sept. 2025 khan MoEF&CC chuan a ti chhuak nghal bawk a ni, a ti. 

Pu J Sawma Vanchhawng chuan, FCAA 2023, Section 3C dahluh tharah chiang takin ‘He FCAA 2023 kenkawh leh kalpuina kawngah Central sorkar chuan tha leh tul a tih angin, State sorkar te leh eng pawl pawh, thu a pe thei ang' tih a chuang thar leh bawk tih sawiin, he dan hian central sorkar thuneihna sang tak a pe a, State sorkar remchanna tur thlira siam a ni lo a. Central sorkar thuneihna zau tak pek belhna liau liau a ni, a ti.

Mi thenkhatin FCAA leh sorkar ram lak thin dan Land Acquisition an sawi pawlh thin tih sawiin, Central sorkar hian ram venhimna changchawiin eng pawh rawn bun dawn se, ram neitute hnenah compensation chu an pe em em dawn a, ram venhimna, National Importance tih chang chawiin, an duhna hmun apiang, ramngaw emaw, ramngaw lo emaw, tiamin awlsam tein an rawn acquire thei tawh dawn a. Kan ram hi ramri atanga km 100 huamah a awm deuh vek si avangin kan resource neih chhun, kan ram hi a ti chhe dawn, a ti zim dawn, Pathianin chenna tur Ram min pek chhun hi kan chan zel dawn a, hei hi pawm theih chi a ni lo a ni, a ti.

MNF Publicity Vice Chairman Pu J. Sawma chuan, FCAA 2023 hi mi thahnemngaiten Supreme Court ah Writ Petition No. 1164/2023 hmangin an khinglet mek tih pawh sawiin, kumin March ni 5-a Supreme Court thupek dinglaiah chuan ‘Godavarman Case-a Forest hrilhfiahna dinglai chu la zawm zel tur’ tih anih bakah, rorelna kalpui zel dan tur hriltu tur, thil pawimawh tak, FCA Rules, 2023-a Rule 16 (1) anga ramngaw enfel leh chhinchhiah fel hna chu thla 6 chhunga zofel phawt turin State sorkarte chu a hriattir a ni, a ti a. Supreme Court ah pawh thu inchiah mek, Interim Order dinglai awm a nih mek lai hian, Mipui nawlpui chu sawi loh, kan rama tlawmngai pawl te, a kaihhnawih Environment NGO te nena sawiho lawkna engmah pawh awm lovin, kum hnih liamta maia Dan Sakei tia sawitute ngeiin tuna FCAA 2023 an duh leh tak thut chhan chu Defence sum hmanga hmasawnna sum hnuhluh theih beisei vang liau liau a ni, tih Chief Minister thusawi atangin a lo lang nghal a, Mizorama kawngpui 7 te chu National Importance-a puantir a nih tur thu leh a dangte pawh Defence kuta hlan zel an tum thu Assembly House-ah Chief Minister in a sawi a ni, a ti.

Ram leh hnam himna aiin, sum hmuh theihna tur apiang ZPM sorkar hnuaiah a pawimawh zawk a, FCAA 2023 hmanga min rawn nawr hma hauhvin, keimahni zawkin sum hailuh theihna remchangah ngaiin, huhimna kan neih chhun kan thiat a, he Dan hi central in a rawn hman sual luih hmasak pawh ngai lovin, keimahni zawkin kan hmangsual nghal mek a. ZPM sorkar hnuaiah hian kan ram a him lo tak zet a. Mipui thlim zawng zel, a ruk a ral ang zela rorelna kalpui hi ‘Mipui sorkar’ zia a ni lo a, a democratic lo tak zet a ni, a ti bawk. 

Mahni kutthlakna ngei, mahni hmalakna ngeiah pawh midang puhtel tur dap ngar ngar mai chu thil zahthlak tak a ni, tih Pu J Sawma Vanchhawng chuan sawiin, mahni thiltih leh kutthlaknaah chuan mawhphurhna (Responsibility) lak ngam hi sorkar pangngai zia a ni. Opposition ten 'remti lo pawh an ti lo' tih mai maite sawi sawi hi a zahthlak  a, 'Remti' pawh an tihpui chuang hek lo a. Sorkar ve riang ruang, mahni hmalakna ngeiah pawh midang puh tel tur dap zel mai Zoram mipuiten kan hrawn mek hi a vanduaithlak a ni, a ti.

Pu J Sawma Vanchhawng chuan, Mizoramah Mihring kan la tlem a, thiamna lamah te, sumdawnna lamah te, kawng tinrengah kan la chak tawk lo em em a, keini aia tam zawk, chak zawk, thil ti thei zawkten min hual khup a, Mizoram lo ram dang kan neih loh avangin kan ram leh kan hnam himna ti derthawng theiah kan fimkhur hle a la ngai tih a sawi a. Vanduaithlak takin FCAA 2023 hmangin ZPM sorkar hian tunah hian Central sorkar tan remchanna kawng zau tak a hawn sak ta a. Development sum beiseina avang chauhin Mizoram sorkar zawkin a hmang sual nghal ta mek a ni, a ti a. FCAA 2023 hman hma pawhin development tam tak Mizoramin a lo nei tawh a. Railways pawhin Forest Clearance dan dinglai zawmin heti chena thui lei te verhin rel kawng an siam zo vek a, NHIDCL kawngpui laih te, Tripura leh Mizoram inkar gas pipeline te leh Development dang tam tak sorkar hmasaten an lo thawk tawh a ni a ti a. Kan ram neih chhun venghim chung siin, Development hi a kal thei a, tam tak a kal tawh a, a kal mek bawk. Enganga development nasa pawh nei thut ila, ram a him loh a, a chhunga cheng te kan him si loh chuan chu Development chu awmze nei lo a ni, a ti.

Kan pi leh pute atangin kan ram kan humhalh tha em em thin tih Pu J Sawma Vanchhawng hian a sawi a. Kan ram chin rawn nektute beiletin kan pi leh puten Vai an run a, Lalnu Ropuiliani te, Khuanghera ten kan ram an humalh vangin nunna an chan a. 1960 chhovah Mizo Hnam Movement lo thlengin, hnam pasaltha tam takin nunna hlu tak leh an thatlai hunte ram humhalh vangin an hlan a, 2021 July 26-a Assam Police tam tak kan kah hlum chhan pawh kan ram humhalh vang a ni a. Vawiin thlenga mizo hlang deuh thawin kan ram neih chhun, Zoram kan la luah theih chhan chu huaisen taka kan ram kan humhalh thin vang a ni a. ZPM sorkar hnuaiah chuan humhalh a hnekin, sum hmuh theihna ni dawna an hriatah chuan, ram leh hnam himna an ti derthawng ta zel zawk a. Zoram hian ram leh hnam himna dah pawimawhtu, Ram neitu thinlungpu sorkar a mamawh a ni a ti.

Mizo Hnam Run Chhung Inkhawm hi Pu Lalchamliana, Ex-Minister & NCC, MNF GHQ chuan a kaihruai a, Pi K.Remthangi, Adviser, MNF chuan hunserh a hmang a ni.

Sd/-

(LALLIANZUALA FANAI)

Jt. Secretary,

Mizo National Front,

General Headquarters,

Memo No. 322/2025

Dt. 12.09.2025