Zotlang-in an veng tlangval thlavang hauh; Bawngkawnin silaia mi kaptu leh a chhungte zanin zanlai ral hmaa an veng chhuah turin an ti!

Aizawl | August 30, 2025: Nizana Bawngkaw lunlaia inkahna thlengah, YMA Bawngkawn Branch chuan vawiin khan thuchhuah siamin, Rochhingpuia te chhungkua hian August ni 30, 2025 zanlai dar 12:00 ral hmain Bawngkawn veng chhung chhuahsan nghal turin a hriattir a, hun tiam chhunga Bawngkawn veng an chhuahsan lo a nih chuan an chungah eng pawh thleng se an duhthlanna a ni ang. Tin, chhiatni fund leh membership fee pawh pek let nghal an ni," an ti.

Bawngkawn YMA chuan, "August ni 29, 2025 zana Bawngkawn veng chhunga Rochhingpuia (44) S/o Haitinsanga, Bawngkawn Shalom vengin Lalhriatrenga Siakeng (21) S/o Lalrawngbawla, Zotlang (Aizawl) Pistol-a a kah chungchangah hian Bawngkawn Branch YMA chuan pawi a tiin a thinrimthlak kan ti hle a, hetiang thil hi tun hnuah thleng tawh lo se kan ti takzet a ni," an ti a.

"He pawi khawihtu Rochhingpuia hian a phu tawk hremna a na thei ang ber hmu ngei se kan ti a, pawi khawitu chhungte hian Lalhriatrenga Siakeng inenkawlna senso zawng zawng pawh hi tum sak vek bawk se kan ti," an ti bawk.

Bawngkawn Branch YMA chuan Lalhriatrenga Siakeng vanduaina tawh hi a pawi an tih thu sawiin, dam taka damdawi in a chhuah san vat an duhsak bakah a kanna pawisa fai pawh an pe a ni.

Hetihlai hian, Zotlang Local Council leh YMA chuan thuchhuah siamin, "He pawi khawihna thleng hi keini, Zotlang Branch YMA leh Local Council te chuan pawi kan tiin kan dem tak zet a, pawi khawihtu hian a phu tawk hremna hmu ngei se kan duh a, hremna a hmuh ngei theih nan a tuartu, Pu Lalrawngbawla Siakeng te chhungkua hi kan thlawp tlat dawn a ni, an ti a.

"Kan veng tlangval, Lalhriatrenga (21) s/o Lalrawngbawla Siakeng chu August ni 29, zan dar 9 bawr vel khan Rochhingpuia (44) S/o Haitinsanga, Bawngkawn Shalom venga khawsa chuan pistol-in na takin a kap a, tunah hian dinhmun ngaihtuahawm takin, Greenwood Hospital (ICU)-ah a awm mek. " tiin an tarlang a.

"He pawi khawihtu hi ruihhlo (Meth) zawrh avanga a awmna hmasa atanga hnawh chhuah pawh lo tawk tawh a ni a, hetianga ram leh khawtlang duh loh thila inhnamhnawih-ten khawpui laili-a pawi rapthlak tak an khawih ngam ta mai hi pawi kan ti tak zet a ni," an ti bawk.

BAWNGKAWN BRANCH YMA THUCHHUAK

August ni 29, 2025 zana Bawngkawn veng chhunga Rochhingpuia (44) S/o Haitinsanga, Bawngkawn Shalom vengin Lalhriatrenga Siakeng (21) S/o Lalrawngbawla, Zotlang (Aizawl) Pistol-a a kah chungchangah hian Bawngkawn Branch YMA chuan pawi a tiin a thinrimthlak kan ti hle a, hetiang thil hi tun hnuah thleng tawh lo se kan ti takzet a ni.

Rochhingpuia te chhungkua hian August ni 30, 2025 zanlai dar 12:00 ral hmain Bawngkawn veng chhung chhuahsan nghal turin a hriattir a, hun tiam chhunga Bawngkawn veng an chhuahsan lo a nih chuan an chungah eng pawh thleng se an duhthlanna a ni ang. Tin, chhiatni fund leh membership fee pawh pek let nghal an ni.

He pawi khawihtu Rochhingpuia hian a phu tawk hremna a na thei ang ber hmu ngei se kan ti a, pawi khawitu chhungte hian Lalhriatrenga Siakeng inenkawlna senso zawng zawng pawh hi tum sak vek bawk se kan ti.

Bawngkawn Branch YMA chuan Lalhriatrenga Siakeng vanduaina tawh hi a pawi kan ti takzet a, dam taka damdawi in a chhuah san vat kan duhsak a, a kanna pawisa fai pawh pek a ni.

( K.LALRINAWMA ) President

( R. LALCHHUANSANGA ) Secretary

JOINT STATEMENT

Kan veng tlangval, Lalhriatrenga (21) s/o Lalrawngbawla Siakeng chu August ni 29, zan dar 9 bawr vel khan Rochhingpuia (44) S/o Haitinsanga, Bawngkawn Shalom venga khawsa chuan pistol-in na takin a kap a, tunah hian dinhmun ngaihtuahawm takin, Greenwood Hospital (ICU)-ah a awm mek.

He pawi khawihtu hi ruihhlo (Meth) zawrh avanga a awmna hmasa atanga hnawh chhuah pawh lo tawk tawh a ni a, hetianga ram leh khawtlang duh loh thila inhnamhnawih-ten khawpui laili-a pawi rapthlak tak an khawih ngam ta mai hi pawi kan ti tak zet a ni.

He pawi khawihna thleng hi keini, Zotlang Branch YMA leh Local Council te chuan pawi kan tiin kan dem tak zet a, pawi khawihtu hian a phu tawk hremna hmu ngei se kan duh a, hremna a hmuh ngei theih nan a tuartu, Pu Lalrawngbawla Siakeng te chhungkua hi kan thlawp tlat dawn a ni.

D Lalthuama

Chairman,

Zotlang Local Council

Dr Lalthansanga C

President,

YMA, Zotlang Branch