AMCECC-in nawrh la titawp lo; naktuk chhunah thukhawm dawn!

Aizawl | Sept 18, 2025: All Mizoram CSS Employee Coordination Committee (AMCECC)-in nawrh la titawp lo, an kal zel an tur relin naktuk chhunah an thukhawm dawn!

AMCECC chuan zanin khan thuchhuah siamin, "Kan hriat angin vawiin khan ZPM Coordination Committee chuan kan chungchangah thuchhuah an rawn nei ta a. Sorkar laka lungawilohna kan lantir chungchangah theihtawpa min ngaihventu leh palai hnathawktute zawng zawng chungah AMCECC Gen Hqrs chuan lawmthu a sawi mawlh mawlh a ni. Tun dinhmunah kan strike hi call off a la nilo," an ti.

Naktuk zing dar 7:30 hian DP&AR Minister K Sapdanga hoin AMCECC hruaituten an thu kal mek chungchang an sawiho leh dawn a. Tin, Naktuk chhun dar 12:00 hian Cultural Centre, Vaivakawn AMCECC Extended Committee pawimawh tak an ko nghal a, an kal zel dan turah hruaitute thu ngaichang zel turin an inngen bawk a ni.

AMCECC INFORMATION

18.9.2025

Kan hriat angin vawiin khan ZPM Coordination Committee chuan kan chungchangah thuchhuah an rawn nei ta a. Sorkar laka lungawilohna kan lantir chungchangah theihtawpa min ngaihventu leh palai hnathawktute zawng zawng chungah AMCECC Gen Hqrs chuan lawmthu a sawi mawlh mawlh a ni. Tun dinhmunah kan strike hi call off a la nilo.

Naktuk zing dar 7:30am hian DP&AR Minister zahawm tak, Pu K Sapdanga ho in OB ten kan thu kal mek chungchang an sawiho leh dawn a. Memberten kan kal zel dan tur kan ngaichang zel dawn nia.

Naktuk dar 12:00pm hian AMCECC Extended Committee pawimawh tak koh nghal a ni bawk. He meetingah hian AMCECC hnuaia Affiliated Association OB & Executive member zawng zawng leh, AMCECC Sub Hqtrs OB leh Executive te kim taka hriattir kan ni a. Extended Meeting neihna hmun tur hi Cultural Centre, Vaivakawn a ni ang.

AMCECC Gen Hqrs

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]