Mizoram 6 Red Snooker Championship 2025 - 2026 leh Sneaker Plug Novice 9 Ball Pool Championship 2025 buatsaih

Aizawl | Sept 12, 2025: Mizoram Snooker & Billiards Association (MSBA) buatsaih Mizoram 6 Red Snooker Championship 2025 - 2026 chu thawhtanni atang khan tan a ni a, nizan khan Quarters final khelh niin, zanin hian Semi final khelh a ni ang a, naktuk tlai-ah final khelh a ni ang.

Nizan Quarter Finals match-ah hian 6:30-ah Mizoram rank no 2 Lalsangzela leh no. 10 Lalzawngkima te an inhmachhawn a, Zka hian frame 3; 43 - 32, 44 - 43, 29 - 21-a a zawna lain hma a hruai a, Frame 4-naah Zela a rawn tho chhuak a, a zawnin frame 2 a rawn la a, 49 - 25, 41- 4, Zka rawn che ve lehin, 33 - 26 in rawn fram khat rawn la leh mahse, Zela'n No. 2 a nihna a phochhuak a, 34 - 17, 57 - 6, leh 33 - 17 in frame thum a zawnin a rawn la leh a, 5 - 4 in zela hi a chak ta a a ni.

K Lallawmkima (6) leh Zonuntluanga (3) inhmachhawn pawh a hmuhnawm hle a, Zonuntluanga'n 5 - 3 in hnehna a chang a, semi final a lut a ni.

Lalrina Renthlei (1) leh Lalbiaksanga (9) inkhel -ah Lalrina'n 5 - 0 a chakin Semi final a lut a. Samson Lalnuntluanga (5) leh PB Liansangzuala (4) te inkhel lehin, 5 - 2 in PB Liansangzuala a chak a ni.

Mizoram State Sports Council (MSSC) sponsor Mizoram 6 Red Snooker Championship 2025 - 2026 ah hian player 39 an tel a, MSBA Hall, Hawla Indoor Stadium, Republic Vengthlangah khelh niin, Quarter final hma zawng hi race to 4 a khelh niin, Quarter final leh semi final hi race to 5 a khelh tur a ni.
Zanin semi final-ah hian, 6:30 PM-ah Lalrina Renthlei (1) vs PB Liansangzuala (4) an intum ang a, 8:00 PM-ah Lalsangzela (2) vs Zonuntluanga (3) an inkhel ang.

Mizoram Snooker & Billiards Association (MSBA) buatsaihin vawiin khan Sneaker Plug Novice Mizoram 9 Ball Pool Championship 2025 chu MSBA Hall, Hawla Indoor Stadium, Republic Vengthlang-ah khelh a ni.

Sneaker Plug Novice Mizoram 9 Ball Pool Championship 2025 ah hian player 65 an tel a, knockout a khelh niin, he thu buatsaih lai hian round of 16 an la khel lova, championship hi naktuka zawh tura ruahman a ni.

Quarter Final point:
1. Lalsangzela 5 vs 4 Lalzawngkima: 32 - 43, 43 - 44, 21 - 29, 49 - 25, 41 - 4, 26 - 33, 34 - 17, 57 - 6, 33 - 17.
2. Zonuntluanga 5 vs 3 K Lallawmkima: 1 - 38, 45 - 18, 1 - 32, 18 - 29, 36 - 16, 29 - 27, 46 - 32, 42 - 24,
3. Lalrina Renthlei 5 vs 0 Lalbiaksanga: 39 - 18, 39 - 18, 35 - 29, 53 - 12, 51 - 5.
4. PB Liansangzuala 5 vs 2 Samson Lalnuntluanga: 28 - 18, 38 - 30, 32 - 33, 46 - 10, 26 - 38, 33 - 25, 48 - 0,

Semi Final Fixture:
6:30 PM: Lalrina Renthlei (1) vs PB Liansangzuala (4)
8:00 PM: Lalsangzela (2) vs Zonuntluanga (3)