AMCECC-in sorkar laka an nawrh titawp lailawk; show cause notice sut an phut!

Aizawl | Sept 19, 2025: All Mizoram CSS Employees Coordination Committee (AMCECC) chuan sorkar hmalakna ngaichang chung zelin, lungawi lohna chawlh lailawk an rel a, amhse, Sorkar-in an laka show cause notice a chhuah tawh chu sut an phut!

AMCECC Logo

Tun dinhmunah chuan CSS Employees thlawptu mipuite tawrhna a nasat tawh em avangin sorkara lungawilohna an lantir mek hi chawh lai lawk phawt nise an ti a, Vawiinni 19.9.2025, dar4:00pm atangin AMCECC Gen. Hgrs. Extended Meeting chuan sorkar hmalakna ngaichang zel chungin nawrh an titawp, an duh anga sorkarin hma a la lo a nih chuan an kalzel dan tur la rel that leh an tum a ni.

Vawina AMCECC extended meeting-ah tukinah DP&AR Minister K Sapdanga a chenna inah AMCECC hruaitute'n an kawm thu tarlan niin Sorkar laka lungawi lohna an lantir chungchang leh kan thil ngiat mekte chipchiar takin an sawiho a. Minister zahawm tak hian Government of Mizoram Regularisation of CSS Employee Scheme, 2024 chungchang leh OM Check List te thla khat chhunga siamthatsak a tiam a, an duh dante sawiho zel a rem ti, niin AMCECC lam hian an sawi.

AMCECC chuan, DP&AR Minister ngenna chu zahawm an tiin sorkar hmalakna ngaihchan tha an ti a. mahse, Sorkarin show cause notice a chhuah tawh hi cancel nghal vek tur leh, CSS employee-te laka hremna lek a tum mek hi sut nghal turin sorkar an phut thung a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]