Manipal Hospital-in Mizoram dam lote tan Neurosurgery leh Robotic Cancer Care an chhawp chhuak

Aizawl | August 29, 2025: India rama damlo enkawltu lar ber pawl leh mipui hnena hriselna tha zawk pe tu Unit pakhat, Manipal Hospital EM Bypass, Kolkata chuan chanchinbu mite an kawmna ah an hmachhawp hrang hrang leh hlawhtlinna bakah mipui tana hamthatna hrang hrang an tarlang a, hetah hian doctor ten an tawnhriat hrang hrang sawiin Aizawl bakah Mizoram hmun hrang hranga damlo an enkawl tawh chanchin an sawi a ni. He hunah hian Dr. Harsh Jain, Senior Consultant – Neurosurgery, Manipal Hospital EM Bypass leh Dr. Abhay Kumar, HOD – Urology, Surgical Oncology & Robotic Surgery, Manipal Hospital EM Bypass te chuan thu sawiin tunlai thiamna damdawi lam thiamna thlunzawmna chuan he biala damlote tana dam theihna tur leh in enkawlna tha zawk an neih theih nan a pui a ni.

He huna thu sawitu Dr. Harsh Jain chuan, “Manipal Hospital EM Bypass chu comprehensive neurological leh surgical excellence lama thiamna neia hriat hlawh tak a ni a ti a, doctor an nih angin an tum ber chu enkawlna thar ber ber pek leh damloten hlawkna an chan theih nan leh an enkawlna atanga damna an chan theih nana tanpui hi a ni. Intraoperative neuromonitoring, neuronavigation, leh microsurgical techniques hmang hian tunah chuan thluak surgeries harsa tak tak chu an ti ve thei tawh a ti a. Precision technology leh surgical skills hmang hian neurosurgery chu hmasawn zawnga her danglamin tunlaia Mizoram atanga kan zinga damlo kan neihte hi Manipal’s neurosurgical mithiamte hian khawvela a tha ber berte nen a inang tlangin a tha thei ang ber an pe chhuak thei a ni.

A case zingah hian Dr. Jain chuan kum 37 mi Saithangpuia Sailo chanchin sawiin a thluaka tumor lian tak tak, acoustic neuroma tia hriat a ni tih hmuhchhuah a ni. Hetiang surgery-a harsatna lian ber chu nerve hnathawh ti chhe lo tura hlawhtling taka zai a ni. Microsurgical technique hmasawn tak tak leh intraoperative neuromonitoring hmangin team hian hlawhtling takin tumor hi an la chhuak a, chutih rualin nerve function an humhim bawk a, damlo chuan damna a chan phah a ni.

Heng bakah hian kum 48 mi T. Lalremmawii chu a thluaka natna tha lo lian tak a vei a ni. Neuronavigation-guided craniotomy leh advanced microsurgical procedure hmangin tumor hi a chhehvel thluak pangngai tichhe lovin hlawhtling takin lakchhuah a ni. Damlo hian damna a chan bakah radiation leh chemotherapy pek belh a nih chuan nunphung tha zawk a neih beisei a ni.

Brain tumor chauh ni lovin, Dr. Jain chuan kum 31 mi, Lalmuanpuia, Manipal EM Bypass-a lo kal, spinal tumor lian tak tak neiin a taksa peng 4-ah chak lohna nasa tak a thlen a, a tawpah chuan a kut ke a zen phah vek a ni. Dr. Harsh Jain hian lumbar laminectomy leh spinal tumor excision a ti a. Hmalakna hrang hrang hmangin a buaipui a, a taksa pawi lai tichhe si lovin, implant engmah hman ngai lovin a tumor pumpui chu a la chhuak vek a ni. A kut leh ke hnathawh chu nasa takin a lo ṭha chho tawh a, tunah hian ṭanpuina tel lovin amahin a kal thei tawh a ni.

Dr. Abhay Kumar pawhin thu sawiin, “Robotic surgery hian cancer leh complex urological diseases kan enkawl dan a tidanglam a, heng enkawlna hmang hian damlote chu dam chak zawk, natna tihziaawmna, leh enkawlna tha zawk a pe a ni.Kan tum ber chu tunlai inzaina hmanraw tha ber berte leh empathetic care te inzawmkhawm a, damlote dam khawchhuahna leh nunphung tha zawk neih theihna tur a ni enkawl an nih hnuah Mizoram atanga damlote chuan Manipal Hospital EM Bypass-ah zunkawng harsantna nei leh prostate cancer enkawlna tha ber an dawng chhunzawm zel tur a ni a, hetah hian advanced robotic expertise hian in hnaih taka khawvel huapa enkawlna tha an kawl ve tih a tichiang a ni.”

Dr. Abhay Kumar chuan localized prostate cancer vei nia hriat H Zohmingthanga chanchin sawiin open surgery emaw radiation therapy hmanga enkawl a ni a ti a, hei hi rei tak enkawl ngai niin a case hi robotic radical prostatectomy hmanga enkawl te pawh a ngai thin a ti a, heng enkawlna hrang hrang a dawn hnuah hian zai anih hnu atanga ni hnih ah chhuahtir a ni a, biopsy report-ah chuan cancer hrik awm tawhlo anga hmuh a ni a, Tunah chuan nun pangngai a hmang mek a, robotic surgery-in prostate cancer enkawlna a tihdanglam dan a pholang a ni.

Heng bakah hian V Lalbiakzama chu colovesical fistula natna dangdai tak tuarin dinhmun thalo takah a ding hman a, a zun kawng leh a chaw kawngah harsatna lian tak tawkin nunna atana hlauhawm tak a ni a, amaherawhchu robotic reconstructive surgery hmangin Dr. Abhay Kumar leh a team te chuan bladder leh intestinal passage pahnih chu hlawhtling takin an siam tha a, a tan robotic colovesical fistula repair an tihsak hnuah Damlo hi a dam tha hle a, hriselna tha tak neiin chhuahtir a ni a, hei hian robotic surgery-in dinhmun khirh ber ber pawh chiang tak leh him taka a hmachhawn theih dan a tarlang a ni.

Damlo thenkhat Samuel Lalchhuanawma, Lalthanpuia Sailo te, Dr. Abhay Kumar hnen atanga advanced URSL (Ureteroscopic Lithotripsy) leh RIRS (Retrograde Intrarenal Surgery) enkawlna dawngtu te chuan endoscopic minimally invasive procedure hmangin an kala lungte chu flexible fiber-optic endoscope hmangin an la chhuak a, hei hi an zungkawng atangin a ni. An kalah emaw an zunkawngah harsatna a awm zui lo a, he enkawlna ah hian laser hmangin awlsam taka lakchhuah theih turin an ti a ni.

Heng damlo chanchin ropui leh mak bakah hlawhtling tak tak atang hian Manipal Hospital EM Bypass chuan damdawi lam enkawlna hmasawn lama hmahruaitu a nihna a nemnghet leh a, India hmarchhak ram hrang hrang atanga damlote hnenah beiseina leh tihdamna a thlen a, tunlai thiamna thar ber ber, enkawlna tha ber, leh thiamna tluantling hmangin damlote duhthusam a pe chhuak thin a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]