Election neih a nih tur thu leh a hun puan a nih hma Pu Lalrintluanga Sailo boral sarhu laia ZPM leh MNF Candidate an puang hi thil mak leh chhiat tawk chhungte leh bial mipui tawrhpuina aiin palzutna a ni

Aizawl | Sept 5, 2025: Vawiin ni 5.8.2025 (Zirtawpni) hian Mizoram Pradesh Congress Committee President Lal Thanzara'n Aizawl West-I Block-I a tlawh a, MNF Party atangin mi 9 Congress Party ah a lawmlut.

MPCC President Lal Thanzara chuan, Dampa bialtu Pu Lalrintluanga Sailo hun lo taka a boral avangin inthlan that a ngai a. Mahse Election neih a nih tur thu leh a hun puan a nih hma Pu Lalrintluanga Sailo boral sarhu laia ZPM leh MNF Candidate an puang hi thil mak leh chhiat tawk chhungte leh bial mipui tawrhpuina aiin palzutna a ni, a ti.

Dampa bialah Congress party-ah beiseina mipuiin an nei nasa a. Dampa bialah Congress party in hnehna kan chang a nih chuan kum 2028 MLA inthlan atan Campaign a chanve kan zo tluk tihna a ni a. Nakum Aizawl Municipal Corporation inthlan hun atan kan inpeih tawh bakah kum 2028 inthlanpui neih tur atan Final khel turin kan in pet kai mek tawh a ni. Chumi tichiangtu chu Congress Party in programme kan hman apiangin mithar lawmluh tur kan nei zel hian a tichiang a ni, a ti.

Kan party mi tam takin sorkarna kan chan zawh loh avangin hrehawm an ti. Mahse enchhin sorkar, ZPM sorkar hian Congress Party Mizoram tan a lo that zia leh Mizoramin kan mamawh zia a rawn tifiah a, Congress party a sorkar lehna tur kawng pawh he ZPM sorkar hian a rawn hawng leh mek a ni, a ti.

Pu Lal Thanzara chuan, Aizawl West-I huam chhungah Local Counci mumal taka hmalakna nei hlei thei lo khawpin ZPM party in boruak an siam chu a thlangtu mipui zah lohna leh ram tana thil tha an duh loh zia tichiangtu a ni. ZPM chu tel ve na an neih miah lohna hmunah pawh tel ve anga in sawi thin enchhin sorkar ZPM tluka Mizorama rorelna chelh tawh Party zingah term chanve pawh an hman hmaa mipui nin hlawh hi an la awm lo.

Sum leh paiah an harsa em em a. ZPM sorkar hian ram mipui himna leh Pathian aiin Development an dah hmasak avangin a duh te chawikanga a duh loh te paih thla thintu chunglam malsawmna hi an dawn a rinawm lo. Sum hmuhna a nih beiseiin Mizoram mipui pawmpui miah loh FCAA an pass a, kum 2023-a dan sakei titu MLA khan Chief Minister a nih hnuah, FCAA hi dan sakei lo tih leh si hi a dan hriat loh thlak, tiin a sawi leh a. Chief Minister hian Pu Lalduhoma hi a khak nasa mah mah a ni. Kan Chief Minister hi nitin a ni lo lamah a u-turn thut thut a, a zui duh tan pawh zui tak tak hman a ni lo, a ti a.

Heng Mizoram harsatna zawng zawng sukiang tur leh rinawm taka Mizoram hmun hrang hranga kuthnathawktuten hmathar an lak leh thuai theihna turin Congress Party hi kan in peih tawh a, phur taka thawh hi kan tihtur chu a ni, a ti bawk.

Aizawl West-I Block-I tlawh chhuah programme ah hian hetiang hian Resolution pass a ni bawk.

1. Aizawl West-I Block I huamchhunga Congress Party mi leh sate hian Pu Lal Thanzara, President MPCC kaihhruaina hi kan ring tawk a, ram leh hnam hmasawnna tura rawng a bawlnaah kan thlawp tlat dawn a ni.

2. Congress Party hi Mizoram leh hnam tana hmasawnna rotling thlen nasa bertu anih hi kan chiang a, Congress party a sawrkar leh ngei theihnan kan bei zel dawn a ni.

3. BJP Sawrkar hnuaia sakhaw zalenna nekchep a ni hi pawi kan ti a, Sakhaw zalenna chawisanga hum tlattu Congress Party hi kan chawisang zel dawn a ni.

4. Aizawl West-I bial hmasawnna thlen turin Congress MLA kan neih ve tawh ngeina turin Pathian leh mipui support-na nen theihtawp kan chhuah dawn a ni.

He hunah hian MPCC President Pu Lal Thanzara hi MPCC Headquarters atangin Pu Benjamin Thansanga GS, Dr. Lallianchhunga, GS, Pu Albert Lalthlamuana Secretary, Pu L.C Tluanga, Executive Member ten an tawiawm a ni.

MPCC/Media/PR-2025/81

Dated: Aizawl the September 5, 2025

PRESS RELEASE

Vawiin ni 5.8.2025 (Zirtawpni) hian Mizoram Pradesh Congress Committee President Pu Lal Thanzara'n Aizawl West-I Block-I a tlawh a, MNF Party atangin mi 9 Congress Party ah a lawmlut.

MPCC President Pu Lal Thanzara chuan, Dampa bialtu Pu Lalrintluanga Sailo hun lo taka a boral avangin inthlan that a ngai a. Mahse Election neih a nih tur thu leh a hun puan a nih hma Pu Lalrintluanga Sailo boral sarhu laia ZPM leh MNF Candidate an puang hi thil mak leh chhiat tawk chhungte leh bial mipui tawrhpuina aiin palzutna a ni, a ti.

Aizawl West-I Block-I tlawh chhuah programme ah hian hetiang hian Resolution pass a ni bawk.

2. Congress Party hi Mizoram leh hnam tana hmasawnna rotling thlen nasa bertu anih hi kan chiang a, Congress party a sawrkar leh ngei theihnan kan bei zel dawn a ni.

3. BJP Sawrkar hnuaia sakhaw zalenna nekchep a ni hi pawi kan ti a, Sakhaw zalenna chawisanga hum tlattu Congress Party hi kan chawisang zel dawn a ni.

4. Aizawl West-I bial hmasawnna thlen turin Congress MLA kan neih ve tawh ngeina turin Pathian leh mipui support-na nen theihtawp kan chhuah dawn a ni.

Sd/-

LALTLANKIMA

Media Department

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]