HSA Tuiṭhaphai hmalakna hnuoiah Cyber Crime chungchang inhrilhrietna buotsai

Aizawl | August 30, 2025: Hmar Students' Association (HSA) Joint Headquarters, Tuiṭhaphai buotsaiin zani chawhnung dar 1:00 khan, North Eastern Childrens Academy (NECA), Rengkaiah One Day Legal Awareness Programme on Cyber Crime hmang a nih.

Programme hi HSA Joint Headquarters, Tuiṭhaphai Secretary i/c Games & Sports Ramfanglien Joute in keiṭhuoia, lawmlutna thucha le hun hawng tawngṭaina hun North Eastern Children's Academy Headmistress Rody Changsan in a hmang a, HSA Joint Headquarters, Tuiṭhaphai President Jeffrey Saihmang-in thilpek a'n hlan a, inhmelhriettirna hun hmang bawk.

Resource Person Emmanuel L Fimate, MPS in "Cyber Crime" ti thupui hmangin inchuklai fekhâwm le HSA ṭhuoitu fekhawm hai hrilhrietna hun a hmang a. Resource Person a'nthawk "Cyber Crime " ti thupui hmanga inhrilhrietna hun a hmang a ni zoin HSA Joint Headquarters, Tuiṭhaphai Vice President Buonglienṭhuom-in lawmthu hrilna le hun khar ṭawngṭaina hun a hmanga hun suktawp a nih.

Hi huna hin inchuklai mi za le sawmthum (130) le inchuktirtu iemani zat an ṭhang a nih. Hun remchang umnawk huna HSA Tuiṭhaphai JHQ chun Legal Awareness Programme hi HSA functional area sungah Inchukna In dang dang haia a la buotsai pei a tum a nih.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]